يا مل قلبٍ يسج وفيه دولاجه *** من هاجسٍ بالضماير قام يدرجها || عبد الله بن عون
 

[poem=font="Simplified Arabic,5,black,bold,italic" bkcolor="transparent" bkimage="backgrounds/33.gif" border="double,4,burlywood" type=0 line=1 align=center use=ex num="0,black"]
الشاعر عبدالله بن عون=

يامل قلب يسج وفيه دولاجــــــــــــه = من هاجس بالضمايرقام يدرجـــــــها
في معزل عن جميع الخلق وازعاجه =ما اسمع من الناس لوتكثر لجـالجها
ماغير اهوجس تقول مضيع حـــــاجه =آخذ واسند على روحي واهرجــــها
وادوج لوكان مارجلي بدواجــــــــــــه =ادلّه النفس لين الله يفرجـــــــــــــها
يالله يالي بيدك الضيق وافراجــــــــه =ياخالق الخلق ياقاضي حوايجـــــــها
تفرج لعين الذي أغفت بســــوهاجه =تجهز عليها الطواري لين تزعجــــــها
بالصدر ضيقه ونوم العين هـــــملاجه =عيني من العام والسهر متولـــــجها
نوب سهرها شديد ونب نهاجـــــــــه =ومر تكن الدموع ومر تزعجـــــــــــــها
عليك ياللي بقلبي كن وهاجـــــــــه =وهاج نار هوى الغربي يسارجـــــــها
أبو ثمان تشاد اللولو لعاجـــــــــــــــه =كن البرد يوم يضحك في مفالـــــجها
ياروح روحي وجرح القلب واعلاجـــه =الطف بحال عليك الهم ساهجــــــها
قلبي يناجيك بسلوب الهوى .. ناجه =يشكي لك الحال داخلها وخارجـــها
اما التفت لي وتم الوصل بمواجـــــه =والا بلا عشرة هذي نتايجـــــــــــــها
وش ينفعك من حنين القلب وخلاجه =وجروحي اسبابها انت ولا تعالجــــــــــها[/poem]

صح لسااااااااااااااااان الشاعر

بن عون


وسلمت يمناااااااااااااااك على النقل

لاهنت وفقك الله

لاهنت راعي السمراء وصحححححححححححححح لساااااااااانك على القصيدة

هلا والله بالجميع

وبالغالين

1/ محمد الحياني

2/ ابن رشد الصغير

3/ بن غفره

والله لا يهينكم

ويعطيكم العافيه

وتقبلوا تحياتي .

وبيض الله وجهك وصح لسان أبن عون

والقايل وجهه أبيض

ومشكور على المرور

وما تقصر .

ونعم باابن عون

وصح لسانه ولسان الكاتب

وهذه القصيده تعتبر من اشهر القصائد في نجد

عذاب الجموع
مشكور على مرورك

وما تقصر

بيض الله وجهك يا راعي السمرا

بس نبي ترجمه للشاعر المشهور ابن عون ...وش هو.