شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)
-   -   كن عيني تشوفها !! (https://www.qahtaan.com/vb/showthread.php?t=37595)

خالد الحصيّن 04-01-2008 05:45 PM

كن عيني تشوفها !!
 
[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يا بنت فكرٍ .. كن عيني تشوفها = ومن الوله .. عجزت اقدّر ظروفها
جتني تغنّج .. كن ماهو بودّها = وقعدت اقرّبها .. واقبّل كفوفها
مدري ذبحها البعد .. والصد والجفا = والا شفوف الشاعر .. اغرى شفوفها
عسعس علينا الليل .. بالبرد والدفى = تحوفني في حين غرّه .. واحوفها
وامسيت اسامرها .. واسولف عن الهوى = وقامت تدفّ الشوق .. من حر جوفها
وعلّقت من عقد الجواهر .. جواهري = ما عز معناها .. وجمّل حروفها
قصيدةٍ من قو .. حبكة بيوتها = تبقى مناقبها .. وتفنى وصوفها
أخْذت من الماضي .. ترانيم طرقها = ورفعت هامتها .. وأمّنت خوفها
وطعّمتها باسلوبي .. وزان نهجها = لا تملّ مسمعها ولا تملّ شوفها
وحاولت ابيّن ما كنيته وما خفى = واخايل مزونٍ .. تزبّر قنوفها
سحبٍ ركاميه .. رعَدْها وبرقها = عزاوي ربوعي .. ولمعة سيوفها
ربعي .. هل الطالات والعز والثنى = لا شحّت الدنيا .. وكثرت صدوفها
لا ثارت الهيجا وقامت حشودها = تبعد مغازيها .. ويبطي نكوفها
هيبة عيال مضيم .. يضعف عدوّها = ويربك معاقلها ويِخلف صفوفها
بمصقلات الهند والشلف والقنا = روسٍ تدحرجها .. وروسٍ تروفها
كم راس قومٍ طاح من حومة الوغى = في ساعةٍ تنسى المطيه خفوفها
وكم مستجير يرد شانه .. بشانها = ويروح عنها ما تناسى معروفها
وكم من خويٍّ في كنفها .. وعزّها = يلقى من الراحات مجمل صنوفها
مدهالها لا زال عامر بما مضى = وترحيبها يروي مسامع ضيوفها
تخرج عن المألوف بالطيب والكرم = وتدخل على الله من ظروفٍ تلوفها
وتاخذ من الواقع تواريخ مجدها = وشيخانها ترفا خمايل ضعوفها
يقوله .. اللي قالها واعتنى بها = رسالةٍ مني .. وجات بظروفها
يجحد .. شعاع الشمس والنور .. فالضحى = من شاف قرص الشمس .. باول كسوفها[/poem]

سعيد ابن دماث 04-01-2008 10:25 PM

رد : كن عيني تشوفها !!
 
السلام عليكم

وش هالجمال والابداع والتمـــــــــــــيز دايم معودنا بالتميز

صح لسانك...............سجل مروري

حسين العبدي 04-01-2008 11:01 PM

رد : كن عيني تشوفها !!
 
خالد


عزالله انك شاعر


واني احب قصيدك

تقبل تحيتي

عبدالله بن غفره 10-01-2008 08:59 PM

رد : كن عيني تشوفها !!
 
عزالله انك الشعر بأكمله ياخالد


شاعر جزل وتبهر متلقي القصيدة بحبكك وسبكك الأبيات

فأنت من الشعراء الذين نقف لهم احترام وتقدير لهاجسك الشعري المرصع بجنيهات الذهب


شاعر فوق جميع مستويات الأطراء


شكراً لك وصح الله لسانك

عاشق الليل 10-01-2008 10:23 PM

رد : كن عيني تشوفها !!
 
صح الله لسانك يالمبدع


دائما تتحفنا بقصائدك الجميلة

اونا من المتابعين لإبداعاتك

مـــــــــــــشكورياغالي

سعـد الوهابي 11-01-2008 05:15 PM

رد : كن عيني تشوفها !!
 
القدير

خالد

لله درك ولنا دُررك


مبدع وشاعر متمكن معنى وفكرة وحبكة

صح لسانك مع كل رايحٍ يروح

ودام تواصلك


احتراماتي

اخيك

مبارك بن حاضر 11-01-2008 08:46 PM

رد : كن عيني تشوفها !!
 
يا سلااااااااااااااااااااااااااااااااام


اشهد لله اني تشبعت شعر


سبك ابياتها و حبك عددها و فكرتها

يدل على سمو ذائقة شاعرها


صح لسانك و بيض الله وجهك :)

عوض بن شفلوت المناديه 14-01-2008 04:44 PM

رد : كن عيني تشوفها !!
 
مدهالهـا لا زال عامـر بمـا مـضـى
وترحيبهـا يـروي مسامـع ضيوفـهـا
تخرج عـن المألـوف بالطيـب والكـرم
وتدخل علـى الله مـن ظـروفٍ تلوفهـا





بيض الله وجهك يا خااااااااااااااااااااااااالد




وجمّل الله حالك




هذا والله القصيد اللي يغزا به ويبدا به ... جعلني ما ابكيك




واااافيه من راس وافي



ولك مني كل التقدير والاحترام يا كحيلان



اخوك

سعد محمد آل خاطر 15-01-2008 12:24 AM

رد : كن عيني تشوفها !!
 
بيض الله وجهك وأجدت في القصيدة شكلا ومضمونا ,,

سعد القحطاني 16-01-2008 08:41 PM

رد : كن عيني تشوفها !!
 
صح لسانك يابو نجد

مبدع وجزل دايم

لاعدمناك

.


الساعة الآن 12:43 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com