شبكة قحطان - مجالس قحطان - منتديات قحطان - ابن شايق وابن هضبان وابن بزيع محاورتين ولا اروع

السلام عليكم ورحمة الله وبركاته يالربع هذي محاورتين لابن شايق مع ابن بزيع الحربي وابن هضبان وحبيت انقلها لكم وهي كما يلي :/

سعد بن بزيع الربيقي الحربي

و

عبدالله بن شايق القحطاني

ســــــــــعــــــــــدبـــــــــن بــــزيـــــع
هلايامرحباا ترحيبـة مـن خاطـر منقـاد *** يقولون الحروب بحفل حرب طوال الايماني
يقولون العرب من لا قدم للصيد ما يصطـاد *** عليه من حزامي ما يروح الذيب سرحانـي
******
عـــــــــبــــــــــداللهبــــــــن شــــايـــــق
يدوم إبك البقا يازينها فرصها علـى ميعـاد *** ونعم بحرب والفزعة عيال العود قحطانـي
قبل كلمتك هذي ميـز المصـدار والميـراد *** أنا ما أتعب على شانك ولا تتعب على شاني
******
ســــــــــعــــــــــدبـــــــــن بــــزيـــــع
تقدم ياقحطاني واشرب الدلـة مـع البـراد *** نطش إلك الشبب تستاهله من غير حقرانـي
لا كن إلى التويت نحط في رجلك ويدك قياد *** قيادٍ ما يحلونه هل المعـزى ولا الضانـي
******
عـــــــــبــــــــــداللهبــــــــن شــــايـــــق
أنا ماني بمستغرب كرمكم في بيوت أجـواد *** وأنا ما أدخل بيوتٍ مالها دعـوة وبيبانـي
كفانا الله شرك ليه يـا عنتـر ولـد شـداد*** أقول إنك كفو وأبشر برمح وسيف وحصاني
******
ســــــــــعــــــــــدبـــــــــن بــــزيـــــع
أنا جتني علومٍ منك تغضب خاطـر النشـاد *** تطري لك علوم وتحسب إن العلـم يخفانـي
وحنا حرب نفتك الضعن غصبٍ على الحساد *** بيارقنا تصبح بالحصي من قـد رضوانـي
******
عـــــــــبــــــــــداللهبــــــــن شــــايـــــق
مطوعنا هداه الله ولا مصحـف ولا سجـاد*** وأنا خابرك يالحربي عليه العـام زعلانـي
لو أنك جيتنا يم الحصي ماصار لك معـواد *** كلاك الذيب الاسحم مثل أخوك فلان وفلاني
******
ســــــــــعــــــــــدبـــــــــن بــــزيـــــع
خطب فيكم بعيدٍ يختلف عن سايـر الأعيـاد *** وطير له شرارة وأصبحت بالعـود دخانـي
وصلناكم وجينا وأحمد الله والليـال إجـداد*** وأخويه ما تمره لين تدفـع سايـر العانـي
******
عـــــــــبــــــــــداللهبــــــــن شــــايـــــق
أنا مالي ومال الناس لي وقفة وقدح أزنـاد *** أطفي نار أولع نار من زنـدي وصوانـي
ليا لاحت بروقٍ بالشمال وجـا لهـا رعـاد *** تحدى سهيل خل الجدي عنـك ولا تحدانـي
******
ســــــــــعــــــــــدبـــــــــن بــــزيـــــع
أنا ما أقول فيك قصور يا رايد مع الـرواد*** وشرهتنا تمثنا اللـي لهـم بالعلـم ميزانـي
معي طب أعربي وأنا الطبيب الكاوي الفصاد *** أنا مسلم مع المسلـم وللشيطـان شيطانـي
******
عـــــــــبــــــــــداللهبــــــــن شــــايـــــق
أنا ما أخون رجل لي معه عشره وملح وزاد *** وأقول الحر الأشقر ما يطير بدون جنحانـي
يا طيبك يا طبيبٍ تبري أكباد وتعـل أكبـاد *** وأنا مسلم على هدي النبي ما ني بنصرانـي

__________________________________________________ _____________________________________

المحآورة في بيشة في أحد المنآسبآت لقبيلة (( شهران ))

\

عبدالله بن شايق :

عقب راح الليل كله وش بقى وش عاد باقي *** والله إن ماني بـداري ياجماعـه علمونـي
مملكتنا ما حكم فيهـا اليمانـي والعراقـي *** آتكلم باللسـان وقدوتـي نظـرة عيونـي

سعيد بن هضبان :

مرحبا بك بين ربعك والسواقـي ماتساقـي *** ليلنا بدري وقدر الضيف باقي في الصحوني
الجبل لاطال فوق السهل ما يرقـاه راقـي *** والبعيـد إنكلمـه بجهـاز وإلا تيليفونـي

ابن شــــايق :

يا حلو يا حلو ساعات المواصل والتلاقـي *** انت يالصاحب تمون وصاحبك مثلك يموني
ياعربنا ياعرب لا عاد تطـرون الفراقـي *** الله اللي يعلـم النيـات والكايـد يهونـي

ابن هضبان :

ان طرحنا المر قال المـر طعمـه مايذاقـي *** وان طرحنا التمر بعض الناس ماعنده سنوني
سم بالرحمـن والا قلـت يخطفـك البراقـي ***لو هبيت الأنس فوق الجن ما جنت جنونـي

ابن شايق :

لا تذكرني زمان فـات يـزداد اشتياقـي *** والله انا مانبي شهران غيرك يزعلونـي
يا جملنا يا جملنا شلت حملٍ مـا يطاقـي *** خل ربعي يضحكون وخل ربعك يضحكوني

ابن هضبان :

يا عبدالله لو تطيح الروس بتطيح الطواقي *** من هو اللي ينطح العالي وهو ماله قروني
جيتنا زايـر فوسعنـا مياديـن السباقـي *** قبلكم شهران وشيوخ البـلاد يرحبونـي

ابن شايق :

يعلم الله ما نبي ضرب الخناجر والسناقـي *** وان غصبنا الامر مكنا المضارب والطعوني
اثرك تحب الرياضه جسمك الليـن لياقـي **** تلعبون وغيركم في نجـد نـاس يلعبونـي

ابن هضبان :

ياعبدالله من هو اللي قال لك فـك البناقـي *** وحدوك اللي معـك........................
لا تريق البحر الاحمر لو تريقه ما يحاقـي *** خل غيرك في الشواطي يسبحون ويشربوني

ابن شايق :

أبك انا ربعي حزامي في اللقا ياطاق طاقـي *** انت ناقص عقب ذي الكلمه وربعك يكرموني
احتراقك زاد فـي كبـدك ولا زاد احتراقـي *** ياعوانينا وش الاسبـاب خيبتـوا ضنونـي

ابن هضبان :

جسمك الكامل ومثله ما خذيته في شقاقي *** وانت وافي والقبيله كلهم مـا يحقرونـي
ان زعلتوا وان رضيتوا جلكم مثل الدقاقي *** يوم جيتوا في بلدنا تسرحون وتمرحوني

ابن شايق

أبك انا جسمي خشن ما يقبل الجسم الرقاقي *** ما ندور للخطـا والله وخلقـه يشهدونـي
الحوارث ما تنافق ويش عرفـك النفاقـي ** ولو رفعت السيف راسي ماتغير عن متوني

ابن هضبان :

الجحادر ما تصافق ويش علمك الصفاقي *** كحل عيونك وانا والله ماكحـل عيونـي
اسمي الشاهد وانا دايم سعيدٍ وانت شاقي *** ماحلقت الدقن مثل العالم اللي يحلقونـي

ابن شايق :

الجحادر ضربها بالسيف ياقوم الطقاقـي *** شف عيونك طالعه وانا عيوني في جفوني
المكينه تشتغل والماء يجيك مع السواقـي *** بعد بكره تظهر الاشجار وتميل الغصوني

ابن هضبان :

اخبرك ولدت حلال لا تعوق ولا تعاقـي *** لا تسوي مثل منهم يكذبون ويسرقوني
لو دريت انك ولي امرٍ عطيناك الصداقي *** صدقوني ياقبايل لـو نفيتـه صدقونـي

ابن شايق :

لا بنيت البيت بالعمدان صلح لـه رواقـي *** بس لا تلبس بشوت الغرب قاصرت الردوني
الحوارث سرحوك ورحت سارح في النياقي *** ليتهم ما سرحوك وليت ربعـك سرحونـي

ابن هضبان :

ياقصير العنق لاترعى طويلات العناقي *** عاري جنبك وانا ربعي ببشت لبسوني
صورنا كله حديد وصوركم فيه الفتاقي *** اثر كل الناس حوله يرفعون ويردموني

ابن شايق :

هقوتك فينا ضعيفه وابن شايق فيك هاقي *** هاقي انك من بني قحطان ضايق ومغبوني
ياعيال العود طاب الكيف راق الجو راقي *** شاعر الحرث بغاني وقصرت يمناه دوني

ابن هضبان :

انت منقول لهذي المنطقـه والا لحاقـي *** كبر بطنك يوم شفت اللي يعبون البطوني
عندنا لا تلبس البدله ولا تلبـس طماقـي *** مايشيل البندق الا اللي بيرقا في الحصوني

ابن شايق :

انـت وقتـك زود خناقـك ولا زود خناقـي *** انعموا تحت الملوك اللـي عليكـم يحكمونـي
اما انا ماني بضايق يوم بعض الناس ضاقـي *** لا اختلف شكلك ولونك ما اختلف شكلي ولوني

ابن هضبان :

لا كليت اللي بوسط القدر عبينا الطباقيي **** ا حضرنا والبوادي شجعوه وشجعوني
ربنا يقطع عناقك لا تعلق في عناقـي *** ذكرتني صورتك في عالم مايذكرونـي

ابن شايق :

ما وقاكم يا عيال آدم من الاقـدار واقـي *** يشهد الله ما ظلمناكم لو انكـم تظلمونـي
كفنا في خدتك واليا ألتوى ساقك بساقـي *** ما حصلك نصر لو كل الحوارث يفزعوني

وسلامتكم واعذرونا على التنسيق