شبكة قحطان - مجالس قحطان - منتديات قحطان

[frame="1 80"]صرنا ضحايا النـت والنـت خـداع
يكسـر ذارع اللـي قـويً ذراعـه
لاني بشـاري بـه ولانـي ببيـاع
ولاني بتاجر بـه ولا لـي بضاعـه
نتبع جديد النـت مـن دون مذيـاع
وشلون لو يعلن بصـوت الاذاعـه
قوقل وشات ومنتدى وضبط الاوضاع
والبالـتـوك لا والله الا صيـاعـه
فيه البنات اهـل الـردا والتصيـاع
تكشف جسدهـا للذيـاب المجاعـه
حـب وغـرام ودقتيـنً بالاصبـاع
وتصبح ضحيه بين لحظـه وساعـه
ماسنجـر ورده وبوسـة تمـيـاع
ومن عقبها جلسه وتحـلا المياعـه
وتنشر فضاحها وشاع الخبر شـاع
وتشيب ولدانً في سـن الرضاعـه
معاد اله داعي وضاع الشرف ضاع
وتصير مثل اللـي ماعنـده مناعـه
الغرب ما والله تصفط لنـا الصـاع
ماتصفط الا الشين وكثـر الوجاعـه
وبعض المواقع طيبه و فيها انفـاع
لا والله الا هـذي فيهـا طمـاعـه
عقلك دليلك والعقل بحـدى الانـواع
امـا غبـي ولا ملـكـع لكـاعـه
اهل العقول المستريحه بـلا اوجـاع
مثل الذي يجنـي حصـاد الزراعـه
واهل العقول الضايعه مالها اجـراع
والله لـو زادو بكـثـر الجـراعـه
صرنا ضحايا النـت والنـت خـداع
يكسـر ذراع اللـي قـويً ذراعـه [/frame]