شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مجلس الخواطر والمحاولات (https://www.qahtaan.com/vb/forumdisplay.php?f=45)
-   -   فبوي أبوحجرف هلاله تبدرا (https://www.qahtaan.com/vb/showthread.php?t=613)

عبدالعزيز المنيفي 29-10-2004 02:23 AM

فبوي أبوحجرف هلاله تبدرا
 
أبناء العم الكرام

السلام عليكم ورحمة الله وبركاته

وإن الخجل ليملئ فؤادي ولكن لقد طال الإنتظار
وأنا ممّن يدّعي قول الشعر (شويعر)

واريد ان أسمعكم هذه الأبيات والتي نظمتها في الغربة
رسالة إلى الوالدة أطال الله عمرها على طاعته
=====


[poem=font="Simplified Arabic,4,black,normal,normal" bkcolor="transparent" bkimage="backgrounds/39.gif" border="none,4,gray" type=0 line=0 align=center use=ex num="0,black"]
يمّه على حكم الــمـقــادير صبرا = تــصــبّري يـــمّه وزفّــــي البشاير

أركي على الونّات صمتٍ وهجرا = تــرى الـفــرج من بعد ذوق المراير

قلبي بكى فرقاك والخــالق أدرى = والدمع من عـيـنــي ســواة الـنـثاير

رزقي فرض بعدك وبالرزق أجرا = والرزق في يدين عـــلاّم الـــسراير

العين تسهرني وبالليل غــــــدرا = وليلي سواة اللي يــــخـــاف الثواير

أتذكّر الماضي وما شفت ذكـــرى = ومدري متى أزفّ لك بعض البشاير

فالأمس أقول: اليوم واليوم: بـكرا = وهذي حياتي بين وجـــــدٍ وحـــاير

مير إنّني ضحّيت فالـــدرب عمرا = خوفي ليا دارت عـــــلـــيّـــه دواير

ويصبح لي بعلمي فــضــلٍ وقدرا = وآقف لها شيخٍ وحــــولــها عشاير

فــبــوي أبــوحجرف هلاله تبدرا = قرم الرجال اللي لــحـــاهـــم حراير

شافوا هوى الغيب وصفوه تكدرا = مير انثنى والــــذل قـــــدّام نـــــاير

وهذا هواي ومـطـلـبي وإن تندرا = بجيبه بحلمي ولا نـــيـــب جـــــاير[/poem]

وسلامتكم

فارس الشواطي 29-10-2004 02:37 AM

صح واللللللله لسانك ولا هنت

عاش شاعرنا وعسى الله يقر عين والدتك برجعتك ويحفظها

لا تحرمنا من جديدك كلناا انتظار لقصايدك

ولك كل الشكر

أخوك الشواطي

عبدالعزيز المنيفي 29-10-2004 03:37 AM

فارس الشواطي

صح بدنك يالغالي


ولا تقول شاعر تراي شويعر

لكن سدّدوا وقاربوا

خالد آل مطرف العاطفي 29-10-2004 04:24 AM

صح لسانك صح لسانك يالمنيفي
مليار & مليار
ونعم بك ...وبا ابوك ..
قصيده رائعه ....جدآآآآآ .... وتشكر عليها ..لأنها لوالدتك الله يخليك انشاالله لها ..ويطول عمرها ..والله الله في العجوز ترى رضى الله من رضى الوالدين ...

لاهنت ..يا الشاعر اللي تونا ندري عنه ..

اخوك
خالد

ابن شويه 29-10-2004 04:39 AM



من تواضع لله رفعه

انت مو شاعر وبس انت قنبلة شعرية

اللهم اعنا على طاعت والدينا والله يخليلك بنت الشايب قل امييييييييين

اخوك / ابن شويه

عبدالعزيز المنيفي 29-10-2004 05:38 AM

ابن العم خالد

تسلم والله
ويشرّفني اطلاعك على القصيدة

عبدالعزيز المنيفي 29-10-2004 05:39 AM

ابن العم ابن شويه

اللهم آمين


أشكرك على مرورك وعلى دعائك

عاشق الوطن 29-10-2004 06:09 AM

يمّه على حكـم المقاديـر صبـرا تصبّـري يمّـه وزفّـي البشايـر
الاستاذ عبد العزيز
عركت المشاعر وتجاوبت معها المدامع وسقطت الدمعه وجنبي بنت صغيره حائره تنظر ابيها في عينه دمعه
ليش يابوي في عينك دمعه اه00 اه 00اه يابنتي فيني لوعه انتي مشفتي عبد العزيز المنيفي ينشد في امه
يبه هو زيي يبكي على امه قلت لايابنتي هو زيي انا في قلبه لوعه
اه ياعبد العزيز اللهم اجعل هذه القصيده في ميزان حسنات من عند خالقنا تدخل بها الجنه
عبد العزيز من يلومك لايعرف الامومه لاتلومه
يوما ما سوف تزف البشاير

عبدالعزيز المنيفي 29-10-2004 08:29 AM

أخي عاشق الوطن

ردّك حاكى لي الأمل الذي طالما سعيت له ومازلت

فأسأله سبحانه أن يتمّمه لي

==========
وكلمات والله مؤثرة أخي عاشق
أسأل الله أن لايحرمك الأجر والمثوبة

السيف النادر 30-10-2004 03:21 AM

صـــــــــــح لسانك ، والله يخيليلك امك ان شاء الله وابوك ، وتحقق احلامك ان شاء الله


اخـــــ السيف النادر ــــــوك


الساعة الآن 05:04 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com