شبكة قحطان - مجالس قحطان - منتديات قحطان - أدّب ولـــدك ..إن كـــان تبـغـيــه يشـفــيـك

أجمل ما قيل في النصح .. الجزء الأول

الشريف بركات بن عبدالمطلب، شريف يرجع نسبه إلى النسب الهاشمي .. لا تذكر الروايات متى عاش ولكنني أتوقع أن حياته كانت في القرن الثامن عشر ، من فطاحل الشعراء .. ورثت عنه هذه القصيده وقد قالها بعد أن ترك مكة المكرمه بعد خلاف مع واليها إبن عمه ورحل وسكن العراق .. قالها وهو ينصح إبنه مالك وقد لخص فيها النصيحة :

يــا الله يللي ........ كــل الآمـــات ترجــيــك يـا واحد(ن) مــــا خـــاب حي ترجـــاك

يــــا رب عبـدك مــا مشى في مـعـــاصيـك ولا مشى إلا .... في محبتك ورضـــاك

يـــا مرقـب(ن) بـالصبــح .... ظليت أبـــاريك مــا واحــد(ن) قبلي .... خبرته تعــلاّك

وليت يـا ذا الدهـــر ........ مـا أكــثر بلاويـك الله يزودنا ....... بـالســلامـة من أتـلاك

يللي على العـربـــــان عـمـّت شـكــاويــك وليت يــا ذا الدهــر ........... ول مقواك

واليــوم هــالكـــانــون غــاد(ن) شبــابيــك تلعب به الأريـاح ...... من كـل شبّــاك

يـا مـــالك إسمع ....... جــابتي يوم أوصّيك واعرف ترى يـابوك ..... أبــآمرك وأنهاك

وصيةٍ من والـــد(ن) ... طــــامـــع(ن) فيك تسبق على الساقة لسـانه العليــاك

أوصـيــك بـالتـقـــوى... عسى الله يهديــك لهــا وتدركــهــا .......... بتوفيق مولاك

الله .. برب أجـــدادك الغــــــر ...... يعـطيك مرضـــاته ... مع مــا تمنى من مـنـاك

إحـفـظ دبشــك أللي عن النــــاس مغنيك اللي ليـــا.... بان الخـلل فيك يرفـــاك

وإعرف ترى مكـة..... ولاّهـــا بنــاخــيــــك لو تشحذه خمسة ملاليــم مـاأعطاك

إجعل دروب المرجلة .... من مـعــانــيــــك و إحذر تميل .... عن درجهـا بمرقـاك

لا تنـجـضــع عـنـهـا ..... وتبغيني أعـطـيـك جميع مـــا يكفيك مـا حاصـل(ن) ذاك

أدّب ولـــدك ..إن كـــان تبـغـيــه يشـفــيـك و إن ضــاقت أمه..... لا تخليه يـاطـاك

إمـا سمج ..و إستسمجك.. عند شــافيــك و يفر من قوله.... صديـقـك و شـرواك

وإلا بعد جهله ..... ترا هــو ..... بيـــاذيــــك و لو زعلت أمـه.... لا تخليه... يــــالاك

و إحـذر تضيّع ... كـل من هـو ذخــر فـيــك معروف لا تنساه ..... واوفـه بعرفــاك

ترا الصنــايــــع ..... بين الأجــواد تشريــك اليــا طمعت ...... إبغرسـهـا لا تعـداك

وإحذر ســـرور(ن) بغبة البــحـــر يرمــيـك و لا عنده فلس من تشكيــك وأبكــاك

و أوف الرجــــــال حقوقهــا .... قبل توفيك لا توفيه بالقول ....... فـالحـــق يقفاك

و هــرج النميمـة و القـفـا ..... لا يجي فيك وإيـاك ... عرض الغـافـل ... إيـاك إيـاك

تبــدي حـديـث(ن) للمــــلا فـيــه تشكـيك وتهيم عند الناس ..... الكذب و أشـراك

و اليــا نويـت ........ إحـذر تعلم بـطـــاريــك كـم واحد(ن) تبغي به العرف وأغواك

و إحذرشمـاتــة صاحب(ن) لك مصــافـيك و ليـــا جـرى لك جــاري ..قــال لولاك

و لا تـحـسبــن الله قـطــوع (ن) يخـليـــك و لا تفــرح إن الله على الخـلـق بدّاك

الضــيــف قــدم لـه " هـــلا " حـيـن يلفيك و مـمــا تطوله يـا فتي الجود يمنــاك

إحـــذر تلاقي الضيف .... مـقـرن عـلابـيـك خله مـحـب (ن) لك صديق إذا جــاك

و أوصـيــك زلاّت الصديـــق إن عـفـا فيـك مـا زال يـغـطيها الشعر فـإحتمل ذاك

راعــه .... و لو شـفـت إنـه مــا يـراعـيــك عساك تـكـســر نيـتـه عن مـعـــاداك

و إحـذر عــدوك .. لـو ظـهـر يبي يصـافيك خللك نبيه ... و راقـبـه ويـن مـا جـاك

لا تــآمنه ... و إطـلــب من الله يـنـجـيـــك و يـكــفـيــك ربــك شـر ذولا و ذولاك

شفـنـي أنـــا يــابـوك بــآمــرك و أنـهـيـك عن التــعــرض بين الأثـنـيـن حــذراك

إذا حـضـرت طــلابـة(ن) مـع شـرابـيــــك إسـع لـهـم بالـصــلــح واللاش يفـداك

إبــذل لــهــم بـالطـيـــب ربـي يـنـجـيـــك و لا تـجـضـع المـيــزان مع ذا و لا ذاك

أمـا الشــهـــادة فـأدّهــا إن دعــوا فـيـك بيّن عـمــود الـديــن لا عِميَت أريــــاك

بـــالك تـمــاشــي واحــد(ن) لك يرديـــك طـالــع بني جنسك و فكّر بمـمشـاك

رابــع أصيـــل(ن) في زمــانـك يشــاكـيك لا شـاف خملاتك عن النــاس غـطّـاك

و إحــذر عـن طـرد المـقــفـي حـذاريــــك عليك بـالمـقــبل وتـرك اللي تـعــداك

ثـم إلعـن الشــيـطـــان ليــــّاه يـغــويــــك تـرى إن تـبـعـتـه للشــرابـيــك ودّاك

و أوصـيــك لا تشـكــي علـيـنـا بـلاويـــــك أنت السـبـب طـرفـك عيونك بيمنـاك

و إعــرف تــرى اللي وطـا الفـهـر واطـيك و إحــذر تـكـلّـم يالـســانــي حــذراك

و إلـطـف بـجــارك و قـم من دون عـانـيـك و إفـطـن لمـا يعنيك عن ربعة أخواك

و النفـس خــالــف رايـهــا قـبـل ترمـيـــك ترى لـهـا الشيـطــان يرمي بالأهلاك

من بعد ذا ... لا تصـحب الـنــذل يـعـديـــك و عن صحبة الأنـذال حاشاك حاشاك

و الهـقـوة إنك .. مـا تـجـي دون أهــالـيـك ولا ظن عــود الـورد ينبت بـتــنــبـــاك

و الحــر مثلك .. يـستـحـي صحبة الديــك و إن صـاحبه عـاعـا مـعـاعـاة الأديـاك

لا تستمع قــول الطــرف يــوم يـلـقـيـــك بالكـذب يـقـضي حـاجـتـه كل ما جاك

من نـم بـــك .... و لا فـيـه تــشــكـــيــك و الـيـــــاه قـد زرى رفـيـقــك و أزراك

عندك حـكـي فـيــنــا و عندي حكى فيك و أصـبـحـت كـارهـنـا و حنا كرهـنـــاك

مـا أخـطــاك مـا صـابك لـو كــان رامـيــك و اللي يصيبك لو تـتـقـيـه ما اخـطــاك

مير اسـتـمـع مني ... عسى الله يهـديك النـصــح يـا مــالـك .... لك الله مــولاك

عنــدي فطنة ..... مــا تـمـثـلـهــا فـيـــك و أطـلب لك التـوفـيــق من عند مولاك

إنتهت .. لعل الله يجعل فيها الفائدة والعظة لقارئها .. تقبلوا جميعا تحياتي

ملاحظة : وجدت القصيدة في اكثر من موقع ولكن فيها بعض الاختلاف فمن عنده تصحيح على القصيدة نامل ان يزودنا بذلك ويشير الى المرجع .