هل ذبح الشاة الحايل عندنا في قحطان من قمة الكرم أم نقيصة ومذمومة ولا تجمل ؟ مهم
 

الإخوة الكرام صبيان قحطان
دار بيني وبين بعض الزملاء من قبيلتي غامد وزهران نقاش حول الكرم عند القبائل
المهم اكتشفت واستغربت جدا لقولهم بأن من يذبح الشاة لضيفه عندهم يصبح مذموم ومفضوح ويعاب عليه ذلك بل زاد البعض وذكر بإن الشاة والرخل لو ذبحها وأحضرها لبيته لرمي بها لأنها فضيحة ومنقود


أما عندنا في قحطان فوالله العلي العظيم إنها وخاصة في من أعرفهم وسابقا بالذات إنها من أفضل التكريم لضيفك
وكان في ما مضى إذا الرجل لديه رؤوس من الغنم وجاه ضيف عزيز وغالي يختار المضيف أعز ما يملك من غنمه وهي الشاة الحايل السمينة الغير مندولة ويذبحها إكراما لضيفه وبذلك يقطع نسلها ولن تتكاثر غنمه بعكس لو ذبح خروف

كذلك عند بعض القبائل الأخرى ذبح الشاة قمة في الكرم
قبيلة عتيبة الغالية تلقب بذباحة الحيل والحيل جمع حايل وهي الشاة السمينة الغير مندولة

أنتظر رأيكم ياأخوان على أحر من الجمر هل ما ذكرته صحيح أم لا ؟ وهل ذلك عند كل قبائل قحطان الكريمة والمعروفة بكرمها

رد : هل ذبح الشاة الحايل عندنا في قحطان من قمة الكرم أم من نقيصة ومذمومة ولا تجمل ؟ مهم
 

أشوف أن ما فيها شيء

أغلبية القبائل تفعلها

رد : هل ذبح الشاة الحايل عندنا في قحطان من قمة الكرم أم من نقيصة ومذمومة ولا تجمل ؟ مهم
 

من اول افضل مايذبح الشاة الحايل واما هالحين الخروف السمين علشان يضبط المفطح :) والحمد لله على النعمة

رد : هل ذبح الشاة الحايل عندنا في قحطان من قمة الكرم أم من نقيصة ومذمومة ولا تجمل ؟ مهم
 

ارررررررحب ياوتد

ولاهنت على الموضوع



ومن وجهة نظري أن ذبح الحايل السمين وإذا كنت مختارها من غنمك فهذا يكون قمة الكرم لآنك بهذي الطريقة تقطع نسل الغنم تكريماً لضيفك الغالي


أما الوقت الحالي فالله يديم النعمه ويعزها

كل شيء جايز وكل رجال يدور للجماله


لاهنت وبيض الله وجهك

رد : هل ذبح الشاة الحايل عندنا في قحطان من قمة الكرم أم من نقيصة ومذمومة ولا تجمل ؟ مهم
 

الحايل من خير مايذبح للضيف ولاعند عبيده عيب فيها وهذا اللي عرفه عندهم وترى كل شارب له مقص أحد يستاهل حايل وأحد يستاهل قرص وهوبمثابة خروف بدون عظم ومنهم من يستاهل عصيده ومنهم من يستاهل قعود ومنهم من تقدم له الميسور شكرا

رد : هل ذبح الشاة الحايل عندنا في قحطان من قمة الكرم أم من نقيصة ومذمومة ولا تجمل ؟ مهم
 

(الحايل )وهي ماحال بينها وبين الدفاع الشحم المتراكم في احشائها فكانت افضل مايقدمه الرجل لضيوفه في زمن

كانت تندر الشياه السمينة كمايقول ابائنا وقد تغنى الشعار بذباحة الحيل

وفي هذا الزمن فالاغنام التي ترعى ولايجلب لها ( الشعير المستورد) لاتفرق بين صغيرها وكبيرها فلذة اللحم واحده

ولكن بعد التسمين الاصطناعي ضاعت النكهة في الصغير والكبير

رد : هل ذبح الشاة الحايل عندنا في قحطان من قمة الكرم أم من نقيصة ومذمومة ولا تجمل ؟ مهم
 

الكرامة هي الشحم ليس مهم حايل ام لباني

الشاة الحايل ما تاخذه دون 1000 ريال

رد : هل ذبح الشاة الحايل عندنا في قحطان من قمة الكرم أم من نقيصة ومذمومة ولا تجمل ؟ مهم
 

رد : هل ذبح الشاة الحايل عندنا في قحطان من قمة الكرم أم من نقيصة ومذمومة ولا تجمل ؟ مهم
 

بيض الله وجيهكم على ردودكم الطيبة وفعلا قبايل قحطان هي أهل العادات وأهل الكرم وهذه العادة الطيبة اللي نفتخر بها هي للأسف نقيصة عند بعض القبايل ولا ألومهم أبدا لكل قبيلة عاداتها وسلومها ومثل ما قال أخونا الغالي حسن بن جعدة (( كل شارب وله مقص أحد يستاهل الحايل وأحد يستاهل القرص وأحد يستاهل القعود ))
تحياتي للجميع وما قصرتم جعلني فداكم

رد : هل ذبح الشاة الحايل عندنا في قحطان من قمة الكرم أم من نقيصة ومذمومة ولا تجمل ؟ مهم
 

أخوي وتد اسمح لي بهذه المداخلة البسيطة :

اما من قال ان من قدم الرخل او الحايل فهو منقود .......... فردنا عليه هذا الضيف كيف بيعرف إن هذي رخل ولا شاه

سألت أبوي عن أفضل مايقدم قال : الحايل أكبر الشياه الموجودة عندك ، وهذا في الغالب كانوا يقدمونا العرب في القديم ،
أما الحين فما أظن لو جاك ضيف بتقدم له يا فلان من الناس حايل لماذا ؟ لان الناس يبون الذبايح اللي لحمها طيب والخرفان الطيبة اللي لاهيب كبيرة ولا صغيرة وأكبر من الوسط ، بالعكس الحين لو تقدم حايل يمكن ما احد ياكلها
لأنها بالموت تطبخ عدل

يذكر لي والدي إن اهل بيشة إلى يومك هذا يقدمون الحايل واهل نجد اما كثير من الناس فيقدمون الخروف السمين اللي لاهوب وسط ولاكبير مرة

لعلك فهمت قصدي

شكرا لموضوعك الطيب