وقعـــه بين المشاعله الجحادر و ال مره يام
السلام عليكم ورحمة الله وبركاته
مساكم الله با الخير اعضاء مجالس قحطان وانقل لكم اليوم قصة المشاعله وال مره كانوا المشاعله بقيادة الشيخ تركي بن مانع بن حسون مربعين فى اعلو نجد فى (جفرة الفواد) ويوم اصبح عليهم الصبح الا والصايح يصيح كانو ال مرة يريدون الغزو على المشاعله لكسب ابلهم (والمعروف ان المشاعله من دون ابلهم ويكفيهم شهادهـ الموحد الملكـ عبدالعزيز حيث يقول بديدتين من قبيلتين ماتاخذ ابلهم ومنه المشاعـــه من قحطـــان رغم ان المشاعله في نجد مع عتيبه والدواسر وسبيع وفي الجنوب يــام وشهران) وكانوا ال مرهـ بقيادة الشيخ طالب بن جهيم الجابر مصبحينهم وقامت المعركة وتخالف المشاعله وال مره ضربتين وقتل (ريمان) عايض ابن سالم ابن حسون الشيخ بن جهيم وانهزم ال مره في تلكـ المعركهـ وقال احد شعار المشاعله جانا على عوص النضـا مريـه ... متنايسـيـن وســع الأزوارى يبغون حلايبنا مـورث جدودنـا ... وبعنا عليهـم بيعـة النصـارى لكن جنايزهـم بوسـط بيوتنـا ... هشيـم سمـر لايفـة معصـارا هذا لعيون اللي طفوح من إبلنـا... عثـو السنـام ونسـع الفقـارا وهذا لعيون اللي رمت بقناعهـا... وتقول يا مغنـي مـن الحقـارا ولا هنت يا غمر رمى ابن جهيم ... يستاهـل اللـي قنـدت ببهـارا يا جعل يمينه ما تجيها البندق ... ويا الله عساها للحـرم تـزدارا ا وكذلك به قصيده لأم ابن جهيم عندما راحت تحج هي وأبوه وكانوا ناس من الجماعة حاجين فعرفت وسم المشاعلة جاتهم تنشد وتقول بشروني ابن جهيم عساه مات من أول طلقة ما أبطى لكي لايتعذب قالوا لها مات على طول غنت تقول يا ونتي ونـت ام حـوار ... لا ماحت الليـل ظاويهـا يا ليتني ما وطيت الـدار ... ما عاد ترجـع براعيهـا لا جيتوا البيت يا خطـار ... لا المرجلة فيه حاسيهـا شتاه يركب فوق قب مهار ... وفي القظ في الظل يذريها وسلامتكم والله مادري هالقصه قد نزلت من قبل في المنتدى لاكن اعذورنا يالربع ان كان حصل منا قصور ونوعدكم بالجديد تحياتي / المشعلي |
رد : المشاعله الجحادر و ال مره يام
ونعم في المشاعله الجحادر و ال مره يام
موضوعك رائع وبداية موفقة ان شاء الله |
رد : المشاعله الجحادر و ال مره يام
ارحب يالمشعلي حيه وحي ماجاب لاتستصغر شي يمكن معلومه صغيره ولاكنه ددر ذهبيه من تاريخنا الذهبي
ولايردك خا انها مكرره مجالسنا عليها مراقبين ومشرفين ويعرفون ذلك لاهنت يالذيب00000000 |
رد : المشاعله الجحادر و ال مره يام
موضوع تشكر عليه
وكفو بربعنا المشاعله اشكرك اقتباس:
لم اطلعت عليها هنا من قبل واعتقد لو كانت نزل من قبل كان شفناها طلعت في الكتب الحديثة |
رد : المشاعله الجحادر و ال مره يام
والله وسبع انعام يالاد لبن مشعل
وفعولكم فخر لكل اقحطاني لاهنت يالمشعلي |
رد : المشاعله الجحادر و ال مره يام
أرحب يا المشعلي ..
والله مليون نعم بصبيان المشاعلة .. بيّض الله وجهك على الطرح الوافي .. |
رد : المشاعله الجحادر و ال مره يام
المشعلي لاهنت ونعم بربعك المشاعله وابن حسون شيخته على ساس والمشاعله عرفوا من بد قبايل قحطان بالدلاله في الديار شي تفردوا به ورجال هل حرب ونعم بهم
|
رد : المشاعله الجحادر و ال مره يام
اقتباس:
مرحب باقي ياوجه الجحادر الله لايهينكـ على المرور وابيض وجه نفداكـ |
رد : المشاعله الجحادر و ال مره يام
اقتباس:
لاهنت على المرور المشرف وماعليكـ زود انت وربعكـ |
رد : المشاعله الجحادر و ال مره يام
اقتباس:
ارحـــب لاهنت على المرور وماعليكم زود ياربعنا |
الساعة الآن 04:58 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com