يا عبيد خطي يوم الآله تخطه
يا عبيد خطي يوم الآله تخطه دخل عبيد أحد أبناء الشاعر سعد بن محمد بن جليد الفهري رحمه الله على والده وهو يكتب أحدى القصائد على آلة الكتابة ، فسأله أبنهُ عن سبب كتابته لقصائدة الشعرية عن طريق آلة الكتابة ، هل معنى ذلك أن خطه سيئ أو أنه لايجيد الكتابة ، فقام والده برد أستفسار أبنه بهذه القصيدة الرائعه ووجهه بها إلى الشاعر الكبير هادي بن حفيش آل مسعود .. [poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=4 line=1 align=center use=sp num="0,black"] يا عبيد خطي يوم الآله تخطه *** لجل الغلط والخط ياتيك مظبوط وده ولو يلحقك ياعبيد شطه *** لهادي * وهذا بينا شرط مشروط ولا جيت عند اللي له الخط وطه *** واشرح له المعنى على الخط بنقوط وقله رفيقك جايرالوقت حطه *** والناس ما تقبل وجوده بلا نوط والناس كل له طريقه وخطه *** وعزي لمن دربه مع الصعب مخطوط و إن شفت في دربك عذول فصطه *** وخله على يسراك في الدرب مقطوط وان صارفي دربك عتاش فنطه *** وخيط فتوق الثوب لوكان مفروط والخاتمه يا عبيد خطي تخطه *** لاله وبشرني عسى الخط مظبوط[/poem] * هادي بن حفيش آل مسعود |
رد : يا عبيد خطي يوم الآله تخطه
ارررررررررررررررررررحب يابومحمد وابيض وجه على ماتقدمه من اعمال رائعه تحيي ذكرررر شاعرنا
ابوعبيد الله يرحمه والله يجعلها في موازين حسناتك وتكفى يابومحمد لاتتركله اي قصيدة الاوتنزلها في المنتدى لكي الاخوان يستفيدون من معرفة وتجربة ابوعبيد في الدنياوتسلم يمينك من العطب وانا اشكررررررررررك على هاالبادره الطيبه وباالتوفيق يابطل ،،،،،،،،،، لك مني جزيل العررررررررررفان اخوك/محمد بن عبيان |
رد : يا عبيد خطي يوم الآله تخطه
لاهنت ياعبيان
والله يرحم الشاعر سعد بن جليد الفهري تحياتي |
رد : يا عبيد خطي يوم الآله تخطه
شاكر لكم مروركم وتفاعلكم مع القصيدة
وعسى الله يجملني عندكم بالقصايد الجزله |
رد : يا عبيد خطي يوم الآله تخطه
ولا جيت عند اللي له الخط وطه *** واشرح له المعنى على الخط بنقوط
وقله رفيقك جايرالوقت حطه *** والناس ما تقبل وجوده بلا نوط والناس كل له طريقه وخطه *** وعزي لمن دربه مع الصعب مخطوط صح لسان الشاعر وشكرا لك |
رد : يا عبيد خطي يوم الآله تخطه
أخوي زنيقر
شاكر لك مرورك |
رد : يا عبيد خطي يوم الآله تخطه
الله يرحمك يبوعبيد مكثر عتاش ذلوقت
|
الساعة الآن 03:35 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com