شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مجلس المحاورات المنقوله والصوتيه (https://www.qahtaan.com/vb/forumdisplay.php?f=42)
-   -   محاوره ابن شايق و ملفي المورقي 2012 ؟؟ (https://www.qahtaan.com/vb/showthread.php?t=72307)

سعدالحبابي 07-04-2012 02:10 PM

محاوره ابن شايق و ملفي المورقي 2012 ؟؟
 
محاوره قويه جداً بين هرمين من اهرام شعر المحاوره


عبدالله بن شايق + ملفي المورقي


هذه المحاوره قبل اسبوعين تقريباً في اليخت بتاريخ 28 / 4 / 1433 هـ عند قبيلة ال فهاد من يام


بحضور فلاح القرقاح و سفر الدغيلبي

وكانت المحاوره فيها معاني خطيرة و نديه قويه


:


ابن شايق



هلا يا مرحبا في حفل يام و كلبونا يام ** ويشرفني بعد لا قلت انا يامي و فهادي
ترى يام محلف قحطان مثل مضيم ما تنضام ** ياملفي حلف يام المجد مع شالح و بن هادي



ملفي المورقي



يدوم الك البقا لو كان حصلنا القبول شمام ** لقينا قبلك اللي يكثر الترحيب و ينادي
انا دارى انكم وجه محلف من ماضي الايام ** تراك مع الطريق الصح لا تايه ولا غادي



ابن شايق



انا اللي شق لك نور الطريق و زحزح الأظلام ** وصرت الرقم الأول منت لا عاشر ولا حادي
وبمكانك تقول انك قديم محطم الأرقام ** فلا انته بالوحيد الا معك تسعين جحادي



ملفي المورقي



ترى هاذي سوات الناس احد يرجع واحد قدام ** لاكن الليله الميدان ميعادك و ميعادي
لو انك قلت هاذي ياوسيع العرف ما تنلام ** تناظرني براس الضلع و انته فاسفل الوادي



ابن شايق



تحلم يا ولد مزيد ترى كل الحياه احلام ** تقول الناس صياد الفهود الصبح ينصادي
ما دام ان الكلام ابلاش والدنيا رخاء و انعام ** لا تستغرب ليا شفت الرديف ايدور اشدادي



ملفي المورقي



انا اوحي لك يابن شايق سوالف من زمان العام ** ماغير اتبثها في شاشة التلفاز و الرادي
تعرف الذيب يلقى فرصته يوم العباد انيام ** من اهل الغرب ولا من هل البصره و بغدادي



ابن شايق



ياكم فارس عنيد و رافعن خشمه و فيه عرام ** يطيح اعناد راسه فالثرى لا جرب اعنادي
دريت ان اضعف الاكراد هو اللي شنق صدام ** ولولا الزود يا صدام ما صدوك الاكرادي



ملفي المورقي



مادام ان الجمل بعد الهدير اصبح عصب و عظام ** ترى ما عاد يحمل غير به خرجين و شدادي
اله مده بحر جده مصاحب شاطي الدمام ** وبن شايق يسير بينهن سرداد مردادي



ابن شايق



انا يالمورقي مالي دخل بين اليمن و الشام ** حصاتي نجد و امشي في ديار الناس الاجوادي
اذا كان القصايد فن و ابداع وذكئ والهام ** انا شاعر مميز وانت اضنك شاعرن عادي



ملفي المورقي



اقول اصبر على دارن حصاها يحفي الاقدام ** عتيبه واقفين بشلفهم في كل مرصادي
انا اقول التميز راح وقته وانتهى ما دام ** لاكن ارتح حفظك الله على دله و برادي



ابن شايق



اقول و نعم يا عتيبه لاكن قحطان سبع انعام ** ترى حنا قطعنا روسكم و اجحد يا جحادي






وهاذي المحاوره فديو



http://www.youtube.com/watch?feature...&v=QtZXkcUq6Jk

مبارك بن حاضر 07-04-2012 02:35 PM

رد: محاوره ابن شايق و ملفي المورقي 2012 ؟؟
 
الله الله

محاوره قمة قمة قمة

معاني رائعة و فتل ونقض ممتع

يعطيك العافيه يا سعد

:)

ماجد بن شارع العاصمي 07-04-2012 05:46 PM

رد: محاوره ابن شايق و ملفي المورقي 2012 ؟؟
 
ابن شايق شاعر قوي باس


واشهد انه شاعر قحطان في المحاوره

السارق المزاح 08-04-2012 11:16 AM

رد: محاوره ابن شايق و ملفي المورقي 2012 ؟؟
 
عمالقة شعر - واصعب بيتين على ملفي اول بيتين - بس خطير

ومشكوووور على ايرادها ياسعد ولاهنت

طيب اليمنا 07-06-2012 06:18 AM

رد: محاوره ابن شايق و ملفي المورقي 2012 ؟؟
 
شعار ولا عليهم غبار

كفوو يابن عاطف

لاهنت عالطرح يالقرم

علي بن مسفرالحبابي 07-06-2012 02:49 PM

رد: محاوره ابن شايق و ملفي المورقي 2012 ؟؟
 
بيض الله وجهك ياسعد علي هذا المحاوره

فتى الحباب 15-11-2012 04:34 PM

رد: محاوره ابن شايق و ملفي المورقي 2012 ؟؟
 
لاهنت ياسعد على النقل المميز


الساعة الآن 01:10 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com