نخووووووووووة سجين
 

هذه القصيده تعبر عن قصه عايشتها على الواقع وترجمتها إلى قصيده
وتم نشرها ضمن اصداري الثاني عشر من سلسلة صوت وصدى بعنوان نخوة سجين
الا ان احد المستشعرين قال عنها انها قصيده غير متكاملة الشروط من حيث الوزن والقافيه
على حد قوله
وها انا اضعها بين ايديكم وللجميع حرية النقد البناء ان وجد وسوف اتقبله بكل صدر رحب

ملاحظه كان بامكاني ان اكتفي بقافية العجز من البيت لكي اتوسع في المعنى
ولكن لكونها قصيده انشاديه كان لا بد من الارتباط بالقافيه في الصدر والعجز




[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
في سجن ظهران زرت اخوي ابن كدمه=وانا وهادي سعود بحسبة اخواني
جينا زياره ومعنا بالرضاع امه= في قلبها شوق مدري هم وحزاني
وساعة وقف قامت اتناديه وتضمه= من زود حب الضنا في قلبها الحاني
ومن زود شوقه يون وقال يايمه=انا على شوفتك بالحيل ولهاني
وقامت تنوح العجوز وسلهمت يمه=ودموعها كنها همال وداني
صاحت وناحت وزادت بالبكا همه=ويقول يامه كفاني هم واحزاني
ثم انكسر ناضره من همه وغمه=بين الرجاء ولأمل والياس حيراني
ثم وقف رضا(ن)لها تواضع وحشمه=وقبل يديها ودمعه فوق الاوجاني
ثم التفت يمها في خاطره كلمه=واقفا موادع وهو مكسور جنحاني
ثم كبله حارسه بالقيد واختَمه=وامه تنادي بلهفة شوق واشجاني
ونت وناحت عليه ونادته بسمه=وقفا موادع وهو راضي وزعلاني
وحملني امانة(ن) تبرا بها الذمه=قال انت ياخوي في ذمتك ورعاني
ورحت اتفقد عياله ثم لقيت امه=والحزن في صوتها المشحوب ينباني
ثم صار لي موقف الا صارت مطمه=من موقف صار واحزني وبكاني
جوني عياله وكل(ن) من ملى فمه= يقول باتبا سنين طوال ماجاني
وانا اشهد(ن) كل حي يحن له دمه=من بعد هذا حصل لي موقف ثاني
جتني فتاة(ن) خطاها تمشي بهمه=ثم اعثرت وانثنت قدام تنصاني
وعن راسها فرعت ثم طشت اللثمه=وتطيح وتقوم مضيومه وتنخاني
قلت ابشري والعسر والله ما همه=الظاهر ان القدر للموت وداني
قالت ياعم اين ابوي اللي ولد عمه= غرامه ابوي ابن عمه وهو الجاني
اشكي عليك الزمن ياعم من ظلمه = خالاني اعيش في حيره وحرماني
ياعم تكفا تلف الشمل وتلمه=ابغاك تفزع وتنخا قاصي وداني
قلت الردي جعلها تبكي عليه امه=ونتي نخيتي وانا بانخا كحيلاني
بانخا ابن فرثان صقر وكره القمه=وانخاه بسمي وبسم شيوخ قحطاني
وادخل على ربنا اللي يكشف الغمه=وادخل على هادي ابن معيض لاهاني
وانا دخيل الحضن والبيت والذمه=وادخل على الحي واللي وسط الاكفاني
يامارد(ن) للظوامي صافي(ن) جمه=واللي ورد له ما صدر منه ضمياني
الحكم لله وحكمك بيدك وسمه=لرضاك ما ننكره لو كان ماكاني
والعاقل اليا بلاه الله كبر حلمه=يهون الكايده ياوجه سنحاني[/poem]

رد : نخووووووووووة سجين
 

بيض الله وجهك


وصح الله لسانك


والله أنها قصيده جزله ووافيه ومعبره وما عليها كلام واللي يقول غير كذا بيظلم نفسه

رد : نخووووووووووة سجين
 

رد : نخووووووووووة سجين
 

أنت أستاذ للشعر


ودكتور للكلمة والمعنى


ووكيل معتمد جداً للجزاله والقوة


فالف شكر لك على هذه الرائعه والشامخه كشموخ شاعرها


صح لسانك ياسعيد وبيض الله وجهك

رد : نخووووووووووة سجين
 

الأخ الشاعر الكبير سعيد بوديه


صح لسانك وبيض الله وجهك


وانت شاعر كبير وغني عن التعريف


ومبدع في مجال النظم والمحاوره


ولا احد يشكك في شاعرية شاعر بحجمك


ولو حصل إختلاف في وجهات النظر فهذا بدون شك لايفسد للود قضيه


والكمال لله


وانا ارسلت لك على الخاص رابط موضوع اريد رايك فيه لاعدمتك


ولك تحياتي

رد : نخووووووووووة سجين
 

رد : نخووووووووووة سجين
 

رد : نخووووووووووة سجين
 

أرحب ياكحيلان

وصح لسانك وعلا شانك والقصيده وافيه وراعيها وافي ولا يجي منك يابو عبدالهادي إلا العلم الغانم

والمستشعر هذا اللي ينقد قصيدك يبيله وزن وإذا ماصلح نكويه كية عند ربي خبرها

تقبل تحياتي وتقديري

رد : نخووووووووووة سجين
 

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
إذا أتتك مذمتي من ناقص = فهي الشهادة لي بأني كامل[/poem]

رد : نخووووووووووة سجين
 

ابو عبدالهادي




صح لسانك مليون





وانت شاعر غني عن التعريف





وقصيدك جزل وانت شاعر من الوزن الثقيل



وقصيدتك هذه تستحق عليها الوسام





وتقبل تحيات اخوك ابوسعد