مجالس قحطان - منتديات قحطان

مجالس قحطان - منتديات قحطان (https://www.qahtaan.com/vb/index.php)
-   مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)
-   -   ( سم الذي خلف...المحاجي تفافيق ) (https://www.qahtaan.com/vb/showthread.php?t=42937)

ثواب بن زيد الحارثي 27-05-2008 01:58 AM

( سم الذي خلف...المحاجي تفافيق )
 
[poem=font="Simplified Arabic,5,#FF0F00,bold,normal" bkcolor="" bkimage="" border="double,4,#400000" type=2 line=0 align=center use=ex num="0,#400000"]
سم الذي خلف المحاجي...تفافيق = قومن تبي تنزع عن الراس تاجه.[/poem]

[frame="4 90"]قصيده ورساله شعريه لسيدي خادم الحرمين الشريفين الملك \ عبدالله بن عبدالعزيز حفظه الله ورعاه.

يسعدني أن اصافح بها منتديات مجالس قحطان التي يشرفني التواصل معها...والقصيده نشرت اليوم الأثنين

الموافق21 \ 5 \1429بجريدة الرياض..وللأطلاع عليها على الرابط التالي \

http://thawabzaid.com/king.htm[/frame]


-------------------------------------------------------

[poem=font="Simplified Arabic,5,#000DFF,bold,normal" bkcolor="undefined" bkimage="" border="groove,5,#0300FF" type=2 line=0 align=center use=ex num="0,#400000"]
اليا نوا لي والي العرش توفيق = بابن من الرحمن شفت انفجاجه.

اللي خلق كل الملا دون تفريق = ويلقى التقي عند الحساب انبهاجه.

قالو شدايد...قلت من دونها طويق = عبدالله الكايد...ذراه وسياجه.

أنت المليك اللي ملكت المخاليق = فايض وفاكم والعدل من نتاجه.

في نظرتك حكمة زعامه وتدقيق = بعد المدا فيها صواب انتهاجه.

نظرة تأني... في مداها التوافيق = ولا هنت ياعدلن رفضت ازدواجه.

فضايل الرحمن في ذاتك اتليق = الحق طبعك... والتصنع سماجه.

شمس الوفا منكم شعاع ومشاريق = تغنيك عن ليلن شعاعه سراجه.

الكايدات المبهمات المغاليق = اللي بها العارف يزيد انزعاجه.

تمسي مماليكن... وتصبح معاتيق = وردت قراح الما... وعافت هماجه.

يغسل عناها وابلن نوه امويق = تسمع وحيف السيل.. قبل اندراجه.

هذاك ابومتعب زبون المطاليق = طب الجريح... اللي تعذر علاجه.

سم الذي خلف المحاجي تفافيق = قومن تبي تنزع عن الراس تاجه.

وانت الملك عز الخوي... ساعة الضيق = ولايرسم اوسوم الجفا في حجاجه.

ترجح موازينك على الصدق....تصديق = والصادق اليا جاك عندك خراجه.

القلب من دونه ضلوع ومعاليق = والنور ما غط السحاب انبلاجه.

وانا بعد طوقني الحمل تطويق = منصاي من يصمل نهار المواجه.

أمظلل المشراف....راس الشواهيق = أتعب محيطه من مشابه وداجه.

امشرع ابواب الحظوظ المواثيق = ومن شاف عبدالله يشوف انفراجه.[/poem]
-----------------------------------------------
شعر \ ثواب بن زيد بن نجا الحارثي.

عبدالله بن غفره 29-05-2008 08:15 PM

رد : ( سم الذي خلف...المحاجي تفافيق )
 
صح لسانك ياثواب


قصيدة رائعه جداً
والقصيد النادر والراقي لا يستغرب عليك فشاعريتك جميلة جداً ومن النوع الفاخر


ملك القلوب يستاهل المدح والثناء
وواجب على كل شاعر ان هذا العادل الصادق

بيض الله وجهك ولاهنت


اخوك

عبدالله بن سحمان 30-05-2008 10:24 PM

رد : ( سم الذي خلف...المحاجي تفافيق )
 
أرررررررررررحب يالحارثي تراحيب الحيا

وسلم راسك

وصح لسانك

والجزل لا تشكيك في جزالته


تقبل تحياتي

سعيد بن مانع 31-05-2008 10:22 PM

رد : ( سم الذي خلف...المحاجي تفافيق )
 
ارررررررررررررحب يالحارثي تراحيب المطر ..



قلته من اول .. وجود شرواك مكسب ..


محلك واخوانك ..



بالنسبه للقصيد فأنت جزل ولا نشك في جزالتك


صح لسانك ياكحيلان

عيد البصيري 01-06-2008 01:08 PM

رد : ( سم الذي خلف...المحاجي تفافيق )
 
الله يبيض وجهك

وصح لسانك

من كريم لامستحق

انت شاعر وابو متعب يستاهل القصيد

شرفتناااااا


الساعة الآن 07:23 AM

Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com