|
الراوي علي بن شداد (ترفع له البيضا)
اسعد الله جميع اوقاتكم بكل خير والعذر على الغيبه وعسى هالابيات تشفع لي فالغياب والقصيده مهداه للراوي المعروف علي بن شداد ال ناصر الحبابي ويستاهل اكثر لما بذله في خدمة القبيله عموماً
[poem=font="Simplified Arabic,4,black,normal,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black"] سلام يبن شداد يانسل الاجداد= ياوجه عبد الله وسيع النهايا تسليمةٍ لا طوّل الوقت تزداد=تسليمتٍ مهداه بازكى التحايا ترفع لك البيضا على روس الاشهاد=يكتب بها ابن شداد راعا الحمايا من باب صنعا ترفع لباب بغداد=ومن شرقها لا غربعا فالعلايا منزلك سامي فوق وشدادك شداد=ياللي على العليا تسوق المطايا ياجامعٍ بروايتك كل الامجاد= وسوالف شيوخٍ تقود السرايا دونت كتبٍ ذكرها للعرب زاد=انا اشهد انها بالمعرفه ملايا كتبٍ على وضح النقا قدام وجداد=تشكر عليها ياحميد السجايا لاول معك لانساب قحطان تعداد=فصلتها تفصيل مابه خطايا والثاني الاشجان في كل قصّاد=كتبتها نعم القصص والروايا والثالث الاركان باعلام الاجداد= قحطان لا عدو كبار العنايا والرابع الفرسان قشعان الاولاد=بافعالهم يردون حوض المنايا والخامس اللي ماظهر مثله انداد=شيخ الشيوخ اللي تجيه الهدايا لاقيل ابن هادي تخاضع له اسياد=يوم ان ركاب الوقت عجف وونايا يوم الحياة اصرار واجبار وجهاد=عشنا قمم والله ما عشنا لجايا اخيولنا برقٍ تقفاه رعاد=وجيوشنا تومي سواة الحنايا يالين هيمنا لنا العز منقاد=من عصر هود ولنّا باتلى التلايا افعالنا يدري بها اللي قبل عاد=بالطيب حزنا ساميات المزايا الله خلقنا فوق اراضينه اوتاد=وايضاً نجومًٍ فالعلالي تضايا واللي بقا من كتبه جموع وافراد=لها ثقلها بالحكم والطراياا ولا قلتها تقليل في حق الاجواد= لكن قول وفعل ماهي حكايا [/poem] |
من طول الغيبات جاب الغنايم صح لسانك يا أبو شديد و علي بن شداد يستاهل و الكل يشهد له جعله يسلم أخوك بندر بن محمد |
صحححححححح اللله لسانك
والحقيقه اننا اشتقنا لك ولا عاد تعيدها وتطول غيبتك :) والنعم في علي وفيك أخوك فارس الشواطي |
صح لسانك يابو شديد وابوابراهيم يستاهل المدح على جهوده المبذوله في خدمة القبيله وبيض الله وجهك ووجه وعوداً حميداً |
[grade="00BFFF 4169E1 0000FF"]الأخ الشاعر محمد بن شديد 000 كفوا والله قصيدة جزلة من شاعر وافي، وفي راويً ومؤلف وشاعر وافي، ومن رجال وافين 000 يستاهل والله أبو ابراهيم من الجميع التقدير والتشجيع. تقبل شكر وتقدير 000 أخوك:[/grade] |
اررررررررررررررررررررررررحب يابوووووووشديد من سد مأرب الى سوررررر الصين
ياااخووووي وينك ما عاااادشفناك ترى ما حنا بمسامحينك غيررر ذا المرررره وصح لساااااانك مليارات على ذا القصيده وبأمانه ان علي بن شداد يستاااهل فهو ألف كتب عن قحطان كثيره وقد خذت الكثير من وقته بيض الله وجهه ووجهك يابوووشديد لباااااااااااااااااااااااااااااا قلبك وبس اخووووووووووووك ابن عااااااااااااصم |
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا هنت ياامحمد ولا جيدن جـــــااد= الا شكرته يااحميد الســـــــــــجايا اشكر رفيع المجد طلاب الامجــــاد = في مدح من ميز طريــــــــقه مزايا ميزة شرف ميزة وفا ميزت اجــهاد= يحسن نواناطيبين النـــــــــــــوايا الشكر لابن اشداد والطيب ينــــقاد= جاته مفردات الظماير ثنـــــــــــايا قحطان تفخر به على روس الاشهاد= مادام همه في الســـــــما والعلايا ماني عما لابلاجة النور جـــــــحاد= ولاني بمداح الرخوم الفــــــــعايا شاعر على مدح المشاكــيل قصاد= الظفر بين والبلايا بـــــــــــــــلايا حييت يامحمد شديد على الـــــــزاد= جبت الشحم والك الشحم والتحايا حييت يابن اشداد يانسل عبــــــــاد= العلم وافي والشهود الـــــــبرايا والقلب مكنونه يغلق وينــــــــــعاد= في مدح وفيين اكرامن طنـــــايا [/poem] مشاركه اخويه وانا احب الرجال اللي تمدح الرجال الكفو لا نه ما يمدح الكفو الا كفوووو شروا الحااضرين والسلام عليكم علما يالربع ترا خبرتي في الكتابه قليله لكن اخطت دربها فردوها للشااعر محمد بن شديد ولكم جزيل الشكر |
أرحب الله يحييك وفعلا يستاهل المدح والثناء عسى الله أن يكثر من أمثاله.
أخوك : البشري |
| الساعة الآن 03:00 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com