الحب من نضره
 

الا ياوجودي وجد حر عليه ســــــــبوق
على كف صــــقاره وعينه على طلعه
كفخ بالجناح وشاف طلعه تعـــلى فوق
وســــــــبقه يرده قبل لا ينوي الشلعه
على شوفت اللي حط بين الضلوع فتوق
والقـــــلب هز الجاش لين اشتكى ضلعه
ولو شافه اكبر تاجر ينعرف بالســـــوق
خذا له ثلاث ايام ما يذكر الــــــــــسلعه
توهقت في وقت غدابي معا مخـــــلوق
مضى في طريقه واودع الكبد منشلعه
لبس ثوب ودي وانتحى بالغلى والشوق
وثوب الموده بعدها ما نوى خلـــــــعه
غشاني بجنح الليل والــمزن فيــه بروق
وشفت القمر مابين هامـــــــــته والدلعه
مادام القلوب يسوقها الشوق للمعشوق
ترا الحب من نضره كما النار من ولعه

للشاعر /سالم بن دخيل الحبابي ---- مدينة الخرج

رد : الحب من نضره
 

صح لسانك ولسان الشاعر

والله يعطيك العافيه