شبكة قحطان - مجالس قحطان - منتديات قحطان - قصائد قيلت في الشيخ خليل بن ناصر بن عمر بن قرمله ( شيخ مشائخ قحطان) .

1_ قصيده للشاعر جفين بن رويشد المشعلي في الشيخ خليل بن ناصر بن عمر بن قرمله شيخ قحطان ( رحمه الله ) ، وذلك بعد رجوع الاخوان من حرب اليمن عام 1351 هـ ثم مرورهم بتهامه وشربهم من غيل ماء اصيبوا بعده باوبئه فمات اكثرهم ولم يعد الال القليل .. فقال الشاعر جفين المشعلي هذه القصيده في الامير خليل بن ناصر بن عمر يهنئه بالسلامه ويصف ما حصل:

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله ياللي تبعث الحي لامات= يا كاتب رزق الفتى باليسيري
يا كاتب بآيات عمى علامات=ومقيد دين النبي بتهجيري
افرج لمشحون جداه التنهات=يبرد من الصدر الحشا بالزفيري
من حر مابه ياخذ الليل ساعات=يسهر ودمع العين يحفي النظيري
يبكي بني عم مصاطير ورماة=ماتوا ورا الطور الخضر والعسيري
راحوا لهم بالحرب ملكن ورايات= لا شك دورات الليالي تديري
ركبوا على اللي تقطع الخد عجلات= شهب الغوارب من بنات البعيري
جتنا رحايلهم عرون معرات= ردايد عقب الشحم والهديري
جتنا رحايلهم مصاخين واشتات= افوات ما جا في نحرهم بشيري
خلوا وراهم من هل المدح غلات= لامن غدا البارود مثل الغثيري
والموت حق ولا عن الحق صدات= لو طال حبل الروح فلها مصيري
هذي ركابه كل يوم مشيحات= والاقدار ما للحي منها مطيري
لا سلم بن هادي فلاكن حدٍ مات= عسى الوجود يعمره بتعميري
خليل في راسه من الزود ميلات= ورثن لبوه الزود ماله خشيري
خليل لاما جو هل الخيل كدات= ثم سل سيفه ماج عنه الجفيري
لا سل سيفه راحت الخيل عجلات= يرمي العشا للطير رفض المطيري
خيال حرد لا غدا الشوف شوفات= من بين عجلات الرمك والعثيري
جزل الصحون من المواحيل نديات= ضاري على ذبح الغنم والفطيري
غيث الارامل واليتاما المقلات= وسعد الرفيق ومسندٍ للقصيري
يعطي الاصايل دون ربعه مدارات= ويدرا على هيبات عزه بصيري
ماقلت في مدحه على شان ابي ذات= اشهد بخبري والله اللي خبيري
حتيش لو زعلوا قلال المروات= ما تنطح الثمدان موجٍ غزيري
ما تنطح الثمدان بحر الظلمات= ولا يستوي موج البحر والحفيري[/poem]
2_قصيده للشاعر عايض بن فهيد الرشيدي في الشيخ خليل بن ناصر بن عمر بن قرمله ( رحمه الله )
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ذكرت من كل العرب له عبيدي= علام ما بالغيب رب العبادي
محيي العظام الباليات الهميدي= ايضا ومحصيها بليا عدادي
وخلاف ذا يا راكب كالفريدي= ما ذاره القناص بارض حمادي
فريد لي منه جفل ما يعيدي= ومطالعن بالعين زول وكادي
عليه من يدي كلامي وكيدي=لابن عمر جتني علومه وكادي
خليل جيتك عاني ياوديدي= متعني لك من ديار بعادي
تهدا عليك مقاضعات الحديدي= واهدوا على جدك جميع البوادي
كل على هرجي لك الله شهيدي= ولا اقول انا هرج على غير قادي
وان روحن ارقابهن كالجريدي= توحي العزاوي فوقهن كالتنادي
يلوذ بك راع الحصان البليدي= اليا تنادوا بينهم بالهنادي
[/poem]3_ قصيده للشيخ عبدالعزيز بن قنيفذ بن لبده شيخ قبيلة آل سعد الجحادر قحطان قالها في الشيخ خليل بن ناصر بن عمر بن قرمله :
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياهل الركاب اللي تبون الكرامه = ترى العشا في فرعة الرين ماجود
تلفون ابن هادي كبير العمامه= سعد الرفيق اللي من الضيم مظهود
يا ما ذبح من نابي في سنامه = عليه ربعه كنهم دقلة ورود
من باب هجر إلى قرايا تهامه= شيخ قحطان ما على شيخته زود[/poem]4_قصيده للشاعر محمد بن مسفر القحطاني يسندها على الشيخ خليل بن ناصر بن عمر بن هادي بن قرمله ويطلبه ان يعوضه في قعوده الذي مات ، وقد اعطاه الشيخ خليل بن ناصر بن قرمله من خيار الجيش الذي عنده :
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحه في مرقدي واتمضجر= والعين والله كن فيها قذاتي
يافر قلبي فرة الطير لا فر= من كف صقار برأس النباتي
صيح ولوح وامرح الليل ما استر= واصبح على روس النوايف غتاتي
على قعود لابعرض ولا حر= من يم ابن ثاني يجي له خواتي
على قعود زين ذاك المعذر= فج زغونه ما شكابه حفاتي
لا من بغينا راعي القرن الاشقر= من غربة قدهي بنا منكفاتي
قام يتضعضع مثل طير معا كر= والا فريد ذيروه الرماتي
يالله ياللي ترزق الطير والذر= ان ترزق اللي يحتظي الموجباتي
واني دخيلك ياولي ما اتفقر= افرح بهل هجن من البعد جاتي
ما دمت حي فوقها با اتعبر= ما نيب مفلول تضيع هقواتي
يا نافدا اللي عاضني ما تعذر= ( خليلنا ) اللي ينطح الكايداتي
خليلنا اللي فالعرب كنه الحر= متبين في عالي النايفاتي
تفرح به اللي لا لفت مشيها جر= لا جات من قطع الحدب ناحلاتي
ثم قلط لهلها شحوم شحوم تنثر= حيل لهلها بالشحم وافياتي
راعي دلال با شقر البن تنحر = والعود الازرق مشتراه المياتي[/poem]5_قصيدة للشاعر مسفر بن صهيب بن ضيطان الروقي الجحادر قحطان قالها في الشيخ خليل بن ناصر بن قرمله:
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نصيت لي قصر كبير يشافي= متبين فوق الحجر للمناعير
قصر لابن هادي سعد الضعافي= سعد الضعيف ان كان قلت لساعير
ذولا مقابيل وذولا مقافي= مثل الورود اللي تصدر من البير
واليا لفاه اللي من البعد لافي = ينساح باله عند صبي المخاسير
خليل فوق الخيل يروي الرهافي= لاجا نهار فيه كثر الاشاوير[/poem]6_قصيده للشاعر محمد بن عديله العاطفي الجحادر قحطان قالها في الشيخ خليل بن ناصر بن قرمله يطلب منه العوض في قعوده الذي مات ( ظبيان) وقد اعطاه بن قرمله من خيار جيشه ، وقد اسند الشاعر بن عديله القصيده ايضا على بعض مشائخ قحطان .
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عند العشي عديت في راس مابان= ودموع عيني محفيات الخدودي
ركبت انا نضوى تنصيت قحطان= جراله الجاري بعرق النفودي
عسى يعل ( الرين ) من كل ودان= دار الرجال اللي تفك الحدودي
والله ما اسكن دون ذربين الايمان= اللي فعايلهم عليها شهودي
اول مجيي عند من يذبح الضان= اهل الهداوي يطلبونه عهودي
خليل اللي يمنع الدرك الامان= اللي على خصمه يقود الجرودي
ساس الكرم والجود ميراث جدان= وان جاه مضيوم فيرقا سنودي
شيخ ولد شيخ سلايل كحيلان= حصان الصرايم بالرسن فيه زودي
كم جاه من قحص الرمك علط الارسان= يازينها قدام بيته تحودي
نادر حرار ماكره راس مابان= ما يبدي الا عاليات الرجودي
بديع السوابق يدعي الريش نثران= مثل الاسد ما يلطم الا الخدودي
طالبك نضو عقب ما مات ظبيان= يوم انت ابن هادي عريب الجدودي
ذي طلبتي قل تم ياطير حوران= ياجعل ما تطوا عليك اللحودي
وليلة مجيي عند ربع ابن سفران= ليل علينا من ليال السعودي
الرايه العليا لناصر وسلطان=وابغا اتعوض عندهم في قعودي
من عقبهم نصيت ترثة سعيدان= وابغا اتعوض عندهم في قعودي
اميرهم هذال قواد سلفان= خيال حرد فاللقا ما تحودي
وحزام ساس الجود من ساس شيخان= عند اللقا لزمن يقص الحيودي
اما عشق لما اعتلا بنت ربدان= يطعن لعنا ناقضات الجعودي
ومن عقبهم نصيت حماي الاضعان= ولد قنيفذ مثل حر هدودي
نعم بابن لبده ليا ثار دخان= لامن غدا البارود مثل الرعودي
ومن عقبهم نصيت قوم ابن جرمان= وابغا اتعوض عندهم في قعودي
اميرهم نايف حمى كل مرحان= ولا ينبني بيت بليا عمودي
وحمود شوق اللي تعطر بريحان= يثني اليا من دبرت بالشرودي[/poem]7_ قصيده للشاعر مسفر بن صهيب الروقي الجحادر قحطان في الشيخ خليل بن ناصر بن قرمله:
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا حسين يابوك لبد فوق عمليه=تزهى الرسن والكلايف بنت ريماني
تنصا بنا شيخنا ريف الخلاويه= هداج تيما وهيف الكوم والضاني
يا ما عطا من ذلول له عمانيه= وسابق رفرفت رفراف شيهاني
عطيته لا عطا ماهيب مقفيه= عطا الاصايل تقود منه برساني
عدٍ رسين يقود الناس له نيه= يسرا بليل ويسقي كل عطشاني
والسيف يروي شباته فالعكيليله= ويشبع الطير هو والذيب سرحاني
يا محسنه بالمزرج واليمانيه= وفردٍ على الخو يركب بنت ربداني
ترا القهابا تجيب فروخ قهبيه= والحر الاشقر يخلف طير حوراني
خليل انا طالبك حمرا عمانيه= والا ام تاج القصيره فوق الامتاني
خليل حنا لكن دوله يمانيه= ونلطم الشره لا من ثار دخاني[/poem]