|
النصايح الجزء 1
اليوم النصايح بلاش وقبل وقت ما هو بطويل كانت النصايح تباع وتشترى
السالفة اللي برويها لكم لها زمن ما هو طويل حصلت لرجال من أهل الجنوب يقولون به شايب عليه بنت ويربي ولد اخو له قد مات أعمارهم حول 12 و13 سنه... شايل همهم وده يزوج ولد أخوه ويستر البنت قبل يموت ,, وفعلا زوج ولد أخوه بنته وريح راسه ... بعد شهرين من الزواج الولد ما عنه شي والحالة ما يعلم بها إلا الله سبحانه راح لعمه وقاله يا عم أنا بطرش أدور أرزاق الله وماني مطول سنه ولا سنتين وارج بالخير معي ... وافق عمه وهو كاره وادعه ورحل من ديره ليا ديره حتى وصل الطايف اشتغل فيها بناي كم شهر ويوم قرب وقت الحج نزل لمكة الله يشرفها حج واشتغل فيها مده وشوي شوي يتبع الأعمال من مكان لمكان حتى وصل أطراف الجزيرة الشمالية ولفا على شايب من أهل ذيك الديار وبعد ما أكرمه سأله عن علمه وحاله وعلم له وعرف انه يترزق الله عرض عليه الشايب يشتغل عنه راعي ابل .. وافق الجنوبي على طول.. وبدون مجادله حاب انه يستقر شوي ويجمع له بعض الحلال قبل يرجع لأهله... الشايب اتفق معه على إن أجرته ناقة من البل اللي يرعاها في السنة الشايب كل ذريته بنات وما عليه صبيان ,,, الجنوبي كل 15 يوم يبدل الناقة اللي عند البيت ويجيب ناقة من المراعي ويأخذ تمر وحب وقهوة مونته اللي يحتاجها في المراعي لأنه يبات في المراعي .. وفي جيه له من الجيات اللي يبدل فيها الناقة ويتزود فيها لقى الوضع على غير العادة الفرحة عارمة والرمي واللعب وبعد السؤال عرف السبب رزق الله الشايب بولد وكانت فرحته لاتوصف واستمر الحال هذا سنتين والجنوبي كل ماله وأوضاعه تزين وقد عنده ناقتين وذلول .. ويبيع ويشري .. ورجع لمعازيبه ذاك اليوم على العادة يبي يبدل الناقة وإلا الصايح .......... ابوعابر |
رد : النصايح الجزء 1
اقتباس:
إلى هنا جميل بس وين الباقي قصة رائعه كملها إذا تكرمت لاهنت........... |
رد : النصايح
مرحبا الف يا سفر
اسعدني مرورك ابوعابر |
رد : النصايح
قصة رائعة .. ولقد قرأنا الجزء الثاني أيضاً ..
ونحن في انتظار الجزء الأخير من القصة .. أشكرك جزيل الشكر .. |
رد : النصايح
الله يعطيك العافيه
|
رد : النصايح
ابو عابر يعطيك العافيه نصائح وعبر جيده
|
رد : النصايح
ارحب يا هادي
ارجوا انك نابعت كل الأجزاء شاكر لك مرورك ابوعابر |
رد : النصايح
لاهنت
مشكوووووووووور تحياتي |
| الساعة الآن 10:57 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com