عسى المطر يسقيك يادار الاجواد ::::::::::::
 

بسم الله الرحمن الرحيم
كتبت بعض الابيات ارجو ان تحوز على بعض الاعجاب وترتقي الى مسامعكم :


عسى المطر يسقيك يادار الاجواد
دارٍ هل التوحيد رزوا عمدها

على النضا والخيل شجعان الاولاد
ارضٍ وطوها هللت من سعدها

عساه من جده الى الشرق ينقاد
يضفي على الصمان واللي بعدها

تلقى مداعيبه قديمات وجداد
وباقصى شمال طريف يرزم رعدها

حتى الوديعه وارض الاحقاف ثم عاد
تباشرو بالخير سيل جلدها

ومعنا النشاما والمعاميل والزاد
دارٍ نصبحها والاخرى نهجدها

وجيبٍ على طول المسافات معتاد
لو يعرف الشاهين يمكن حسدها

نيسان فتك مصممه قال وش عاد
مكاين الفكسار ناقف رصدها

وبلغ فريقه (نو) ( ويكند) ورقاد
حتى الجميله تستوي في مهدها

وصارت غرام قلوب نطاقة الضاد
كلٍ عشقها واعتجب في هددها

وقام يتبختر زود الغنج بعناد
يوم اعلنو كل الجوايز حصدها

كنه عقيد القوم في حرب وجهاد
يقبل ويقفي حاجته ماوجدها

والا أدميٍ لاطمه ريح صياد
رماه بس اخطاه والشمس قدها

مالوم انا حاتم ولو حبه ازداد
آبوك يالنيسان وامر وادها


حاتم= شخص يعز النيسان

رد : عسى المطر يسقيك يادار الاجواد ::::::::::::
 

صح لسانك يا بن سبعان
ولا هنت

رد : عسى المطر يسقيك يادار الاجواد ::::::::::::
 

أرحب أرحب أرحب أرحب أرحب أرحب أرحب

صح بدنك يابن مترك
والله يعافي المشرفين مابغت تركد ذالابيات

رد : عسى المطر يسقيك يادار الاجواد ::::::::::::
 

صـــــــــــــــــــــــــــــــــــــــــــــــــ ـــــــــــــــــــح لســــــــــــــــــــــــــــــــــــــــــــــــ ــــــــــــــــــــــــــــــنك

رد : عسى المطر يسقيك يادار الاجواد ::::::::::::
 

صــــــــــــــــــــــــــــــح بدنك ويامرحبا ترحيبة المطررررررررررر