|
إذا حضر هذا ( الزعيم الهلالي ) ،،، قصيدة
اذا حضر هذا (الزعيم الهلالي ) سعر الذهب يغلى ثلاثين مره نادي الهلال (الأسم واللون) غالي والمجد له مابين كـــره وفــــره صاحب سمو المجد/ صاحب معالي او هو ملك .. له بالمنصات جُــره (شعاع نوره) يرتسم بالعلالي مع النجوم اللي تطوف المجره وعشق (جمهـور الهلال) المثالي عشق ٍ عظيم ٍ / والنتايج تسره الكاس خامس مرة ً / بالتوالي من كل حاسد/ ربنا لايضــره عادات للازرق /من اول وتالي الفوز له / والكاس يعرف مقره قولوا لخصمه / لابدا بالنزالي لو زادت الاحلام/ تصبح مضره الموج الا زرق /لانوى مايبالي لله در المــــــــــوج / لله دره |
رد: إذا حضر هذا ( الزعيم الهلالي ) ،،، قصيدة
صح لسانك يابو سعد
وجعلك تسلم على هذي القصيده الجزله ويستاهل الزعيم الآسيوي ولاهنت يالغالي لا عدمناك |
رد: إذا حضر هذا ( الزعيم الهلالي ) ،،، قصيدة
نادي التحكيم والدلال
الله يصلح الحال |
رد: إذا حضر هذا ( الزعيم الهلالي ) ،،، قصيدة
إبن دغيم
على إيش صح لسانك على كورة وكأس وإخواننا المسلمين في سوريا يقتلون ويذبحون يا ليت القصيدة كانت لإخواننا في سوريا كان كسبت أجر والله يالهلال ما درى عنك أنت وقصيدتك لكن الله لا يجعل الكورة اكبر همنا ومبتغانا |
رد: إذا حضر هذا ( الزعيم الهلالي ) ،،، قصيدة
اقتباس:
ايه اقول صح لسانه عدد بلا مدد وأقوله وأنا ابن دغيّم ماني هابي تشكن روح عدل الأسم وسم اسم رجال :applaudit::applaudit: |
| الساعة الآن 04:15 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com