فيصل الرياحي وحبيب العازمي((((محاوره)))
 

[poem=font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
فيصل الرياحي=
سلام ياهل الديـار اللـي عليهـا سـلام=حامينها أهل السيـوف الحـدب حامينهـا
الليلـه الملعبـه ماتعـتـرف بالنـظـام=وليا حضرنـا تبـى ترجـح موازينهـا
حبيب العازمي=
يامرحبا يارجال(ن) من ديـار(ن) كـلام=يازينهـا فـي ليـال الصيـف يازينهـا
الليلـه الملعبـه تحتـاج ربـط الحـزام=وليـا وقفنـا نبـى نخـزي شياطينـهـا
فيصل الرياحي=
اليا خلطت السوالف من حـلال وحـرام=لكلمـه الثانـيـه عـنـدي براهينـهـا
ياحبيب اليوم خلك شعرة(ن) فـي سنـام=والبـدو تلـقـاك لاشــدت بعارينـهـا
حبيب العازمي=
أن جنبت في اللحم وأن وافقت في العضام=والكلمـه الثانيـه تاصلـك فـي حينهـا
ماني بشعره أناخصمـك قطـوع العـرام=وان زاد جن البقـوم أحشـر مجانينهـا
فيصل الرياحي=
أن وقعت في الصخر وان وقعت في العدام=حنا سيـوف المعـارك وأنـت سكينهـا
الله ربـي وربـك يامـطـوع جـهـام=تسجد علـى الأرض لاثـارت براكينهـا
حبيب العازمي=
لو مامعي غير سكيـن ومطـرق بشـام=أخذ سيوف أكثـر البقمـى مـن يدينهـا
الله رب الجميـع وصاحـبـي مـايـلام=هجـت ذلولـه تلـوى فـي كراعينهـا
فيصل الرياحي=
كم عالم(ن) يحلمون ويشمتـون الحـلام=مـاردك عـن البقـوم ألا سلاطينـهـا
ترا هذيك الهنـوف أم الذهـب والزمـام=ماعدك ألا قذاة(ن) فـي طـرف عينهـا
حبيب العازمي=
وين السلاطين يوم(ن) الشجـاري خيـام=هي بيـض مـن طبعهـا ولا مكسينهـا
وأنته بعد في حدا الخديـن دقـت وشـام=لله يعينـك عـلـى الأيــام ويعينـهـا
فيصل الرياحي=
شهد لنا بخيت يوم الهوش تحت العسـام=ماهـي بكذبـه مـع العبلـه مسوينـهـا
عاملتهـا بالوفـا والطيـب والأحـتـرام=وأنته تجمـع علـى الخبـزه وراعينهـا
حبيب العازمي=
شهـادة طيبـه لاهـل الهـوا والغـرام=قصيدتـن كــل خـلـق الله مغنينـهـا
ياصحابنا لايزيـد الطـق فـوق اللحـام=أنـتـم مغدينـهـا حـنـا معشيـنـهـا
فيصل الرياحي=
أنتم كما الزرع ياعتيبه وحنـا الصـرام=لأرض مـاعـاد تحمـاكـم ميادينـهـا
ياشاعرن في الملاعب لبسـوك الوسـام=ضيعت في الليـل عشرتهـا وعشرينهـا
حبيب العازمي=
كلمتك هـذي ماتنقـص للنشامـا مقـام=ياللـي تهـدد عتيبـه وينـك ووينـهـا
يالشاعر اللي نبتلك مثـل ريـش النعـام=ماصالـحـن للبـقـوم ألا دكاكيـنـهـا
فيصل الرياحي=
ندخل علـى الله ترانـا مانسـب الكـرام=أقولـلـي سالـفـه مـاهـم بناسينـهـا
من يوم ركبت طوقن مثل طوق الحمـام=حتى أم ضرفين جادينـك علـى دينهـا
حبيب العازمي=
السـب مالـه مجـال ولايفـك الزحـام=وأن جبتلـك سالفـه ميعـادك دوينـهـا
مايختلف هالرياحـي منتفـخ كـل عـام=كـن أم ضرفيـن غاذيتـه بضرفينـهـا
فيصل الرياحي=
مزكوم ياصاحبـي واعديتنـي بالزكـام=دينـت بنـت الحـلال ولا قضـا دينهـا
سبحان من حط جسمك مثل عود الثمـام=كنـك مـن أفريقيـا وأحـد مساكينـهـا
حبيب العازمي=

خلـه لعلـه عساكـم كلـكـم للهيــام=العافيـه صــح منـتـم مستحقينـهـا
وزن الخشب طن ولا الماس كيلو جـرام=حمـر الفلسطيـن نكبتهـا فلسطينـهـا [/poem]

رد : فيصل الرياحي وحبيب العازمي((((محاوره)))
 

علي الحبابي

لاهنت والله يبيض وجهك

على نقل هذه المحاوره الرائعه

للشاعرين الرائعين العمالقه

حبيب و فيصل

فعلاً من اجمل محاوراتهما

اكرر لك الشكر لاعدمناك ،،،


.

رد : فيصل الرياحي وحبيب العازمي((((محاوره)))
 

بيض الله وجهك يابوفيصل
وعسانا ما نعدمك
انت وشرواك
بصراحه محاوره جميله جداً

رد : فيصل الرياحي وحبيب العازمي((((محاوره)))
 

ان اشهد انها محاوره بما تعنيه الكلمه جزاله ومعني وشعراء فحول

بيض الله وجهك يابوفيصل وجعلني ما ابكييك

رد : فيصل الرياحي وحبيب العازمي((((محاوره)))
 

ابوفيصل بيض الله وجهك علي الانتقاء الرائع وهذا دليل علي ذائقتك الرائعه

محاوره قويه فيها نوع من الحد في الحوار بين اعنف شاعرين في الساحه

الشبح وشاعر الالفيه اشكرك ياعلي.........

رد : فيصل الرياحي وحبيب العازمي((((محاوره)))
 

ارررحب مليون ان اشهد لله ان هالمحاوره نادره في
الجزاله والقوه بين شاعرين كبيرين
حبيب العازمي وفيصل الرياحي

رد : فيصل الرياحي وحبيب العازمي((((محاوره)))
 

هلابك يالحبابي

انت من الاعضاء المميزين في طرحهم المواضيع بارك الله فيك

محاوره بين عمالقه نتمنى لعبهم مع بعض

رد : فيصل الرياحي وحبيب العازمي((((محاوره)))
 

مرحبا الف اخي الغالي سعد القحطاني اشكرك علي المرور

رد : فيصل الرياحي وحبيب العازمي((((محاوره)))
 

اخوي سعود/// هلا وغلا
الساعه الطيبه مرورك على هذه المحاوره
بيض الله وجهك ولا خلا ولا عدم ياالغالي 0

رد : فيصل الرياحي وحبيب العازمي((((محاوره)))
 

بيض الله وجهك يابو فيصل

ابو فيصل

هل محاوره فيصل الريايحي وحبيب العازمي الي جا ابن شايق فيها عندما قال الريايحي للحبيب

استقبلك في الحويه والورود
............. وا اذكرك بابن شايق صح ولا خطاء

اذا هي عندك او احد من الربع الله لايهينه يجيبها ولا عليه امر

اخوك