المراجل ما تبي بكثر السوالف = والقصايد تطلب عقول فهيمه
هذه القصيده سندتها على ولد خالي نايف ذيب بن شفلوت........واللي اتمنى ان تلقى قبول عند عوال الشايب
[poem=font="Simplified Arabic,5,white,normal,normal" bkcolor="white" bkimage="backgrounds/22.gif" border="double,10,silver" type=1 line=0 align=center use=sp num="0,black"] في المــواقــف لا حضر وقت المواقف=تخــتـلف بعـض المـفـاهيم القديمه يِـنـكشف من فعلهم وسـط الشفايف=لو تـظـاهـر بِأن ِله قـدرٍ وقيمه والمـراجـل مـا تبي كثـر السوالف=والقـصايـد تـطـلـب عقولٍ فهيمه والحـرار تطـير ومنـزلهـا النوايف=والحبـاري لـو بغت تبـقى غشـيمه والجـبـان اليا تشيجع يبقى خايف=والحـقايـق تحُـترم لـو هـي اليـمه والرجـل لا صـار وقـتـه بالخفايف=جـعـل منـهي تنجب امثـاله عقيمه والسـنـين اليـا غدت شهب وعجايف=تـطـلـب رجـال المـواقف والعزيمه يمـكـن انـي داري بـشـي ٍوعـايـف=بـس اهـونهـا ولـو انهـا عظـيـمه ولا نويت ادله ذكرت اسمك يا < نايف >=والله ان وصــوفـك وصــوف ٍعـديمـه يا عقيد الطيب ويا اسمى الوصايف=يـا شـجيـع ٍعـزتـي لمـنهو خصيمه اشـهـد انـك سـابـق ٍجيـلك وطايـف=فـزعـتـك فزعـت رفـيق ٍمن صميمه مـا تـلفـت للـمدايـح والشوايف=مـنـبـعـه طيّـب ونيـاتـه سليمه ولا حكى حكيه مثل حد الرهايف=حازم ما يسمع هروج النميمه رابي في بيت بيضان الصحايف=نسل ربع لا غزو جابوا الغنيمه والعـذر لـو ان في حـروفي كـسـايف=يـاللي قدرك منزله من فوق غيمه [/poem]
مشعل بن شفلوت
|
أرررررحب يا الحاضر الغايب
حاظر في قلوبنا وغيبته بعد الاوطان جزله يا الجزل صح السانك يا مشعل قصيده ارتقت للثريا اتمنى ان تكون بصحه وعافيه واتمنا لك التوفيق دائما اخوك محمد بن مسفر بن مناحي القويفل |
ارررحب يامشعل
وصح لسانك على هذي القصيده الجزله |
لا هنت على القصيدة وصح لسان الشاعر
|
عشت والله يابو مترك وصح لساااااااااااااااااااااانك
اخوي الغالي مشعل بن مترك بن شفلوت صح لسانك وبيض الله وجهك على ذا القصيده الطيبه الشاعر كفو واللي مسند عليه كفو لا تخلينا من القصاااااااااااااااااااااااااااايد الزينه اخوك ابو ابراهيم العبيدي |
الاخ مشعل الله يمسيك بالخير والعافبه ويردك للوطن بالسلامه ولا هنت على الابيات الجزله والتي تنبي عن حب وشوقك لابن عمك نايف ونبي نسمع رده ان كان له رد . رابي في بيت بيضان الصحايف نسل ربع لا غزو جابوا الغنيمه |
ابن شفلت هنـــــــــــــــــــــــــــــــــــا
أرحب تراحيب المطر يابن شفلوت وافيه وانت وافي صحححح لسانك أسعدني تواجدك , حفظك الله . |
من اروع القصائد وصح لسانك يابو مترك
تحياتي عبدالله القحطاني |
صحححححححححححححححححح لساااااااااااانك يا مشعل
لا هنت على هالقصيده الجزله ننتظر جديدك يبن شفلوت على احر من الجمر أخوك: الحميداني |
محمد مسفر بن مناحي القويفل
اولا سلمه ثانيا انت من الناس اللي لهم مكانه خاصه عندي واللي ما انساهم حتى لو اني في غربه ثالثا شاعر مبدع مثلك يشرفني انه يقيم قصيدتي اخوك \ مشعل بن شفلوت |
الساعة الآن 05:18 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com