|
سلام الله من برلين لحاتم لآبتي حناش
بعد وافر التحيه
سلام الله من برلين لحاتم لآبتي حناش سلام المغترب يرسل سلام الود لإحبابه فعولك مع ربوعك مفخرة يفخر بها الشواش وعلمك للخوي والضيف تفاخر من تحاكابه كثيره ذي القصور مثبتٍ فأبوابها دفاش عساها فدوة لقصر الكرم واللي فتح بابه يعبر حرفنا عن بعض ماهو قديكن الجاش لو انك بالمقام اكبر قدر للمدح تحضابه مضالي مدةٍ يالعين بينك والمنام هواش ذكرتك يادرع جنبي تاجنا للرأس وعصابه حدانا من ظروف الوقت حادي بأول المطراش وباقي لي لزومٍ ما انقضا لي باتهنابه ابا احقق مطاليبي واضمد للجروح الشاش لكن الصقر ماله غير جنحانه ومخلابه ناصر ال جمان |
رد: سلام الله من برلين لحاتم لآبتي حناش
http://www.qahtaan.com/vb/images/myframes/7_cur.gifhttp://www.qahtaan.com/vb/images/myframes/7_cul.gif يستاهل التمجيد شيخ الكرم حناش+++ومرحوم ياعود في ذا الزمن جـــابه الصبر طيب وعدوك للفنا ما عاش+++وغيرك من العربان مضيع حســـابه مثلك يفاخر به للمرجــله كمــاش +++الله يحققلك مطلبك ويفتح لك ابوابه http://www.qahtaan.com/vb/images/myframes/7_cdr.gifhttp://www.qahtaan.com/vb/images/myframes/7_cdl.gif قصيدة جزله وفيها ما فيها من توجد على الطيبين ... والدنيا وانا خوك يبغى لها مسايسه والناس اليوم غير الناس امس.. لكن الذهب ما يغير لونه الله ييسر امرك اخوي ابا زياد وتعود سالم غانم وقد انجزت ما تصبوا اليه والله كريم.... تحياتي لك من الخبر الى برلين ... |
رد: سلام الله من برلين لحاتم لآبتي حناش
صح لسانك يستاهل بن حناش
|
| الساعة الآن 05:32 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com