شبكة قحطان - مجالس قحطان - منتديات قحطان

أخواني الأعزاء أطرح بين يديكم ردي على الشاعر/ حمود بن نافع الشمري والذي سبق وأن وضعت قصيدته في موضوع سابق على هذا الرابط :

رسالة... (الجزء الأول)

والتي أرجو من الله أن تحوز على إعجابكم،، وأعذرونا على التأخير والتقصير إن كان هناك شئ من ذلك.

[poem=font="Traditional Arabic,5,black,bold,normal" bkcolor="transparent" bkimage="backgrounds/17.gif" border="double,4,black" type=2 line=0 align=center use=ex num="0,black"]
البارحة عيني حريب لها النوم=حالي نواها الهم تدمير وإتلاف
كني سجين دونه الباب محكوم=يبغي الفكاك ولا حصل عدل وإنصاف
ولاّ غريم طاح في ساحة القوم=يوم الحرايب غاديٍ عجها أرداف
لاعدت يايوم النكادات والشوم=القلب فيه من الهواجيس ينلاف
دقيت بالهاتف على سبعة رقوم=أبغى الفوايد من عديمين الأوصاف
شروى الوفي حمود ذيب وشغموم=مطوع عسير القاف من كل الأصناف
الأسلمي من روس شجعان وقروم=أهل الوفاء والطيب من عهد الأسلاف
قالو لي أنه في الحفر قلت مفهوم=لكن متى يرجع علينا وينشاف
لأن الغياب أشوفه أزداد ويدوم=وفرقى النشاما زادت القلب بعياف
قالوا خلال أسبوع في مثل ذاليوم=ياتي الخبر منه مع كل زلاف
وروحت الأيام يوم ورى يوم=متى يجي من يمه الصوت هتاف
علم النشاما صايرٍ منه محروم=يالله دخيلك لايجي حالي هراف
بالصبح سرحانٍ وبالليل مهموم=وقلبي بهمه بين حايف وحواف
حتى لفاني منه ظرف ومختوم=يامرحباً والله ملايين والآف
يامرحبا إعداد مابالسماء نجوم=وإعداد برق تالي الليل كشاف
وإعداد حرف بالدواوين مرسوم=وإعداد مال الراجحي ضعف الأضعاف
وإعداد من بالهند في ضيق وزحوم=وإعداد من بالصين في ذيك الأطراف
وإعداد ما ينشر من أخبار وعلوم=وإعداد مايرقى المعنى بمشراف
ترحيبةٍ ترقى على كل مزموم=على الشواهيق الرفيعات الأطناف
ترحيبةٍ من سمعها يفز ويقوم=كله غلاء لحمود كساب الأعراف
قصيدتك فيها أبلغ الهرج منظوم=فيها الحكم من واحد جرب وشاف
قصيدتك تاجٍ على الراس ملزوم=نفخر بها.. مثل اللوالي بالأصداف
قصيدتك شبّت بي طموح وعزوم=ولا العزايم عندي من أول ضعاف
شعرٍ مرتب مابه كسور وثلوم=هذا عطانا مع شريفات الأهداف
والمعذرة لعلّكم دايم سلوم=ولكم سلامٍ صافي أصفى من الصاف[/poem]

والسلام عليكم ورحمة الله وبركاته..

محبكم .... أبو ياسر