الشاعر حمد بن هادي المسردي
 

ياعيال العم المعذره انا باعطيكم قصيدة الشاعر حمد بن هادي المسردي من غير مقدمة ولا قصة لها ولكن لروعة النظم فيها اردت ان اكتبها:


يعذاب الحال حل ابــه الحــلال
وانحنى عوده مثــل الخــــلال
كنها تنحى اللحم عنها السلال

حل بلحال امتحـــال وانتحـــل
كنها عود يبس من طول المحل
لين ماتت عروقـــه واضمحــــل

طول عمري كل ليل وكل يوم
اتحرى الرسايــل والعلـــــوم
في ديار جوهــا حـر وسموم

شاب راسي من غياب الخل شاب
لا تهنـى لا طعـــام ولا شـــــراب
وان بعثت الحط ماجاني جـــواب

يا نديبي قــم تجهــــز للمـــراح
فوق هاف لا عطى الارض البراح
قام يطفــح مثـــل خفاق الجناح

هاف لوري فوق ماطوره صلــيب
منوتـــا للي من محبينه غـــــريب
لي وطى الارض الجلد يقنب قنيب


وسلامتكم ياخواني والمعذره اذا كنت اخطيت في شي منها ولكن هذه على ماسمعنها وطبعا شرفني اني اشتركت معكم وهذي اول مشاركة.


اخوكم: التهامـــــي

أخوي التهامي سلمت يمينك ولعشاق حمد هادي اهدي لكم القصيدة أعلاه بصوت الشاعر رحمه الله



وهذه القصيدة كاملة

[poem=font="Simplified Arabic,4,blue,bold,normal" bkcolor="transparent" bkimage="backgrounds/39.gif" border="solid,4,indigo" type=0 line=0 align=center use=ex num="0,black"]
يا عذاب الحال
-
يا عذاب الحال حل به انحلال = كنها تلحى اللحم عنها السلال
انحنى حتى غدى مثل الخلال = حال عنه الحيل واصبح ناحلي
حل بالحال انحلال ٍ وانتحل=مثل عود ٍ يبس من طول المحل
عقب ما ماتت عروقه واضمحل=ذاوي ٍ بامحل محل ٍ ممحلي
طول صبري كل ليل وكل يوم=اتحرى للرسايل والعلوم
في ديار ٍ جوها حر وسموم=وعجها وغبارها ما ينجلي
شاب راسي من فراق الخل شاب=ما تهنا لا طعام ولا شراب
وان كتبت الخط ما جاني جواب =والخبر من صاحبي ما رد لي
طال يابن سويد صبري وانقضى=صابر ٍ كني على جمر الغضى
من هموم البال ضاق بي الفضا=مير ما يشكى على غير الولي
لابغيت اسج واسلى واستريح=فز قلبي ثم تذكرت المليح
صاحب قلبي على شانه جريح=مخطر اني من هواه استهبلي
من نديبي فوق مامون الحديد= سايقه مطنوخ والموتر جديد
يوصل المكتوب قدام البريد=حيث خطي جاهز مستعجلي
يا نديبي قم تجهز للمراح=فوق هاف ٍ لا عطا ا لارض البراح
قام يكفح مثل خفاق الجناح=لا نهض من راس رجم ٍ معتلي
هاف لوري فوق ماطوره صليب=منوة اللي عن هوى باله غريب
لا عطى الحزم الجلد يقنب قنيب=نوع ماطوره ثمان سرندلي
من ديار البعد يمشي في السحر=بالغلس قدام ينباج السفر
والضحى متعدي ٍ دولة قطر=داخل ٍ سلوى ورقمه يجهلي
لوحته مجهولة ٍ من غير زور=سقطوا رقمه بابوظبي المرور
حين سافر واسمحو له بالعبور=ضامنينه من جميع المشكلي
ضامنينه من جميع اي اعتراض=لين يدخل نجد واطراف الرياض
وامرهم نافذ ولا فيه انتقاض=ما عدا الجمرك لزوم ٍ يحصلي
ثم يسافر عقب تركيب النمر=مثل زاروق معا غبة بحر
يجعل الوادي على دربه ممر=ناصي ٍ تثليث والمخرج ملي
صار له يوم استوى الخط اهتواش=واعجب السواق بالسرعة وشاش
مانوى الوقفة يكون بحزم جاش=صامل ٍ في نيته ومصملي
ديرة فيها بني عمي ومن=لا طروا للقلب في الخوف ارجهن
درعي الضافي على طول الزمن=لا سقى الله موطن ٍ منهم خلي
المساردة الذي حرا بهم=في اللقا لازم لزوم يهابهم
ما تحديت الصعاب الا بهم=وفي حميا غيرهم لا شف لي
صيتهم فيما مضى بان وظهر=وانتشر بين القبائل واشتهر
ربعي اللي ما يهابون الخطر=يوم نيران الحرايب تشعلي
ربعي اللي للعدا سم ٍ ذحاح=فزعة المضيوم لا صاح الصياح
بالسيوف المرهفات وبالرماح=ضربهم مثل القضاء المنزلي
بالجهل يوم العصور الماضيات=والسهوم الواردة متخالفات
لاقبلوا فوق الخيول الصافنات=ارجفت سبع الاراضي تزلزلي
كم عقيد ٍ من جواده نزلوه=بالوطا جفه وراسه طيروه
مايعرف الخوف لكن ذللوه=ربعي اللي يلطمون العايلي
يشهد الله والخلايق شاهدين=ويشهد التاريخ من طول السنين
اعقل العقال واجهل جاهلين=ضد منهو ضدهم سيجهلي
-
حمد هادي المسردي[/poem]

السلام عليكم ورحمة الله وبركاته0
 

اخووووووك

هــــــــــــــــ نجـــد ـــــاوي

شكرللمسردي
 

بيض الله وجهك وجمل الله حالك على القصيده اللي صححتها يالمسردي ولا هنت على الزياره
بن عمك : التهامــــي

رد : الشاعر حمد بن هادي المسردي
 

تسلموووووووووووووووووووون والله أنها أفضل قصيدة سمعتها

ولا بعد بألقاء حمد هادي لها طعم خاااااااااااااااااااااااااااص ,,,

رد : الشاعر حمد بن هادي المسردي
 

يعطيك العافيه أخوي على هذا الطرح

بارك الله فيك

تقبل تحياتي

رد : الشاعر حمد بن هادي المسردي
 

الله يرحمك يابن هادي

ولاهانوا الاخوان على اتحافنا بالقصيد الرايع

رد : الشاعر حمد بن هادي المسردي
 

رد : الشاعر حمد بن هادي المسردي
 

بيض الله وجهك يا المسردي والتهامي لاهنتوا مع تحياتي
العيافي