[[شجـــــــــــــــاع وداهيه]]
 

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياللي تحسب إنك بهالدنيا الوحيد=وتقول أنا رجل شجاع وداهيه

نصيحتي لك يالفلاني لاتعيد=عليك بالنعمه ودرب العافيه

قبل (ن) تدور لسلامه ماتجيد=وتطيح في إيدين (ن) نشاط وافيه

وتكسر عظامك مثل كسار الجريد=وياليتها ذيه وتصبح شافيه

حنا بظل اللي يقصون الحديد=أمن وأمان والعرب متكافيه

لو إنها يوم الملاقى والضديد= منزالك وشرواك خلف السافيه

ماينكر المعروف ياكون البليد =يامنكر المعروف خذها كافيه

أحد(ن) كسب له فيد وأحد(ن) مايصيد=إلا الرخامه والعلوم الهافيه

مالك مع الظفران ياصغير رصيد=رصيدك النمه وشيل الخافيه

الطيب فازوا به هل الرأي الرشيد=زحول الرجال اللي تحسب القافيه

يصعب عليك الطيب ياساعي البريد =دربك صعيب وأنت رجلك حافيه

رسالتي هاذي لشخصك والمزيد =عليك بالنعمه ودرب العافيه[/poem]

رد : [[شجـــــــــــــــاع وداهيه]]
 

أما هذه الأبيات ففي أحد الأصدقاء بدوله مجاوره إنقطعت عنه فتره وإتصلت فيه ولم يرد في حينه

فأرسلت له هذه الأبيات وكلا هذه القصيدتين من الأرشيف :



إحرص ترى يابخيت دنياك مشوار ****غيرك عبرها وأنتحى في مصيره

دنيا تقصر مع طويلين الأشبار****************العين بلشانه ويده قصيره

سبحان من بأمره تدور(ن) الأدوار********اللي بسط الأراض من جل خيره

يابخيت أنا من دار ناصيك لديار *************لأنك صديق ماتخيرت غيره

فقط نبي شوفتك يانسل الأحرار************وحنا بخير ولاعلينا كسيره

وأنا من اللي طيبهم يشمل الجار*****قحطان تسكن وسط شبه الجزيره

قوم لها في الطيب مارد ومصدار**وإن شبت الهيجاء دروع (ن) عسيره

وإقبل تحياتي عدد وبل الأمطار*********وعداد ماصب المطر من غثيره

رد : [[شجـــــــــــــــاع وداهيه]]
 

الاخ سفر بن مبارك

السلام عليكم ورحمة الله وبركاته

مناجاه وعتب والدنيا ماتخلى من التعب صح لسانك

ياللي تحسب إنك بهالدنيـا الوحيـد=وتقول أنـا رجـل شجـاع وداهيـه

نصيحتـي لـك يالفلانـي لاتعـيـد=عليـك بالنعـمـه ودرب العافـيـه

قبـل (ن) تـدور لسلامـه ماتجيـد=وتطيح في إيدين (ن) نشـاط وافيـه

ولعل هذا الشهر الفضيل يفتح نافذه جديد على فضاء التسامح الرحب

فأن الله يحب المتسامحين في الامور

تقبل مرروري ...وتحياتي

رد : [[شجـــــــــــــــاع وداهيه]]
 

صح لسانك
لاهنت يعطيك العافيه





تحياتي

رد : [[شجـــــــــــــــاع وداهيه]]
 

صح لسانك يا أبو فيصل كل عام وأنت والجميع بخير,,

رد : [[شجـــــــــــــــاع وداهيه]]
 

الأستاذ :عاشق الوطن ,,

تشرفت بمرورك وكلامك الثمين وما إستشهدت به فهو صحيح بارك الله فيك وكل عام وأنت بألف خير ........

رد : [[شجـــــــــــــــاع وداهيه]]
 

كل الشكر والتقدير لأخي الغالي عايض الفهري وكل عام وأنت بخير لاهنت عالمرور

رد : [[شجـــــــــــــــاع وداهيه]]
 

لاهنت يابندر بارك الله فيك..............

رد : [[شجـــــــــــــــاع وداهيه]]
 

رد : [[شجـــــــــــــــاع وداهيه]]
 

شرفني مرورك وردك الجزل أخوي إبن نومه لاهنت