شبكة قحطان - مجالس قحطان - منتديات قحطان - $*^^#& اكـتـشـف نـفـسـكـ $*^^#& ! هل أنت فغرة !

[grade="8B0000 FF0000 0000FF"]إكتشف نفسك
هل أنــــــــت فـــــــــغــــــــــرة
؟؟؟

غلمة أسئلة أسدحها هنيه جاوب على ما أشفيت منها بحيث إن جوابك هو التصرف اللي بتتصرفه في أي حالة أعطيك إياها وفي الأخير شوف كم نقاطك .. وتعرف وش انت من رجال ...

السؤال الأول
درست واشقيت عمرك وتوظفت ولله الحمد ..شفت العرب طمروا في الاسهم والمساهمات ....وجاهم دخل مزبوط يجعل تلالتك تسيل .. وانت على باب الله مامعك الا راتبك وميد تسوي تاجر ورجل اعمال في عين الحمار وش تسوي ( أو وش سويت في ذيك المده ) ؟؟

الخيارات :

1- طلعت لك قرض ياكل راتبك.. قلت الموت مع الجماعه رحمه وسلمته في يد واحد ممكن ان عمرك ماشفته وضحك عليك يامضحكه ..

2- طلعت قرض وقلت فلوسي انا اولا بها وشغلتها في الاسهم وأفلحت بقدرت قادر ..

3- طلعت قرض وفتحت لك مشروع على قد الحال ..

4- الزيت دراهمك ..وقلت ياروح مابعدك روح ..

السؤال الثاني :ماشي بسيارتك في امان الله ومعك كوب شاهي بالحبق .. وفجأه يقتحم عليك سفيه يحتك السياره من الصدام للصدام .. وينكب الشاهي عليك وتتشعوط محاشمك الله المستعان . كيف تتصرف ؟

الخيارات :

1 - تنزل وتقوله سلامات .. حديد في حديد ولله الحمد ..

2- تنزل وتصيح عليه ( اشبك انت ماتشوف ؟؟!!) وتنتظر المرور يجي يعطيك ورقة اصلاح وتسامحه ..

3- تنزل وانت مخنفر .. وتروح له وتدفه ( ياخي انت اعمى . الشرهه ماهي عليك على اللي يعطي بزران سياره ) وتنتظر المرور ولاتسامحه .

4- بدون مقدمات .. تشتل اقرب شي تطوله يدك ( صميل .. معيره .. مفك عجل .. عقال ( .. وتروح تفتح باب سيارته وتدهفه بكل ما اوتيت من بشاعه وعنفوان .. حتى يتدخل اي واحد ..وتشغل سيارتك وتروح تشتكيه في المرور وتبهته وتقول انه صدمك وشرد .

السؤال الثالث

واقف عند الصراف بسيارتك صلاة الظهر وقد احترق جلدك الأعلى من الشموس طول يومك وأنت تعوم ..والسرا طويل ..وفجأة يجي واحد ويوقف سيارته على جنب وينزل منها ويروح على رجليه للصراف يبغى يصرف .. وهو يطالع فيك بإبتسامه طحلبية المعالم ..ومبسوط لأن اللي واقف قدامك سمحله ..

الخيارات :

1- تبادله الابتسامه .. وتسمح له انه يجي قبلك ؟

2- تدق بوري وتأشر بيدك ( حرام عليك ياخي ) ..وتكتفي بالاعتراض هذا ..

3- تعلق على البوري ..وتغسل اللي قدامك وتبين انه ماله حق يخليه يصرف ....

4- تستخدم نفس الأدوات اللي عالجت بها موقفك في الحادث مع إضافة بسيطة وهي إن تصك برأسه في جهاز الصرف .. بعد أن تصك برأسه على كبوت الأخ المحترم اللي قدامك ... وتسحب قبل الاثنين ..

السؤال الرابع ..

استأجرت سيارة ..وفي اليوم اللي انت بتسلمها فيه .. رحت تعبي بنزين وقلت للهندي عب بخمسه ريال .. وبعد شويه جاك الهندي وهو يبتسم نفس ابتسامة الاخ راعي الصراف وقالك ( معلس صديق انا في يعبي فلل !!!( ..

الخيارات :

1 - تقول ياخي انا قلتلك خمسه ليه تعبي فلل ؟؟ .. وتعطيه حسابه وتمشي ..

2 - تخنفر وتنزل من السياره وتنادي مدير المحطة اللي هو اخو البنقالي الكبير .. وتشتكي ويتأسفون منك .. وتحاسب وتمشي .

3 - تعطيه عشره ريال وتقوله ما معك غيرها ..وتشغل سيارتك وتتوكل على الله ..

4- تنزل من السياره وتجيب لي تمحط فيه ظهر البنقالي .. وبعدين تخليه يشفط البنزين اللي عباه ... وبعد ما ينقطع نفسه .. ويشفط نص التانكي .. تشغل سيارتك .. ولا يشوف ريال .. حتى الخمسه ..

.السؤال الخامس

ماشي في السوق انت وعوالك وفي أمان الله يطمر عليك مصري ويتفلسف عليك ) بص طال عمرك إحنا شركة سياحة وانت فزت معنا بتزكرة لشرم الشيخ طال عمرك وعاوزينك تحضر حفلة تسليم الجوايز بس حا تدفع خمسين ريال إجار الطاولة والمشروبات ..طال عمرك (

الخيارات :

1- تقوله الله يبارك فيك وتعطيه الخمسين وتاخذ العنوان... وانت فرحان بالجايزه.

2- تسأله وش شركتهم وتقوله بأدفع بس هناك ... وتروح تتأكد .

3- تعرف انه نصاب وتعتذر منه بشكل لبق .

4- تسكه مع كرفتته وتقوله ) عاوز تضحك عليه طال عمرك ,, مش حسيبك حتى تندر عيونك طال عمرك ,, أنا حاصهر بك إمقدران طال عمرك ) ثم تعمل هلليله في السوق وتزهم الشرطه يلقون القبض عليه .. طال عمرك .

السؤال السادس :

مجلسك لك فتره ما رممته وجا في بالك تغيير بويته وضهره بالألوان الزاهياتي .. جبت لك عامل واخترت لون هادي وقالك اجيب البويه والفرشه على حسابي ... وجيت بعد ما أشتغل لقيته صابغ المجلس لون حمبضاضي كأنك داخل غرفة عمليات لاهو حول اللون اللي اخترته ولا حواليه ,,

الخيارات :

1- تزعل من العامل وتطرده وتجيب عامل ثاني

2- تقول كفايه خساير وتحاسب العامل وانت بك عمس الدنيا

3- تخلي العامل يدهن المجلس من جديد أو تروح لكفيلة وتوضح له المشكله .

4- ترفض في الأساس انه يشتري كل شي على حسابه ولا تهبله ريال حتى يسوي الشغله على منت ميد .

=============================

اجمع النقاط بالطريقه التالية لا هنت
الإجابة رقم 1 تحسب بنقطه

الإجابة رقم إثنين تحسب بنقطتين

الإجابة رقم ثلاثة تحسب بثلاث نقاط

الإجابة رقم أربعة تحسب بأربع نقاط

الإجابة رقم خمسه خمس نقاط

النتايج
ــــــــــــــــــــــــــــــ ـــــــــــــــــ
(( أنت فاغر ))

إذا كانت نقاطك تفرفر بين الأربعه والسته فاسمحلي أقول فضح الله العدو وقسم ان موتك ستر .. ... كنت أبغى انصحك .. لكن ما أظن ينفع <--- تحطيم

ــــــــــــــــــــــــــــــ ـــــــــــــــــ
)) نظر في وضعك ... المشكى إلى الله ((

إذا أخذت من 7 نقاط إلى 11 نقطه فوضعك ما يطمن ... مرة لازي ومرة فاغر ... يبغالك شوية ترصيص .. واذا معك كهله خلها تدعي لك ارب الله وينفع بها ..

ــــــــــــــــــــــــــــــ ـــــــــــــــ
)) لازي جدا .. ما تخرش الميه ((

من 12 إلى 16 .. انت لازي ... وتكله ... اسعد الله وان أهل الجنوب مثلك قسم لا ضحك عليه معجب وربعه .. المشكى لله ,,, تصلح تشتغل في المقاولات وفي طردت العمال وفي شراء الذبايح

@ نــفــداكــم لا أحــد يــزعــل @[/grade]