كسوة المجنون .......
 

متواضعه للتواصل وتجديد العهد

.

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
راسي لخيل المعاني الاصيلات إصطبل=والصدر ميدانها .. غيرها ما يقبله
والضمير الصافي لكل جزله مُرتَبَلْ=لا طرى لي بيت يفحصه قدام آفتله
شِفرةٍ في فكها آحاول بشتى السُبل=ياوجيهٍ صبطت .. هو فرح والْا وَلَه ؟
متْهَم يوسف لو الثوب قَدْه مِن قُبِل=مير ربي رد كيد المكيدين الْهَلَه
والله إن الشبل شبل الأسد عاش الشبل=ما يهمه جملتينٍ تِشَاقلْها اجْهَلَه
داري إن شرهة شُمطان اللحى ما جت خِبل=شرهة العُقْال تلحق رفيع المنزله
الدوي انا آحسب إنه رعد واثره طبل=طبلة دقاقها مِن هواة البلبله
من يوجه صوب روس الشواهيق .. النَبِل=ما نِشَد حاضِرْه ماضيه عن مستقبله
ثارت البندق وعادت على الرامي دبل=اصدمت في ضلع قاسي وارتدت مقبله
راميٍ مربوش ما يتقن الهجمات بلْ=قررو ثم وجهو له سهوم مزلزله
كسوة المجنون جِلْ السلاسل والحبل=كان حاول يطرق ابواب شرٍ مقْفَلَه
على باله يعتبِلْ له عبيله .. ثم عبل=كدرِ مع صافِيِ ومزْه بقرْن الفلفله
والله اعلم مومي الشنه ازرى لايِبِلْ=حلقه .. من المنهل اللي ماعمره ينهَلَه
لو على راسه تهامل غزيرات الوَبِلْ=رحمة الله للنشاما فقط .. ما تشمله
قيل من جور ام قرنين تنطح في جبل=والجبل جور ام قرنين كيف يحلحله !
يازمانه عَلْمَه كان شوْش وانهبل=يدري إن الشين والشر ما يستحمله
قول جَنْب عن هل البل يا معدوم الابل=قدحموها قبل عصرك وعصر القنبله
نارهم ما ولعوها من اخواص وعَبَل=من قديم الو قت وجه المغَوّى تاكله
النصيحه تنشرى قَبْلْ والا ما قَبِلْ=إن قَبِلْ والا هذا الحبْلْ وهذي السلسله[/poem]

رد : كسوة المجنون .......
 

الله الله

صح الله لسانك

من ابو نجد الى ابو سليمان

قصيده مسرجه بسرج الفرس

وقد أثارت العزاوي والعسام

في ميدان الشعر النبطي

في قمة الروعه

تحياتي

رد : كسوة المجنون .......
 

ارحب ارحب ارحب ارحب تراحيب الحيا



حياك وحي ماجبته ياسعد ..

قصيده مليانه ...
وقافيه رااااائعه ...

صح لسااااااااااااانك مليوووون

رد : كسوة المجنون .......
 

صح لسانك يا سعد .. قصيدة جزلة اتسمت بالابداع وبعيدة عن التقليدية .


لا هنت يا سعد واتمنى لك التوفيق


تقبل خالص الشكر

رد : كسوة المجنون .......
 

اررررررررررررررررررحب

صح لسانك يا ابو سليمان

بصراحه وبدون مجامله

قصيده جدا رائعه وفي الحقيقه اسمتعت بقرائتها

ابيات في غاية الروعه

ماقول الا ماشاء الله عليك والله لايضرك بمكروه

ولاتحرمنا من جديدك

اخوك/عبدالله السحيمي

رد : كسوة المجنون .......
 

الاخ سعد

السلام عليكم ورحمة الله وبركاته

استمتعت كثيرا بالاسلوب الفلسفي للوصول بالمتلقي الى الهدف

أبيات في قمة الروعه الشعريه درست جميع أبياتها باحكام

نقرا كل بيت ونتصور ان ظهوره مخاض عسير لمن يبحث عن الجزاله

ولكن بقي أمر واحد وهو ان معاناتك زفرتها ثوره وبركان يعصف بالطرف الاخر

ونجد ذلك في هذه الابيات من القصيده

يازمانـه عَلْمَـه كـان شـوْش وانهبـل =يدري إن الشين والشـر مـا يستحملـه
قول جَنْب عن هل البل يا معـدوم الابـل =قدحموها قبل عصـرك وعصـر القنبلـه
نارهم ما ولعوها مـن اخـواص وعَبَـل =من قديم الو قت وجـه المغَـوّى تاكلـه
النصيحه تنشـرى قَبْـلْ والا مـا قَبِـلْ =إن قَبِلْ والا هذا الحبْلْ وهـذي السلسلـه

تحياتي

رد : كسوة المجنون .......
 

بسم الله الرحمن الرحيم

أنا أشهد
صح السانك أخوي سعد ( روعععععععععععه )

رد : كسوة المجنون .......
 

رد : كسوة المجنون .......
 

ابو سليمان





جزل جزل جزل



صح لسانك وعلا شانك يالقرم




حكم ونصايح وامثال في احد لوحاتك المرصعه بالذهب والماس


تقبل تحيتي

رد : كسوة المجنون .......
 

صح لسانك يابو سليمان


قصيدة في قمة الجزالة والروعه


ونتطلع لمزيد من تواصلك الشعري