ياشين فرقا من نحبه ونغليه
 

قصيدة نظمتها اليوم وأنا في المكتب أرجو أن تحوز على رضاكم


[poem=font="Traditional Arabic,4,black,bold,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]
ياشين فرقا من نحبه ونغليه=اللي لهم بالقلب منزال عالي
غصتني العبرات والخد محفيه=دمعٍ غزيرٍ مثل وبل الخيالي
في الليل نومي مااتهنى بحاليه=سهران اجاذب ونتي...عزتالي
حتى عمود الصبح بانت مواريه=وأنا محلّي حايرٍ في سؤالي
متى اللقاء؟؟.. يامهجة القلب قوليه=يوم اللقاء يومٍ قريب المنالي
علّ الجواب لجرح فرقاك يبريه=وأصير بين الناس داله وسالي
لوشاف حالي مجرمٍ صار يرثيه=يرجع لربه في خشوع وذلالي
ولو شافني صدام يعلن تراخيه=ولاشن حربٍ صوب كرد الشمالي
ولو شافني شيخ الحديث ومعانيه=خلّى كتابه واعلن الإعتزالي
ولو شافني طفلٍ الألعاب بيديه=اعطاني العابه رفاقٍ بحالي
كني يتيمٍ فاقدٍ أمه وبيه=ولا له من الأقراب عمٍ وخالي
عاش بكنف من هو يذله ويوذيه=كافل يتيمٍ كاذبٍ مايبالي
من شان مالٍ وارثه قال أربيه=أغليه كنّه واحدٍ من عيالي
وإذا بغيت الحق ماهو يدانيه=لجل البكاء يرخي عليه العقالي
ومصروفه الملزوم ماهوب يعطيه=وملبوسه من العام دارس وبالي
وفراشه المسكين ماهوب يدفيه=يوم الشتاء ماذاق للنوم حالي
وللمدرسة مافكّر إنه يوديه=يقول ماني صارفٍ من حلالي
واذا بقى من عيشهم مايكفيه=عطوه ولاّ نام والبطن خالي
وليابكى حدى عياله يراضيه=ولا اليتيم اليا بكى بالنعالي
اكيد مزعلهم عسى العوق ياتيه=هذي سواتك ياعساك الزوالي
فإن كنت يالمحبوب للعلم توحيه=اسمع وفكر وافتهم في مقالي
حالي بعدكم يأريش العين طاويه=همٍ ثقيل مثل كبر الجبالي
حالي بعدكم مالقى من يراعيه=عجل علينا في جواب السوالي[/poem]



محبكم .... أبو ياسر

صح السانك يا ابو ياسر ولا هنت

ابو ياسر انت متفوق في الشعر ولا هيب غريبه عليك


واتمنى من المشرفين ان يجعلونك من شعراء الشبكة

وبيض الله وجهك

صح السانك يا ابو ياسر ولا هنت

ابو ياسر


صححح الله لسانك الحقيقه


انا من المعجبين بشعرك وانت دائماً



مميز ومالي عيوني حفظك الله .

صح لسانك ابو ياسر


وانا اشهد بالله ان فرقا الغالين تبطي مواريها في القلب ماتبرى

عموما لاهنت على القصيده الطيبه وتقبل مني فائق الاحترام والتقدير