أصد من شوفه وماكنّي اغليه ( الطاغوت )
 

[poem=font="ms dialog,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
اصد من شوفه وماكنّي اغليه=وانا على شوفه ولاماه باموت
في غفلته تسرق عيونه حلاويه=وجهٍ صبوح وشفّه احمر من التوت
نجلٍ عيونه تِخلف اللي تراعيه=كن في عيونه سحر من سحر هاروت
اخجل ولا اقدر بالسوالف أجاريه=هيبة جماله تودع الفكر مشتوت
ويش الجمال اللي لغيره مخلّيه؟=كل الجمال اليوسفي فيه مكتوت
القلب من بين الحنايا يناديه=ياليت من بعض النظر يسمع الصوت
سلم الهوى في منهجه مايدانيه=واصبح على العُشّاق بالصد طاغوت
اكبت غلاه اللي من العام مخفيه=بس العيون اتبث ما كان مكبوت[/poem]

شعر/صالح حسن الكيرعاني القحطاني

رد: أصد من شوفه وماكنّي اغليه ( الطاغوت )
 

الهم صلى وسلم على نبينا محمد

رد: أصد من شوفه وماكنّي اغليه ( الطاغوت )
 

ويـش الجـمـال الـلـي لغـيـره مخلّـيـه؟ كــل الجـمـال اليوسـفـي فـيـه مكـتـوت

البيت هذا لحاله قمه

رد: أصد من شوفه وماكنّي اغليه ( الطاغوت )
 

ارررررررررحب يابو حسن

صح اللسانك على هذه الغزلية الرائعه

والله يحققلك مرادك