&& قدوم الربيع &&
 

[frame="1 80"]{ بروق الوســــــــم }

لاحت بروق الوسم من عندنا إشمالا ××× وادي المياه * الله اعلم فايــــض إمــياهي


سيله معا عطفت الجرفان شـــــّلالا ××× تزمي سيولـــــه على الجـــــيلان د ّلاهي


عسا سيوله تصب بعرض مدهـالا * ××× تسمع دوّي الســــــيول وصوت الإرجاهي


ولا ربعت دارنـــا والطـــير به لا لا ××× تلقى علـــيك القعــــود يمّــــر متـــــباهي


البل مع الضان تلقى خــير وتـنالا ××× العشـــــب وافر وغيث الوســـــم قد جاهي


العشب يشبه زماليقــه طرف شالا ××× وإبقطـــف زهـــره جمــــيع اطفالــنا لاهي


وسطه تمشـّى على هونك وتختالا ××× كـنك على هـــــــام الارض الامر الــناهي


ياماحـــلا باوسطه شله ومـــــوالا ××× والكــيف بن ٍ مشقـّـــر جنبه الشـــــاهي


مرتــــــــاح بالك ولا شلـّيت جــــوالا ××× مع سرب طـــير ٍ يغـّرد غافـل ٍ ساهي


هذي طرات العمر فان كان تحتالا ؟ ××× تســـوا ملايــين بيت التاجــــر الراهــي

وسلامـتـكـــــــــــــم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
* ملاحظه/
وادي المياه : هو المعروف الان باسم وادي العجمان
مدهال : اسم مزرعة الشايب ؛ وكلمة مدهال معروفه
[/frame]

رد : && قدوم الربيع &&
 

الله الله أرحب يامحمد

وصح لسانك ملايين

على ذا القصيده

الي تحمسني على

الخلا الخالي والله

يجيب المطر امين يارب

العالمين

رد : && قدوم الربيع &&
 

البقاء يا مشخص

وصح الله بدنك

ولاهنت على المرور

رد : && قدوم الربيع &&
 

رد : && قدوم الربيع &&
 

فعلاً البر متنفس في غاية الجمال والروعه

ولا يزين البر الا بالمطر والله يجيبه ان شاء الله


تحيتي لك يالغالي

رد : && قدوم الربيع &&
 

اررررررررحب يا محمد

صح لسانك وعلا شانك


وعسى الحيا يسقي ديار المسلمين


لا هنت وتقبل تحياتي

رد : && قدوم الربيع &&
 

البقاء يا عبدالله الوهابي

وصح الله بدنك

رد : && قدوم الربيع &&
 

لا هنت يا ابن غفره على المرور


والله انك صادق عسى الله يجيب الحيا

رد : && قدوم الربيع &&
 

صح الله بدنك

والله يستجيب دعاك

ويرزقنا الله بالحيا و بالخير ويجيب الله الربيع

لاهنت على المرور

رد : && قدوم الربيع &&
 

صح الله بدنك

والله يستجيب دعاك

ويرزقنا الله بالحيا و بالخير ويجيب الله الربيع

لاهنت على المرور