مضواح الحبابي (خولان بن عامر ) و مفرح بن بداح
 

اخواني الكرام

يشرفني ان انقل لكم هذه المحاوره التي تجمع الشاعرين الكبيرين :ـ

مضواح بن شتوي الحبابي ( خولان بن عامر ) و مفرح بن بداح السبيعي

وهي منقوله من مصدرها ( موقع النداوي )

نترككم مع المحاوره الجميله :

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
خولان بن عامر=

سلام والمعنى خطير وكل مايذكر خطير=اللي عجز يفطن لها بكرة يبا يفطن لها
يامفرح بن بداح مال الكايده غير البعير=لكن في تالي الليالي عجـز لايشتلهـا

مفرح بن بداح=

يا مرحبا ترحيبةٍ تسـوى لهـا مـالٍ كثيـر=يالشاعر اللي في المواقف خوته مـا املهـا
الحمل في ظهر الجمل محمول والصاير يصير=إمـا حملهـا كلهـا وإلإ تركـهـا كلـهـا

خولان بن عامر=

وبك البقاء ياشاعرٍ عارف وله قدرٍ كبير=اللي ليا صعبت الامور الكايـدات يحلهـا
قالوا جمل قلنا جمل بين الركايب له هدير=لكن ويش اللي حصل بين القصور وظلها

مفرح بن بداح=

سولف وفضفض عن همومك وأعتبر سرّك في بير=القـوم لـو تكشفـك مـا خلتـك تأخـذ بلـهـا
اللي حصل بحث الدعاوي وأسمـع العلـم الاخيـر=انته وش اللـي دخلـك بيـن الهنـوف وخلهـا

خولان بن عامر=

العام يابن بداح تاجر والسنه هاذي فقير=قل للجماعه قلهـا قـل للجماعـه قلهـا
بكره يشوفون المهند والمقمع والشطير=حتى اليماني شفرته يمكن على امه سلها

مفرح بن بداح=

العام في خير ورخا واليوم يا معوض بخير=أهـم شـئ المعنويـه عالـيـه لعلـهـا
أبشرك فرقّت في الشله وتسريح المديـر=والدائره وإمامها واللي بعـد يـذن لهـا

خولان بن عامر=

رحتوا كذا مادري كذا بين المدرج والصفير=والطائره قام الهواء يصفق بهـا ويشلهـا
فرقتهم لكـن رايـك دائـم بـه تستشيـر=واشوار بعض الناس تجهل دقها من جلها

مفرح بن بداح=

رحنا مع الدرب اليمين ومن بغى الايسر يسير=والطائـرة فـي الجـو كبتنهـا لابد يتلهـا
اليوم والليله وش تخايل يابو طـرفً بصيـر=المّي والخضرة مع الوجه الحسن يـا حلّهـا

خولان بن عامر=

ايام عبدالله فضاله قبـل مايظهـر بشيـر=كان اغلب العربان بين العشق وانواع اللهى
واليوم والليله يقود الغيض سلك من حرير=احدٍ عيونه حمّرت واحـدٍ دموعـه هلهـا

مفرح بن بداح=

ايام عبدالله فضاله كان جمهورٍ غفيـر=لوقلت له وين السعادة قال مـا يدّلهـا
واليوم لاعلك تشوف وتستمع عبر الاثير=فلّة حجاج ولا عليك إلإ سنـه وتفلهـا

خولان بن عامر=

ذيك الليالي غير يابن بداح واما اليوم غير=عساك تسلم من كبودٍ ينطحن لـك غلهـا
ماتدري انك كل ماحاولت يالاشقر تطيـر=قامت معاصير الريـاح العاتيـه تحتلهـا

مفرح بن بداح=

ان كان مالت رؤس شرهتها على السيف الشطير=اللـي يعدلهـا ليامالـت وكــم عــد للّـهـا
لو اني آحسّب سموم القيض واطيـاف الهجيـر=ما كان طوعْت العسيـف اللـي حسيـنٍ دلهـا

خولان بن عامر=

احسب حسابك والفلك في كـل لحظـه يستديـر=اهـل الشجاعـة تالـي الايـام شفـنـا ذلـهـا
الفرق في جيش ابرهه من جيش موسى بن نصير=الفرق واضـح والصـلاه اللـي تنجـي صلهـا

مفرح بن بداح=

انا احمد الله ما وردت العدّ بالحبـل القصيـر=أسرح لها قبل الشروق وفي المساء ضاوي ٍلها
وفر علومك لا توصيني ترى ما نـي غريـر=ألطم عيون أهل الخطاء واهل الجلال أجلهـا

خولان بن عامر=

غلاك يجبرني على اللي قلت يالبحر الغزير=ولا إن بعض القوم آعدي بيتهـا وازلهـا
اهم شي البر لايصبح بعـد بكـره شعيـر=بعض السحاب يمر دار مسنيه مـا بلهـا

مفرح بن بداح=

يا الطيب الله لا يغلك وانت محسوب وقدير=تتعب على الكلمه وتأخـذ مثلهـا ردٍّ لهـا
أهم شئ المعرفه والطيب والاسم الجديـر=خولان بن عامر مع الحكمة تقول أخوٍّ لها [/poem]

رد : مضواح الحبابي (خولان بن عامر ) و مفرح بن بدا

 

السلام عليكم ورحمة الله وبركاته



الله لا يهيينك ياسعد على النقل


وصح لسان الشعار

وهم بلاشك شعراء كبار

أستمتعت بمحاورتهم



.

رد : مضواح الحبابي (خولان بن عامر ) و مفرح بن بدا

 

اختيار رائع يابو سليمان


وصح لسان ابو نايف وصح لسان ابن بداح


شكراً لك اخي الكريم على هذه المشاركة :)