شبكة قحطان - مجالس قحطان - منتديات قحطان - من ابتااباد الين توصل لكاكول

- مجلس الخواطر والمحاولات (https://www.qahtaan.com/vb/forumdisplay.php?f=45)

- - من ابتااباد الين توصل لكاكول (https://www.qahtaan.com/vb/showthread.php?t=2569)

من ابتااباد الين توصل لكاكول

مســــــــــــــــــــــــــــاء العطر والخزامى والقحويان
من دواعي سروري تواجدي بينكم والله العظيم
جئت ليس لمجرد الحضور
جئت للحضور والمشاركه ولو بالقليل
هذه الابيات عسى ان تنال اعجابكم وابي تعطوني رايكم فيها
مناسبتها انني خارج الوطن تهيضت وكتبت هذه الابيات المتواضعه
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
من ابتااباد الين توصل لكاكــــــول=الين عاصمة الدجل والغوانــــــــــي
والضيقه الضيقه معي وين ماجـــول=الشاهد الله ضيقتن بالمحانـــــــــي
لانسنس الغربي اقول ايه لحــــــول =ويضيق بي حتى مجرد مكانـــــــي
وخصن اليا اظلم وادلهم ليل كاكـول=ماغير احسب ساعته والثوانــــــــي
كلن يهنيني بعيده وانا اقـــــــــول=العيد شوف اللي لهم وضع ثانـــــي
ربعن لهم تاريخ ماهوب مجهــــــول=اللي ليا من جيتهم ماتعانــــــــــــي
فنجال بن يقدمونه على طـــــــــول=والعود الازرق والشحم بالصيانــــي
وسوالفن تاثيرها همك يــــــــــزول=ماجاء باثرها خطو خبلن هدانــــــي
وجدي عليهم كل ماليلي يطـــــــول=واشوف نور الصبح للكون بانــــــي[/poem]

اخوكــــــــــــــم الشاعر المبتدئ فهد العبيدي
اسلام ابــــــــــــــــــــــــــــــــــــــــاد

يا فهد علي الملازيم انك شاعر كبير

وقصيدة رايعه وفيها الشي الكثير من الابداع

وحنا في انتظار المزيد من القصايد اللي ما يجيبها الا الرجال اللي شرواك

ابن صد

الله يعجل برجعتك

وصح لسانك ولاهنت

ابن صد اررررررررررررحب والله يحيييك والله يرجعك لنا سالم غانم

واقسم بالله انه يشرفني مرورك يابوشفلوت
صح بدنـــــــــــــــــــــــــــــــك

صح بدنك ياخيال السمراااااا
شرف لي مرورك

صح بدنـــــــــــــــــــــــــــــــــــــــــــــــ ـك
ياشبل قحطان

ربعن لهم تاريخ ماهوب مجهــــــول
اللي ليا من جيتهم ماتعانــــــــــــي
فنجال بن يقدمونه على طـــــــــول
والعود الازرق والشحم بالصيانــــي
وسوالفن تاثيرها همك يــــــــــزول
ماجاء باثرها خطو خبلن هدانــــــي
وجدي عليهم كل ماليلي يطـــــــول
واشوف نور الصبح للكون بانــــــي

فهد الله يعجل برجعتك للوطن سالم ومعافى

وتراك هيضتني لكن تسلم وصح لسانك وعسى السلامه فالك

الاشهــــــــــــــــــــــــــــــــــــــتب ارحب تريليـــــــــــــــــــــــــــون
مرورك شرف يابن عمي
صح بدنــــــــــــــــــــــــــــــــــــــــك وعساك سالم

ماشالله عليك يابن صد

قصيده مميزه

وبدايه موفقه

وترى نسقت لك القصيده :)