[[ الأمير بندر بن محمد بن عبد الرحمن ]]
 

بسم الله الرحمن الرحيم ,,

هذه القصيده كتبتها في سمو الأمير : بندر بن محمد بن عبد الرحمن والذي له علي أفضال كثيره

ولايستغرب منه الوفاء أسأل الله الكريم أن يمده بالصحه والتوفيق ومهما كتبت فيه من القصائد لن

أوفيه حقه , ونتشرف في سموه الكريم حيث نحن خواله ,,

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
ياسيدي بندر ذرى مستجيره =يافزعة اللي وقته أحلام وأمال

يا أبو سعود أنت الرجاء والذخيره =يامنقذ المضهود ياذرب الافعال

ياسيدي دنيا البنى أدم قصيره=وحنا عليها بين نازل ورحال

ومنها لك الله مانبي إلا الستيره =وأعراضنا تسلم من القيل والقال

فزعتك يامروي السيوف الشطيره =تدرك طلب خادمك يانسل الأبطال

والله ماقصدي تجاره وغيره=قصدي بقايا العمر مستورة أحوال

أنتابني من جاير الوقت حيره=وقت تساوى فيه رجلي وخيال

سجيت به الأقدام في كل ديره =وعودت وحمولي من أهواله إثقال

وأسندت لك شكوى خطاي العثيره=ياجابر العثرات ياذخر الأخوال

يامن لمجدك بين الأمجاد سيره =وعلى شرف وردتنا صافي الجال

حنا خوالك محتمين القصيره =قحطان هل مجد قديم ولايزال

ياسعد من حن فزعته في الكسيره=تفخر بنا كل القبايل والأجيال

شرفتنا يابناء حماة الجزيره =أفعالك تشرف بني العم والخال

وإختامها وإن كان في شيء خيره=الخير والخيره وفزعاتك الفال

وأكيد مايقوى يحل العسيره =إلا أنت ياللي للشرابيك حلال

أنتم هل العوجاء حماة المسيره=من حدكم يرمى براسه على الجال

وأنا دخيلك ياذرى مستجيره=من ضيم وقت في بلاويه ماأحتال

وصلاة ربي عد ما أنشى غثيره=على رسول خصه الله بالأنفال[/poem]

رد : [[ الأمير بندر بن محمد بن عبد الرحمن ]]
 

اررررررررررررحب تراحيب مايحصا عددها

العلم الشامخ النبراس الذي يقتدى به صح السانك مدد بلا عدد

تقبل مروووووي بكل خالص الود والأحترااااام

رد : [[ الأمير بندر بن محمد بن عبد الرحمن ]]
 

اررررررررررررررحب يا بو فيصل

جزل وواااااااااااااااااااااافي والجمايل في اهلها ما تضيع في منهو مثلك وشرواك

صح الله السانك يا الذيب والأمير يستاااااااااااااااااااااااااهل

تقبل مروري نفداك

رد : [[ الأمير بندر بن محمد بن عبد الرحمن ]]
 

بيض الله وجهك قصيدة وافية من رجال وافي

رد : [[ الأمير بندر بن محمد بن عبد الرحمن ]]
 

الأميربندر بن محمد بن عبد الرحمن والله ونعم به في دين الله وبابه مفتوح للكبير والصغير

وأبو سعود يستاهل هذه القصيده الجزله بيض الله وجهك يا أبو فيصل دايم راعي واجب,

رد : [[ الأمير بندر بن محمد بن عبد الرحمن ]]
 

صح لسانك

وبيض الله وجهك

يعطيك العافيه

مشكوووووووووووووور

تحياتي

رد : [[ الأمير بندر بن محمد بن عبد الرحمن ]]
 

الله الله يابو فيصل
صح والله لسانك وعلى شانك

ومميز ومبدع

ولا تبخل علينا من المقنوس
لك تحياتي وتقديري

رد : [[ الأمير بندر بن محمد بن عبد الرحمن ]]
 

أرحب يا بو فيصل ..

صح الله لسانك ..

قصيدة جزلة وفي رجال يستاهل المدح ..

رد : [[ الأمير بندر بن محمد بن عبد الرحمن ]]
 

بيض الله وجهك ع الكلام الجزل لاعدمناك..........

رد : [[ الأمير بندر بن محمد بن عبد الرحمن ]]
 

ماعليك زود الله يجمل حالك لاعدمتك...........