جديد من جديد .. للجــميــع ارجـو الدخـول
 

أيها الأخوة مشرفين ومراقبين وأعضاء وضيوف , أنا أعتبر جديد على هذه الشبكة ولا أدري بالضبط متى بدأت ومن له الفضل بعد الله في وجودها ولكن عندي إقتراحات بسيطة ودي أنشرها في مجلس الإقتراحات اللي مني بشايف فيه ولا إقتراح وهذا سبب وضع عنوان ( جديد في جديد ) أي إقتراح جديد من عضو جديد

الإقتراح الأول : هو عقد تجمع سنوي لأعضاء هذه الشبكة من صبيان قحطان في نجد والجنوب وفي كل مكان آخر وهذا سيكون له الأثر الفعال في تطور هذا المنتدى الجميل وحلقة تعارف وكلما زاد التعارف زادت المحبة وزاد الإنجاز وأن كان بتوافقون فيكون هذا التجمع عندي وعلى حسابي والله يحييكم .
الإقتراح الثاني : يكون في هذا الملتقى تكريم للمتميزين أمثال القويفل وفقه الله (( للمعلومية والله ما أعرف هذا الرجل ولا أعرف أحد من أعضاء الشبكة ولكن فعله يدل غنه لحية غانمة ولايهونون الأعضا البقية والقراء .

ويش رايكم أبغى ردود منكم جميعا

رد : جديد من جديد
 

علم غانم وانت من اهله

لاهنت يالمنافس على ذالأقتراح الطيب

وآتمنى من جميع الأعضاء المرور والتعليق على هذا الموضوع

واما انا أعين وأعاون واظم صوتي لصوتك

لاعدمتك يالمنافس وفعلاً الإسم دليل لو كان مستعار فأنت راعي مرجله وتنافس على فعل المراجل وقدهاااا

تحيات اخوك

رد : جديد من جديد .. للجــميــع ارجـو الدخـول
 

ارحب يالمنافس

والله اقتراحك في محله وانا من المؤيدين معك في هذا الرأي

تحياتي للجميع

رد : جديد من جديد .. للجــميــع ارجـو الدخـول
 

المنافس انا مع اقتراحك والتجمع يقرب ويفيد المنتدى ويفيدنا كلنا واذا اعتمد الاقتراح من الاعضاء فبودي يكون الاجتماع الثاني عندي

رد : جديد من جديد .. للجــميــع ارجـو الدخـول
 

أرحب يالمنافس وكلامك في محله وأنا من المؤيدين لهذا الاقتراح الطيب

رد : جديد من جديد .. للجــميــع ارجـو الدخـول
 

الاخ المنافس :

[poem=font="Simplified Arabic,6,crimson,bold,normal" bkcolor="transparent" bkimage="" border="double,medium,gray" type=4 line=0 align=center use=ex num="0,black"]
بيض الله وجهك وكلامك في محله والله الذي لااله

الاهو انه يوم المنى يوم نجتمع في ماقف واحد

ويلفنا اسم واحد عيال الشايب قحطان العز

الجميع يعرف ان اكثر القبايل ومن حولنا

يجتمعون كل سنه مره والا مرتين لازم

الجميع يبدي رايه ونبغا قول وفعل

بجد وصمله تكفون يابني عمي[/poem]

رد : جديد من جديد .. للجــميــع ارجـو الدخـول
 

فكره رائعه وآمل التفاعل وأبدا المرئيات

بيض الله وجهك يالمنافس علمك غانم وأنت راعيه




وأنا جاهز مع أخوي سعد القحطاني بأي شيء تأمرون به

رد : جديد من جديد .. للجــميــع ارجـو الدخـول
 

المنافس

فكره حلوه

وانا معكم اعين واعوان

اما الحضور اعذرني انا واللي من صبيان قحطان متغربي عن الوطن ما نقدر نجي

لكن حنا معكم انشاء الله بالحاسيسنا ومشاعرنا التواقه لشوفت الرجال اللي مثلك وشرواك

تقبل تقديري

بن خرصان الروقي

رد : جديد من جديد .. للجــميــع ارجـو الدخـول
 

جميع الأخوة الذين مروا على الموضوع شكرا على المرور وأنا أنتظر موافقتكم والساعة الطيبه يالربع

رد : جديد من جديد .. للجــميــع ارجـو الدخـول
 

[frame="7 80"]

اخوي الغالي المنافس

ارررحب تراحيب المطر

والله يحييك بين ربعك واخوانك عضو فعال ومفيد

اقتراح طيب ويدل علي طيبك وطيب اصلك فكره ممتازه ياليت توخذ بعين الاعتبار

وانا علي اتم الاستعداد وخدام للشبكه وللقحاطين في اي وقت ومرحبا بك وبامثالك يالمنافس

[/frame]