الشاعر / مبارك بن كويع المشعلي.فالشيخ /حمد بن حسن سعادان ال ذيبان اليامي
 

ابيض وجه واقولها ابيض من الشاش
ابيض وجه ترفع على كل عالي
تاصل حمد واقول انا للكفو عاش
حمد ابن حسن اعلومه اجزالي
لاما زهم صامل اوافي وشواش
والله ونعم بك ياكريم السبالي
علي الحرام انه كفو ماهو بلاش
وقف بميقافن يهز الجبالي
من دون عايض سار بالوجه والكاش
الوجه حاضر ولايحسب الريالي
امن االشمال الين تاصل ورا اخباش
نرفع لك البيضاء بروس الطوالي
من روس قومن للعدا ضرب رشاش
يام ابن يصبا محتمين التوالي
صغيرهم فالحرب ماهوب ينحاش
وكبيرهم يارد سوات السلالي
الكل منهم لاحصل حرب بطاش
صبيان يام اهل القناء والرجالي
هذا رساله وصلوها ياطراش
لليامي اللي يرتكي للثقالي
يقولها ابن كويع من وقفته شاش
عزالله انك ياحمد ماتمالي

الشاعر / مبارك بن كويع المشعلي
هذه القصيده

فالشيخ /حمد بن حسن سعادان ال ذيبان اليامي عندما قام بالسعي في موضوع الاسير فاليمن عايض بن جبران المشعلي حتى رجع الى السعوديه والى اهله

رد: الشاعر / مبارك بن كويع المشعلي.فالشيخ /حمد بن حسن سعادان ال ذيبان اليامي
 

صح لسان الشاعر مبارك ..