محاورة الغربه
 

السلام عليكم
إليكم المحاوره

👇مبارك بن حاضر
يا ناصر ابن حسين وش علم اللحم
مدري حلال لحومهم و الا حرام
قالوا لقيتوا عندهم بن و شحم
مدري لقيتوا عندهم و الا كلام
ناصر👇
نيتك يامبارك بياض ن من فحم
والظاهر مانته على حسب المرام
واللحم قد روح به الذئب القحم
مالي هواء فالغصن واسراب الحمام
مبارك👇
ترا النوايا مالها لون و طعم /
استغفر الله من خفافيش الظلام .
انا هنا واقف على ساق و قدم /
و الا انت جالس لك على ريش النعام
ناصر👇
حنانعرف السمر من حمر النعم
مانت بحمامه تسكن البيت الحرام
الذئب صار بدم يوسف متهم
الحق صلاتك ثم تابع للإمام
مبارك👇
ياصاحبي حنا لبيت الله خدم /
في كل يوم و كل شهر و كل عام ،
الذيب لا هرول ما هرول من عدم /
بس انت لا تترك صلاتك و الصيام
ناصر👇
معلم الأجيال داوم ما احتزم
الله يعزك باليمامة و السلام
ما يستوي المعنى على بني وهدم
يا مسهر الألحان خلق الله نيام
مبارك👇
قم للملعم ثم أجب حاضر و سم
لا تخطي التعبير يا هذا الغلام
لاتطوّل المقعاد فـ بلاد العجم
حنا ترانا فاقدينك و الختام

ناصر👇
ياكبرها ياعبرها يا محترم
لكن مشيها على حسب النظام
امثل بلادي على رؤوس القمم
ويمثل ربوعي مقالي والمقام