((أن كان قصدك بس راسي تذلـه ))
 

[poem=font="Simplified Arabic,6,black,bold,normal" bkcolor="transparent" bkimage="backgrounds/17.gif" border="groove,6,black" type=1 line=0 align=center use=ex num="0,black"]
لايـا بعـد خـلاً بكـا فقـد خـلـه
=ولا بعـد نـاس تبـادل بالاشـواق
ودمع الغـلا فـي غيبتـي لا تهلـه
=غيري وغيرك فرق الوقت عشـاق
باقـي هوانـا مـا طوينـا سجـلـه
=مـادام يربطنـا معاهـد وميثـاق
ارفـق بقلبـاً فـي نحاكـم تتـالـه
=من حيث ماستقتوا ضعنكم معه ساق
وارفـق بعيـن تسهـر الليـل كلـه
=يا لليل نور الصبح يبدي بالاشـراق
((أن كان قصدك بس راسي تذلـه ))
=((أبعد عليك من السموات الاطباق ))
مقصـد غرامـي فيـك دقـه وجلـه
=مقصد شرف ماني للاشراف بـواق
فينـا مفاهيـم الشهـامـه جبـالـه
=نوفي مع الوافي ونحـلا بالاخـلاق
سري وسـرك وانـت فـوق محلـه
=عليه جودت الحراسـه والاغـلاق
واسمك ورسمـك بالحشـا مستحلـه
=عليـه غيـرك لا تبـيـن ولا واق
تحت الضلوع اللـي سـوات الاهلـه
=حطيت لك معهـا مداخيـل وارواق
ارجـي لعـل اللـي بقلبـك لعـلـه
=ذوقه لحبـي مـا تخلطـه الاذواق
ان كـان فسرتـه وفـاء لا تـزلـه
=ماهوب مضمون الكتابه بـالاوراق
لو كل مـن يسعـي لشـي حصلـه
=ماصار لهل الحب حرمان وافـراق [/poem]

ابو جفين
اتشرف ان اكون
اول من يصافح قصيدتك الرائعه

شهادتي فيك مجروحه
ورايي فيك انت تعرف
صح لسانك يالجزل
لكن في البيت الرابع خطا املائي غير القافيه وكسر والوزن اتمنى تعديله

وتقبل تحياتي اخوك ابن عاطف

ابو جفين صح لسانك

ولاهنت وننتظر جديدك يالغالي

ابو ذيب.
مرحبا مليون بك وبمرورك وتشريفك الصفحه .
وانت تمون علي القصيدة وراعيها وعدل وانا اخوك اللي تشوفه مناسب .
ومنكم نستفيد.
تقبل تحياتي وشاكر لك مرورك.

فهد العاطفي
صح بدنك والتحيه والتقدير لك ولمرورك الكريم

الاهنت يابو اجفين وصح السانك وانت والله من بيو ت اشعر والله يوفقك مع تحيات ابن عمك الراشدي

إن كان قصدك بس راسي تذله