تكفي ترا تكفي تهز الرجاجيل
[poem=font="Simplified Arabic,5,red,bold,normal" bkcolor="transparent" bkimage="backgrounds/14.gif" border="double,medium,blue" type=2 line=0 align=center use=ex num="0,black"]
تكفى ترا تكفـى تهـز الرجاجيـل=ولولا ظروف الوقت ما قلت تكفـى تكفى يا مزيد ما يبا العلـم تفصيـل=المشكله كبرت على عمـاش تكفـى ما قلت تكفى غير من فترة الحيـل=وانته ولد من يفعل الطيـب تكفـى انخاك من كثـر العنـا والبهاذيـل=الفقر حطمني .. وانا ازريت تكفـى غديت مثل اللي برك ضامه الشيـل=تضحك بي ضعوف الرجاجيل تكفى يومٍ لك وقفه .. وجاه .. ومداخيـل=ما نغتني عن مثل شـرواك تكفـى افزع ترا وقتي غـدى كنـه الليـل=والعلم مـا يخفـاك يالقـرم تكفـى ما عاد بي شده ولا عاد بـي حيـل=ضدتني الايـام ... والقـلّ تكفـى اروح وارجع ما حصلي محاصيـل=والرجل بادت .. يا فتى الجود تكفى واليوم عندك يا رفيـق المشاكيـل=العذر ما ينفـع وانـا قـول تكفـى حيثك من اهل الطيب واهل المفاعيل=يا زبن من جاله ومن قـال تكفـى الجيب فاضي .. واليالـي مقابيـل=عجزت اعيش مع الرجاجيل تكفـى والراتب المحدود .. يروح تحويـل=من الاداره .. لاهل الديـن تكفـى حتى عيالي ما قدرت الهـم الكيـل=والازمه لا جات .. صديت تكفـى ارجى الفرج والله يجيب التساهيـل=واعيش في راحه مع الناس تكفـى والله كريم .. يبدل الحـال تبديـل=وما قلّ دلّ .. وصامل الهرج تكفى [/poem] قصيدة الشاعر ( عماش بن عبيد البديري المطيري ) من سكان هجرة العمار بالقصيم . |
رد : تكفي ترا تكفي تهز الرجاجيل
لاهنت يالحد الرهيف على المشاركة الرائعة وصح لسان ابن عبيد تقبل تحياتي: ساج الوقت المشعلي |
رد : تكفي ترا تكفي تهز الرجاجيل
الرهيف
بيض الله وجهك علي النقل من زمان نسمع البيت الاول ولاندري من صاحبها لاهنت |
رد : تكفي ترا تكفي تهز الرجاجيل
تكفى تر تكفى تهز الرجاجيل = ولولا ظروف الوقت ما قلت تكفى
من زمان وانا اسمع هذا البيت وكنت اتمنى ااحصل باقي القصيده وقائلها بيض الله وجهك يا الحد الرهيف |
رد : تكفي ترا تكفي تهز الرجاجيل
ابن طرخم تبي شي؟
|
رد : تكفي ترا تكفي تهز الرجاجيل
اقتباس:
هلا بالمشعلي وسبعين نعم يابن مشعل لاهنت لاهنت |
رد : تكفي ترا تكفي تهز الرجاجيل
اقتباس:
الغالي: الحد الرهيف لاهنت ولكن لدي ملاحظه لاعدمتك تكفى ترا تكفـى تهـز الرجاجيـل=ولولا ظروف الوقت ما قلت تكفـى هذا البيت كتب يتيماً وهوللشاعر/ناصربن محمد بن مسعد العارضي المطيري من سكان محافظة الدوادمي وهذا التعقيب معروووووووووف من قبلي شخصياً،،، وأنا المسئول عنه.. كذلك كاتب البيت أعرفه تمام المعرفه،، ولونظرت ولاهانو الأخوان لتكميلة /عماش البديري لهذا البيت لأتضح لك العجز ببعض شطورالأبيات المكمله،، وعدم التجانس مع رسالة البيت،، كذلك والأكتفاء بوقفة القافيه للشطر الثاني على كامل كلمة تكفى هذا ماأحببت إيضاحه للجميع والله يوفقنا لمايحبه ويرضاه أخوكم: الحرالأشقر |
رد : تكفي ترا تكفي تهز الرجاجيل
بسم الله الرحمن الرحيم
تسلم والله وتحياتي لك |
رد : تكفي ترا تكفي تهز الرجاجيل
كلام الأخ الحر الأشقر واقعي ومنطقي
انا أول مره آشوف قصيده بهذا الشكل حيث تكون القافيه الأخيره موحده بنفس الكلمه لوان كلمة (تكفى) رابطه تأتي في نهاية قافيه يمكن تكون معقوله لكن بهذا الشكل أنا لا أرى أنها تسمى قصيده !!!!!!! تحياتي للجميع . . |
رد : تكفي ترا تكفي تهز الرجاجيل
اقتباس:
هلا حكيم الشور لاهنت يالحبيب |
الساعة الآن 10:51 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com