شبكة قحطان - مجالس قحطان - منتديات قحطان - --(((النقيب علي المعمري القحطاني)))--

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - --(((النقيب علي المعمري القحطاني)))-- (https://www.qahtaan.com/vb/showthread.php?t=21061)

--(((النقيب علي المعمري القحطاني)))--

بسم الله الرحمن الرحيم

أعزائي أعضاء وزوار منتدى شبكة قحطان

السلام عليكم ورحمة الله وبركاته

أقيم يوم الإثنين ليلة الثلاثاء 4/1/1428هـ في مدينة الدمام حفل توديع للنقيب على بن معيض المعمري القحطاني

بمناسبة تقاعده وقد شرف الحفل اللواء حمود فراج الشهري مساعد قائد قاعدة الملك عبدالعزيز الجويه بالظهران وعدد

من كبار الشخصيات بالمنطقه وعدد كبير من المدعوين وكما حضر مجموعه من شعراء قحطان وقد أقيمة امسيه شعريه وعرضه وقزوعي وخطوه

و كان لي الشرف بالمشاركه في هذا الحفل وحيث القيت مجموعه من القصائد ومنها هذه القصيدة في النقيب على بن

معيض لأنه زميل وصديق والاهم أنه كفو شرواكم ومحبوب من جميع زملائه من القبيله ومن القبائل الاخرى وذلك لمواقفه

اللي تشرف :

[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,medium,black" type=2 line=0 align=center use=ex num="0,black"]
مرحبا في حفل توديع العزيز الغالي =واحد(ن) حبه مقيم(ن) بالقلوب الحيه
واحد(ن) قدره كبير وله مكان(ن) عالي = في قلوب(ن) بالاخوه والوفا مبنيه
وانت من روس الرجال الطيبين الفالي = مكرمين السيف الاملح.في الوغى حربيه
والقبايل ما عليها زود والله والي = بس ذي قحطان تاخذ حقها جبريه
يوم كل(ن) له ذراعه فارس وخيالي = لابتي بين القبايل قنبله ذريه
بو طلال اقول نعم وقالها من قالي = وكل ما اكتب فيه احس انه عليه شويه
وهم لالي لو ذكرت احسن صفاته هم لالي = يكفي انه راح ما احد(ن) يذكره بالسيه
ويكفي انه راح و(إ)رضى الناس عنه اشكالي=وراح ما كدر صدور(ن) بالغلا ممليه
بالحجاج الطلق والقول الدليل الحالي = حط له بقلوب خلانه مراح وجيه
وبالعلوم الطيبه لا طاب نوم السالي = باني(ن) له بيت عز(ن) مايشيد زيه
للعزاوي فزعته لاصك جال(ن) جالي =ومن نصاه يروح منه وحاجته مقضيه
فاز بالعلم السمين وللمراجل نالي =وراية(ن) بيضا ترفرف بالثنا مثنيه
في طريق الطيب سابق مارضي بالتالي=وصفحته بيضا من العلم الردي مجليه
والله ان يروح جيل وتقتفيه اجيالي = ما لقينا من يسد بفرجته فالهيه
كان أملنا.وكان ذخر.وراس مال آمالي= والرجل له وقفته.ولاّ العمر عاريه
وكل يوم(ن) فيه نزل وفيه شد رحالي =والقضا والقدر ربي فارضه فرضيه
بس مثله غالي(ن) وان راح عنا غالي= والسنافي سيرته لوكان غايب حيه[/poem]

وسلامتكم