|
مواجهه بين القرقاح والشعراء
السلام عليكم ورحمه الله وبركاتة كل عضو يشارك ببيت شعر للقرقاح الرجاء لا احد يشارك الا ببيوت شعر سوى نظم ولا قلطه او موال اي واحد منها يكفي تكرما وليس امرا والي يعرف من البيت موجه له من الشعار يكون ابرك هذى البيت وجهه القرقاح لفيصل الرياحي حول الطير يافيصل على الملواح @ الافاعي تموت وسمها فيها ونعم يالقرقاح اخوكم حبابي اصل وفصل |
رد : للقرقاح ؟؟؟ فقط لاغير
المشاركه الاولى
البيت هذى وجهه القرقاح لخليف ابن دواس قبل 10 سنوات تقريبا في السعيره انا عمى عينك ليا ولعت قاز وكبريت @@ ذاك الزمن يوم انت مقعي على قدر العصيده |
رد : للقرقاح ؟؟؟ فقط لاغير
كل أبوهم غدو ضدي ونا بو محمد
كن كل على مشرى الرذيله معمد مير ما كنهم غير الدجاج المجمد هذي وصلتني بلوتوث ومدري منهي موجهه له |
رد : للقرقاح ؟؟؟ فقط لاغير
مع تركي الفين
اقرب اقرب ياتركي عند عمك فلاح @@ مايشيل الطيور الاجناحينها |
رد : مواجهه بين القرقاح وشعراء
هذا بيت موجه الى صياف الحربي في زواج لبني هاجر في الدمام قبل عشر سنوات تقريباً
انا اعرف انك تشيل اكثر من الفين طنّا يوم ترجع على الفول وحليب المراعي |
رد : مواجهه بين القرقاح وشعراء
هذا جزء من قصيدته المعروفه < مفاهيم القصيد >ولو انها ما تحظرني الان قاله في الشاص.........والمعذره عالقصور :
راكـب اللـي تو كـمل تمارينه........ما يبيــــله لا مهــندس ولا صيانـــــــه من تــروس محركه لي بلاتينـه........ومن نحر شبكه إلا خشم شكمـــــانه ماتغير فيه حتـــى بويبـينــــــه......ولا جود غير راعيــــــه سكـــانــــــــــه ان قفيته شفــت ثقــل وطمانينـه........وان نطحته ناطـــح(ن) فـرخ شيهـانــــه وان وقـف حــر(ن) تلحـــف جناحينـــه.......وان مشــى صارووخ تشتب نيرانـــه كامــــل ما ينقصــــه غير بنزينـــه......فلـلله يا المسندي واطـــلق اعنــانــــه لا غـــدى اللــــي تــو وجهــه ميـامينـــه.....وشعــشع النـــور وزوا ظلــــه وزانـــه شيــــخ اعيــــون القــطــط بيـن شاصينــه....تجـــي حبــل(ن) مـــن مســد بيـــن ذرعانــه .................................................. ................... واكرر اعتذاري عالقصور |
رد : مواجهه بين القرقاح وشعراء
هذي محاوره في زواج ضيدان بن قضعان ضد ناصر بن نفل العجمي
وبحضور صاحب السكو الملكي الامير سعود بن عبد الله بن عبد العزيز مادام ان الامير سعود في الحفله هنا موجود ابلبس قصيدي تاج في مدخ الامير سعود وهو والله ذرانا كان ناش العود راس العود هنا ولا هنا يالاحي لاحي يليحاني اسعود وابوه عبد الله وجده الامام ................. لا والله وعمه الواقف ملكنا فهد طبعا كانت المحاوره في عهد الملك فهد الله يرحمه |
رد : مواجهه بين القرقاح والشعراء
هذا البيت من ضمن محاوره بينه وبين حبيب العازمي في المنطقه الشرقيه
[poem=font="Simplified Arabic,6,red,bold,italic" bkcolor="transparent" bkimage="" border="none,medium,gray" type=4 line=0 align=center use=ex num="0,black"] ماباقي إلا المنصه علَم الجمهور يزحف وراه =تراني ارقب ليال النور مبطي وآتحرالها[/poem] صح لسانك يالقرقاح . |
رد : مواجهه بين القرقاح والشعراء
جعل مثوى قليل الخاتمه زمهرير
..................ماعرف واجب الخوه ولاصانها بيض الله وجه القرقاح |
رد : للقرقاح ؟؟؟ فقط لاغير
اقتباس:
ابو جابر لاهنت انا مطوع بتهليله وتسبيحه وانته مدخن عليك من الزمن صيحه لاكن لاتقرب المسجد يابو ريحه يلالالاا هذي ضد تركي الفينننننننن |
رد : مواجهه بين القرقاح والشعراء
من أحد أبياته في قصائد النظم [poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] عثرة لسان الكفو تقلل من غلاه=ولا الردي يخطي ويبطي لا منه ولا عليه[/poem] من أجمل أبيات الشعر التي سمعتها أشكرك أخوي حبابي أصل وفصل على الفكرة الأكثر من رائعة أبو زيد يحييييييييييك |
رد : مواجهه بين القرقاح وشعراء
اقتباس:
الاخ ابو تركي العبيدي لاهنت هذ بيت من القصيده المشهوره للقرقاح او قصيده المبايعه عند الملك جيت ابايع باسمي وباسم صبيان قحطان .......................... بيعة ماهي بتكتب بخط المرسمه صح اللسان ابو محمد |
رد : مواجهه بين القرقاح والشعراء
مع تركي 2000
غلطتك يا وليد أمك تراها جهيدة *** لا تناسا إسم شيخ من مشايخ عبيدة ومن لقاله زيادة جعل ربي يزيدة*** يا لا لا ...... مع الغامدي المرجوج الله يعين المطوع والله يعوضه *** أن كان طعت أبو رجه غدت فوضه ياليت بو رياض مع الأطفال بالروضه*** يا لالا ..... |
رد : مواجهه بين القرقاح وشعراء
اقتباس:
الاخ عكاس القحطاني لاهنت بشارتك مني يابلج الوجه فرحه بال .............................بشرتني والله يبشرك بالجنه جعل الوسمي الي ذكر له في الجنوب خيال .............................رعوده من القبله ترازم لها حنه |
رد : مواجهه بين القرقاح والشعراء
بعد مالله جمعنا وإحضرت صحافة الأعلام /
وحبيب يلبس الثوب النظيف وينكس المرزام / نبا نآخذ جزا تفريكته في حفلة الدمام / أقول الله يديم الستر يالله سترك الظافي العازمي والذيب في وسط القليب=وأول بدايتنا سلام المسلمي مع حبيب العازمي وكانت محاوره قويه وحماسيه . |
رد : مواجهه بين القرقاح والشعراء
اقتباس:
القرقاح ضد حبيب في النعيريه حبيب العازمي وقف هنا ................ ولكل علها ترى دكتورها |
رد : مواجهه بين القرقاح والشعراء
من جنب الماجوب ما يعذر لون عذره سمين *** جعل المرة تلبس على فقده ملازيم الحداد
|
رد : مواجهه بين القرقاح والشعراء
اقتباس:
الاخ ابو زيد الشكر لله سبحانه لاهنت هذي للقرقاح مع ابن شايق في الرياض في افتتاح مكت جزيره الشعراء لعيون عصمان الاشناب جبال نجد العذيه ....................... لي قام عبدالله نقوم منا ومنا ومنا |
رد : مواجهه بين القرقاح والشعراء
هذا موال موجه لابن شايق
انا اقول نعم بكل الجحادر وحنا عبيده نسل الخناجر ليا دقر الحكي وسط الحناجر والايام يومين والشك زايل |
رد : مواجهه بين القرقاح والشعراء
اقتباس:
لاهنت يابن مترك هذي موجهه لسلطان الهاجري في الخبر انا اقدر الهاجري واعتزي به عسى مايجي تحت حيد النصيبه وفي اللعب كل يحصل نصيبه وما قدر الله على العبد جاري |
رد : مواجهه بين القرقاح والشعراء
اللي من اول يشيل مسدسه في الحزام
.................................................. . صار قلمه محزمه وكتابه مسدسه بيت من قصيده فلاح امام الملك في ابها |
رد : مواجهه بين القرقاح والشعراء
حنا عيال اقحطان اللي تضيم العدى
قدر رح من روسكم كم راس رحت فدى وان كان تبغى الردى ما ودنا باردى يا كم من جبال على دربي تعديتها موال لفلاح ضد عبدالله بن سنان |
رد : مواجهه بين القرقاح والشعراء
ان كان جات لفعول جدانك وجداني
لا ترفع الصوت عندي وانت ميزاني جدي فعوله تنومس كل قحطاني والراس مرفوع والرايات مرفوعه موال فلاح ضد تركي 2000 |
رد : مواجهه بين القرقاح والشعراء
اقتباس:
لاهنت ياسعد محاوره قويه وهي في الجبيل والقرقاح سرى على حبيب ليل ماينساه للي يعرف الحفله وهذى الموال منها مؤشر مصلحه الارصاد في الاجواء السعوديه توقع سحبها ذالليل رعديه ركاميه نبي يمطر سماها من الهفوف اليا النعيريه عسى الله ينصر الاسلام ويعز السعوديه صح اللسان القرقاح |
رد : مواجهه بين القرقاح والشعراء
تاكل النيران وتقول لك هل من مزيد * لاتسب الناس يابو شنب فـ غيابها
البيت موجه للشاعر سلطان الهاجري صح لسانك يابو محمد . |
رد : مواجهه بين القرقاح والشعراء
هذا البيت موجه لحبيب العازمي في حفلة الجبيل يوم حرقه القرقاح حرق
تنشدعتيبه مدلهة الصحيب **************** كم ورع شيخ (ن) من بعدنا يتمي |
رد : مواجهه بين القرقاح والشعراء
هذه قصيد للقرقاح في Vxr
ياراكب اللي دافع قيمته كاش ********** ماهو بقسط ينخصم من معاشي ابي لامني بغيته بمطراش******** لاهو على الطرقه يزيد انتعاشي لا ماشريته لاجل تقليد الاوباش ******** شريت Vxr لاجل التماشي والفكس لاجاله على الخط نشناش ********* قال لهواجيس المعنى تلاشي ليته يسلم للمطاليق ببلاش ********* ويصان من بعض العرب والمماشي والله اني يوم اشوفه مع الورع واللاش ********* اني ماعاد اقبل رقيق الفراشي وسلامتكم |
رد : مواجهه بين القرقاح والشعراء
اقتباس:
لاهنت يالموج الهادي اتشرف يوم وقفت والماقف كبير .......................يقمح الي يترك اللازم الي يلزمه شاعر من جد جدي وابو جدي وابوي ................... وارث شعر يزكيه قاضي المحكمه بيض الله وجهك يابو محمد |
رد : مواجهه بين القرقاح والشعراء
اقتباس:
لاهنت يابو تركي هذي ضد فيصل الرياحي في النعيريه بوجود صاحب السمو الملكي الامير سعود بن عبد الله بن عبد العزيز انا خشمي عليه العود الازرق يثنى يوم بعض العرب مثل البعير المثتى انشد العرب منهو زبون المجنى جعل في الامر خير وجعل في الامر خيره |
رد : مواجهه بين القرقاح والشعراء
مشكور يا خوي الحبابي على الفكره الجميله
هذا الموال وجهه القرقاح للعصيمي في السنين القريبه والسنين البعيده// تستلمها الجحادر تستلمكم عبيده //وانت تسحر الضاوي ضعيف العقيده وايضا للعصيمي فعلنا كلكم تعرفونه يا عتيبه// يوم ضرب الرصاص ويوم دفع الضريبه// لكن ياعصيمي لا تجلب عليهم مصيبه ومع تركي200 مطير حمر النواظر ما دخلكم شكوك// مير انت عود لابوك //ثم انشده وين صبحا عقب يوم دكوك ومعا صياف الحربي يا صياف انا في البحر لا غرق ولا اعوم // اوقف لابوها واتحدى ولدها وهذا وجهه القرقاح لابن شايق تراني يا ولد شايق ولد فراج ابن ريفه// حرام الدم ما اقلط ولا اقلط على جيفه// من البوار سنبوك البحر ولا هي مجاديفه وهذ قاله القرقاح لناصر العجمي قدام الامير سعود بن عبدالله علشان الامير سعود بصبر واذمح الزله// ولولا حشمته والله العظيم ان تونس الذله// يا ناصر لا ترحب بالرجال وتجفر الدله وهذا للعيافي انت ما تدري ويش الي يغطى وبرها// ارنب والجماعه ساعه جابو خبرها //جات تبغى العشى مير العشى من ظهرها |
رد : مواجهه بين القرقاح والشعراء
هذا موجه لتركي 2000
انا مطوع بتهليله وتسبيحه وانته مدخن عليك من العرب صيحه لكن لاتقرب المسجد يابو ريحه والموال............................. |
رد : مواجهه بين القرقاح والشعراء
اقتباس:
لاهنت من قصيدة المبايعة ياولاة امورنا انتو لنا خير الولاه ................... لجلكم جدرٍ نعمره وجدرٍ نهدمه صح اللسانك يابو محمد |
رد : مواجهه بين القرقاح والشعراء
اقتباس:
لاهنت مع فيصل الرياحي محاوره قديمه ياسلامي سلام يعم الحاضرين بعدها قم يالرياحي عسى ربك يعين سم بالرحمن وافتح رياض الصالحين خيمي فوق الجبل ياسحابه وامطري |
رد : مواجهه بين القرقاح والشعراء
اقتباس:
لاهنت اكثر القبائل يتشمتون على تركي ال2000 بخصوص المحاوره هذي ضغطه القرقاح هذي مع ضيدان بن قضعان في المغتره بحضور صاحب السمو الملكي الامير فيصل بن خالد يالامير اسمح لي اخذ لي مع ضيدان قاله .................. طالبك يا سيدي لحد (ن) يجي بينه وبيني اشرب الفنجال ياضيدان واكب البياله .................. طيب ياصاحبي واحب سلم الطيبيني |
رد : مواجهه بين القرقاح والشعراء
تكفون ياعزوتي ياصلب جداني
انا ادري انكم طوال افعول وايماني لا ينقص الصف عن خمسين قحطان والبيت ما يثبت إلا فوق سيسانه مع ملفي المورقي في الحاير بيض الله وجهك يالوافي على المواضيع الرائع والمميزه لي عودة باذن الله أخوووووووك |
رد : مواجهه بين القرقاح والشعراء
اقتباس:
لاهنت ياسعد من قصايد ابو محمد يابنت القمر ونجومه اقرب من القرقاح ........................ غلطانه عسى الله يرحم الحال غلطانه ترى ماني بطير يحول على الملواح ...................... كني داري ويش اتصالك على شانه |
رد : مواجهه بين القرقاح والشعراء
مع صياف الحربي
هبت النود ياصياف منا ومنا ************ وانت لاتحسب ان الجدي نجم صناعي |
رد : مواجهه بين القرقاح والشعراء
مع ابن طمحي ولهذا اللقاء قصه عجيبه اقيم في الظهران قبل اكثر من عشر سنوات وكان الشعراء من عتيبه مستور وحبيب وابن طمحي وقبل ان ينادي ابن طمحي القرقاح للعب قال حبيب في اللعبه التي قبلها وفي اخر موال بما معناه ان الملعبه لنا ياعتيبه ومانبى احد معنا ولكن ابن طمحي مااستمع لكلامه وزهم ابو محمد بناء على رغبته ورغبت الجمهور وهذه المناسبه لم يلعب فيها القرقاح لامع حبيب او مستور
يقول ابو محمد وانا اقول ابشرو بي والسلاح سلاح ************ ابن طمحي دعاني واعلن الرادي ناسف للاطاله في الشرح |
رد : مواجهه بين القرقاح والشعراء
اقتباس:
لاهنت يابو تركي وفي نهاية المحاورة نفسها عطى القرقاح حبيب هذى البيت الخاص الي على ثوبه علامات الصليب ...................... ماهو على راسي لكن حدر قدمي |
رد : مواجهه بين القرقاح والشعراء
جزء من قصيدة لفلاح القرقاح ويا وجودي وجد شالح على اخوه الصغير = عقب ما ضمت لحود القبور امواتها منسٍ له فالحشى فرجتٍ مثل النذير = كن الايام إكشفت له طرف غراتها ووجد من نكد على امه ضحى العيد الكبير = غضب واغضبها ولا وفق لمرضاتها ان تعذر دنقت واشهقت مثل الغرير = وان تركها يفطر الكبد طول اسكاتها ووجد من بشر ورز العزا عقب البشير = جا الولد وامه سهوم المنيه جاتها شافها كن القمر في نحرها مستدير = بنتها الوسطى تلوى على عماتها عقبها راحت حياته عبوسٍ قمطرير = باهته حتى فرحها مثل مأساتها .. .. اتوجـد ويتوجـد معـي حـي الضميـر = لا تمعن حـال الامـة وشـاف iiسواتهـا |
| الساعة الآن 11:34 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com