ورجلٍ .. يموت ولا يجيبون طاريـه .....ورجل ٍ .. يجي طاريه في كل حـزه
 

[poem=font="Simplified Arabic,4,black,normal,normal" bkcolor="transparent" bkimage="backgrounds/31.gif" border="none,4,gray" type=0 line=0 align=center use=ex num="0,black"]
يا كثرهم .. لا قلت لك .. عرفة وجيه =ويا قلهم .. لا قلت .. قـدر ومعـزه

رجلٍ .. تعزه بعد ما تلتقـي .. فيـه =ورجلٍ .. قبل ما تلتقي بـه .. تعـزه

ورجلٍ .. تـرزه بالمجالـس مباديـه =ورجلٍ .. فلوسـه بالمجالـس تـرزه

ورجلٍ .. يموت ولا يجيبون طاريـه =ورجل ٍ .. يجي طاريه في كل حـزه

ورجلٍ يهزه .. بعض موقف ويشقيـه =ورجلٍ .. مهوب أيّات موقـف يهـزه

ورجلٍ .. ضعيف .. ويستفزه معاديه =ورجلٍ .. كلام اعداه .. مـا يستفـزه

ورجلٍ .. تلزه يعترف لك .. بخافيـه =ورجلٍ .. على خافيه .. محـدٍ يلـزه

ورجلٍ .. يوزّونه .. ويزعل بنيخيـه =ورجلٍ .. يزعّل من يحاول .. يـوزه

ورجلٍ .. تكزه لا زم انك .. توصيه =ورجلٍ .. بليّا مـا توصيـه .. كـزه

من لا فرش .. للمرجله .. ما تغطيـه =ومن لا يخز .. الناس .. محدٍ يخـزه

ان كنت تعرفني فهي .. عرفة وجيـه =مو شرط لك بالقلب قـدر .. ومعـزه [/poem]

القصيده للشاعـر/ خلـف المشعـان

الصراحة حقاُ ابداع , مبدع يا خلف المشعان

شكراُ لمن جاب طريه

اخوك البشري

السيف النا درررررررررررررر

تسلم يمينك يا كحيلان دائما وعلومك جزله


وصح اللسان الشاعر خلف المشعان

تقبل تحيا ت اخيك

صح بدن الشاعر وتسلم يد الناقل

ياسلام عليك يالسيف النادر

سلمت اخوي علي الابياات الرووعه فعلا



وصح لسان قايلها



ونتمنى التووفيق للجميع


اخوك المقبااس

بشر بن حرب

لا هنت على مرورك ومشاركتك

لا عدمتك

اخوك / السيف النادر

هاوي نجــــد

الله يبقيك ، ولا هنت على المرور والمشاركة

لا عدمتك

اخوك / السيف النادر

ملحف الرفيدي

شرفني مرورك والمشاااركة

لا عدمتك

تقبل تحياات
اخوك
السيف النادر

شكرا يالعلي على مرورك ومشاركتك

لا عدمتك

تقبل تحياات
اخوك
السيف النادر