يا أول الليل قلي وش هو التالي
 

[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="double,medium,gray" type=2 line=0 align=center use=ex num="0,black"]
يا أول الليل قلي وش هو التالي = لا صار تاليك مثل اللي مضى خله
راح أولك بين هم وبين غربالي = وضلوع صدري حطب لليل والمله
يجمع علي كل ضيق(ن) ما لقى والي = أبشرك كل ضيق(ن) دربي يدله
ياليل حزني نزل والشوق نزالي = في ضامر(ن) ما عرف للوقت ذا مله
صار الحزن نغمة أيامي وموالي = يوم(ن) يبكر على وأيام في حله
تشرق شموس الفرح واشوفها قبالي = لاكن على باسط(ن) حظ الشقا ظله
ياليل في سكتي مال الهنا ومالي = قله نسينا مواعيد الفرح قله
في صورة الياس ضاعت صورة آمالي = بروازها لغزي اللي ما لقى حله
يا ليل في غربتي نازل ورحالي = مل السفر خوتي وازريت لا امله
أهيم في ظلمة الهوجاس بلحالي = واسقي من الهم جرح القلب واعله
مدري متى ينعدل وقت(ن) علي مالي= وقت(ن) زرع في حنايا ضامري عله
مدري بعد كاس مره بشرب الحالي = مدري وسط غابة اشواكه بقى فله
ولا زمان القسا عن حالتي سالي = يالله عسى ما نصيبي ضيمه وذله
ياليل تبكي علي وابكي على حالي = لحد(ن) نشد قل خليل(ن) فاقد(ن) خله
يا أول اللي لا صار أولك تالي = لا توعي القلب خله نايم أحسن له [/poem]

وسلامتكم

رد : يا أول الليل قلي وش هو التالي
 

صح لسانك



بيض الله وجهك

رد : يا أول الليل قلي وش هو التالي
 

ارررررررحب ياعبدالله


وصح لسانك


قصيدة رائعه كروعة حضورك وتواجدك


لاهنت يالجزل وبيض الله وجهك

رد : يا أول الليل قلي وش هو التالي
 

ابو عايض


بيض الله وجهك


وجمل الله حالك


على هذا البداع والحظووووووووووور المميز


الحقيقه انت غني عن كلامي

ولكن بيض الله وجهك بياض تشله البل



تحيااااااااااااتي

رد : يا أول الليل قلي وش هو التالي
 

رد : يا أول الليل قلي وش هو التالي
 

عبدالله بن غفره

صح بدنك

نومسني مرورك يالقرم

تقبل تحياتي

رد : يا أول الليل قلي وش هو التالي
 

رد : يا أول الليل قلي وش هو التالي
 

صح الله لسانك يابوعايض


وفيت ولاهفيت


الله يعطيك العافيه


لاعدمتك

رد : يا أول الليل قلي وش هو التالي