ابن مسعر وشي من قصايده
 

ابن مسعر العاصمي المقصود بابن مسعر واحد من أكبر شعراء قبيلة آل عاصم قحطان وهو فهاد بن عبدالرحمن بن مسفرآل منقارة العاصمي، ولد وعاش مع أفراد قبيلته العاصم في نجد وتجول بين نجد والأحساء والكويت والعراق وشارك مع أفراد قبيلته في حروبهم وسلمهم وله قصائد كثيرة ومن أشهر قصائده:في شيخ قبيلة آل عاصم في دخنة الشيخ فيصل بن حزام بن حشر:
رحنا وخلينا وديع الحفايا

على نفي مع أيسر النود نزال

حطو على قبره رفيع البنايا

ورحنا منه مع طلعة الشمس نزال

أخلوا ثقلها طيبين العنايا

لاجا لها عند المثلي تجيوال

وتعاقبن كنها تعيقب حدايا

وأصواتهم كنها تصاويت منزال

وله أيضاً:
والله ما اطرب وينساح بالي

إلا لياما أوحيت صكت فحلها

يدرج حيران نياق غوالي

من بينهم والضو تذعر قبلها

والربع يامدغش ربع رجالي

والسالفة لاجات ما أحد شقلها

وله في القهوة:

والله يالولا كيفة بعض الأمراض

ياحالي انه مابقى إلا قليله

لاضاق صدري قلت شبوا لي النار

حطوا حطب رمث جرومه جليله

دنو ثلاث مابها أجوا ولا هجار

ونجر يصوت للنشاما عويله


وله:

يا والله اللي شدو البدو يالبيق

وخلوك والسبعة ودير سفواني

شدوا على اللي كنهن الشواهيق

كل أشقحن ياتيك له ثعواني

قحطان لاركبت ظهور خيولها 00

اهتز نجد والعراق الاسفلي00


صح لسانك أخوي حسام آل حمير على طرحك للقصيدة 00

تسلم والله وماقصرت وصدق يوم قال :

لاجا لها عند المثلي تجيوال 000 وتعاقبن كنها تعيقب حدايا





تقبل تحياتي
أخوك
رحـــــ نجد ـــــال

مشكور اخوي رحال نجد على المرور

شبل قحطان يعطيك العافيه على القصه والقصيده

وابن مسعرررر من اشهر شعرا ال عاصم بل من المشهوريين من قحطااااااان وله قصايد كثيره سوف اذكرها لاحقا

اخووووووووك

ابن عااااااااااااااصم

بيض الله وجهك يالشبل على هالنبذة عن شاعر من شعراء قحطان الكبار

وابن مسعر معروف بقصايده الطيبة والجزلة على مستوى القبائل ، وياليت كل ما حضر عندك من قصايد لهذا الشاعر انك ماتبخل بها علينا .

اكرر شكري وتقديري يالشبل

اخــــ السيف النادر ـــــوك
.

اخوووك

هاوي نجد