مجالس قحطان - منتديات قحطان

مجالس قحطان - منتديات قحطان (https://www.qahtaan.com/vb/index.php)
-   مجلس آخبار الشعر والشعراء والمسابقات الشعرية (https://www.qahtaan.com/vb/forumdisplay.php?f=33)
-   -   المحاجي (https://www.qahtaan.com/vb/showthread.php?t=78232)

يحي سعيد الحبابي 04-12-2014 02:01 AM

المحاجي
 
هذه الابيات #قلتها في ربعي قبائل ال امحاج الحباب قحطان وارجوا ان تنال اعجابهم والعذر لاحصل قصور من الجميع#وكل القبايل ونعم وسبعين نعم#

البدايه بسم رب العالمين
منزل اكتابه هدا للمتقين
وخالق محمد نبي المرسلين
ورافع سبع وسبع حدرا
يالله اني طالبك وانت الكريم
رازقن يعقوب باالصبر العظيم
اهدنا درب الصراط المستقيم
واكفنا نار.ن.لضاها يسعرا
بعد ذكر الواحد الفرد القدير
عالم اسرار يكن بها الضمير
.ياهجوسي حضر القاف الجدير
البيوت الكايدات الندرا
خابرك في لازمي سيف.ن.صقيل
وخابرك ترهي على العد الجزيل
وان غرست الزرع تنتج له حصيل
وان نزلت السوق لك بيع وشرا
حيث انا في الشعر موهوب وفطين
ابدعه باالعرف والعقل الرزين
وما نجنب به عن الهرج السمين
وما نجيبه عارين.ومزورا
اصرفه صرف الدراهم والجنيه
واشتري عزه ومعناه احتميه
واترك اعجابه على القلب النبيه
والغبي رقمه معاي مشفرا"
دام جالي في مدح ربعي مجال
الزحول اهل القنى واهل السلال
ربعي اهل الطايله سلم وقتال
ربعي اهل الفعل لا رد البرا
ربعي الي خصمهم نومه زهيد
لابتن تثبت لاجاء اليوم الشديد
كم شجاع وكم شلي وكم عقيد
من فعلهم راح راسه للثرا
ربعي الي في المواقيف الصعاب
لاحصل في العلم والماقف حراب
مثل نجم.ن.هد هامات الهضاب
لين صارت لا ضلال ولا ذرا
ربعي ال محاج ممنت الدخيل
لابتن تركي وتشتال الثقيل
وتكرم العاني وقطاع السبيل
وفزعة المضيوم لا لحقه زرا
طبعنا من عهد ابونا والجدود
نكسب الطالات والعالم شهود
ويشهد الماضي لنا عند الحدود
والعرب في الحد تدري وش جرا
النهار الي ماهو باية نهار
ساعة لفت على كل الديار
بالبلاجيك الطويله والقصار
لين زاح الضلم والحق اضهرا
ودي اذكر من عوايدنا القليل
لجل يصحى راعي القلب العليل
وينتبه للعلم والهرج الجزيل
يعترف بالعلم ولا ينكرا
ما نجي في الهينه والمخطيات
ولا رضينا بالمذله والشمات
طبعنا نعرف دروب المقديات
يوم كل بالعوايد يفخرا
ناخذ ونعطي ونرضى بالعدال
ومن طلبنا حق قلنا له تعال
هات ماعندك وخذ منا المثال
عند شيخ عارف.ن. ومقدرا
ودون عانينا نسوق العمر سوق
وجارنا مايلحقه غدر.ن.وبوق
وضيفنا نشفق على جيه شفوق
مايروح ضايق.ن.ومكدرا
ومن بلانا وابتلانا فالعلوم
فحن خلقنا الله قروم من قروم
وحن تعودنا على فرك الخشوم
علم الي جاهل ماقد درا
ذي عوايدنا وذي بعض الخصال
وعادة اهل الطيب كرمين السبال
سلم يدرج للكبار وللعيال
وكل قرم فعل طيبه يذكرا
والختام وقبل لا اقول الختام
باقي عندي من الواقع كلام
وادري ان النور جلاي الضلام
وكل علم وارد ومصدرا
حن محاج بن سعيد بن هويج
الحباب الي كما بحر يهيج
وصيتنا بين العرب يدرج دريج
نسل قحطان ليا رد البرا

مداوي ال محاج القحطاني##........

حمد ال جميح 08-12-2014 10:21 PM

رد: المحاجي
 
صح للسانك


الساعة الآن 07:42 PM

Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com