شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)
-   -   رحنا نسلم على اخوان لنا في قطر (https://www.qahtaan.com/vb/showthread.php?t=78857)

ابو عبيدالله 07-06-2017 08:10 AM

رحنا نسلم على اخوان لنا في قطر
 
رحنا نسلم على اخوان لنا في قطر.
ياليتنا مانوينا يافهد بالمراح

ساعت وصلنا سمعنا اشر واسوا خبر.
وتعكر الجو كله فالمسا والصباح

سبحان من بيده الحكمه وسرع القدر.
يالله عسا خاتمتها تنتهي بالصلاح.

اخير نرجع لهلنا ياوسيع النظر
ونحرص على باقي الرحله وماراح راح

قم دق سلف الفلنش وشيكه بالحمر .
وخلك على الباب الايمن جعل دربك سماح

وليا فهقنا المراكز والطريق استمر.
ثم قلت لك سوق فسوق ياشوق ضبي البراح.

نبغا العشا عند اهل تثليت بالمختصر
البيت الادنا يسلي خاطري بانشراح

والله مارحنا ندور للسمك فالبحر.
ولاندور لمدات اليدين الشحاح

الا نسلم على اللي حبهم له مقر
لاشفتهم ينشرح بالي بكل ارتياح

اخوان وعيال عم ولابه تعتبر
احفاد من يمنعون البل نهار الصباح

لو تنشد القايمه تعطيك علم وخبر
عن هية المسمر اللي كللت بالنجاح .

اربع ميه ردهم بالفعل خمست عشر
بمفتقات الخناجر والفشق والرماح

من مات منهم ماقالوا ضربته فالظهر
من السطر والشجاعه ينطحون السلاح

كم شيخ قوم عثر في دقلهم وانثبر
حامت عليه الطيور معكفات الجناح
------------------
الشاعر:محمد بن سعيد المسعودي رحمة الله توفى البارح
الله يرحمه ويرحم اموات المسلمين


الساعة الآن 07:05 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com