الخنافر خيالة البلها
 

بسم الله الرحمن الرحيم
هذه القصيده للاخ/ دراج بن عبدالرحمن بن سلطان بن سفران
[poem=font="Simplified Arabic,5,black,normal,normal" bkcolor="white" bkimage="" border="double,9,sienna" type=1 line=1 align=center use=ex num="0,black"]
ياناشد اخذ العلم سنن وعنا=خل الدعاوي مع هروج المسافيه
اكبر دليلن نكده لك وعنا =لامننا الباشا ولا مننا البيه
ولا ما كسبنا عزنا من نسبنا= يوم ان بعض الخلق هذي مباديه
تاريخنا في نجد صلنا وجلنا= واشكل عقيد بالهنادي نوطيه
فينا رجال بالسيوف اتثنا=لاجا نهار ضايعات هقاويه
تارد على احياض الدرك ما تونا=خنافرن تاريخهم ماجهل فيه
خيالة البلها على من تجنا = لا سمعها شيخ تذله عزاويه
تندا يمانينا ليا من وردنا=يوم ان ولد اللاش عمته تغنيه
ولا ثار دخان الرمك واستجنا=عزي لمن حنا بحق نداعيه
حريبنا يجزع ليا من ذكرنا= مايهتنيه النوم والموت قافيه
كم شول قوم ناخذه مع ظعنا=من شيخ قومن كابرات مناويه
ولا كبرت القاله على من تعنا=وبانت من الشده عليها مواريه
يا سعد عينه كان حظه زبنا=تنحل لو هي عاثرات دعاويه
وقت الجهل والخوف حنا ومنا=بامان ربي والسيوف المناويه
واليوم في نجد المسمى وطنا=نمشي بها جول من الهيه للهيه
غصب على العدوان حنا سكنا=ماهوب مشرن يفرق اريال وجنيه
لو كان عنتر لاحقن ما لحقنا= ايطيح من مبدا الشجاعه تعلويه
وما اقول لك حنا وحنا وحنا=لا شك هذي للملاقيف تنبيه[/poem]

ارحب يا بن سفران ارحب


الله يحييك


وصحت يمناك على النقل

وصح لسان قايلها



ولاهنت يالغالي

كفو كفو كفوووووو انا اشهد لا هنت يابن سفران كفيت وفيت ياكحيلان وصح لسان القايل ممكن سؤال كيف انسخها في انتظار الرد

ارحب يا ابن سفران


وصح الله لسانك ولسان شاعرها
وكفووو والله يالخنافر افعالكم وتاريخهم محدن يجحده


تحياتي لشخصك الكريم
محمد العجرشي

السلام عليكم ورحمة الله وبركاته
فتى الجوه:
تسلم
وصح الله بدنك يالذيب
ولا هنت على المرور
الكاش:
تسلم وما عليك زود يالذيب
والله مااعرف طريقة النسخ
وممكن احد الاخوان الموجودين يفيدنا فيها
ولا هنت على المرور
محمد بن جفين:

تسلم
وصح الله بدنك
وما عليك زود يالذيب
ولا هنت على المرور

ارحب يابن سفران مليون وكففففففففففففو وصح لسانك ولسان الشاعر وقصيده جزله وفي محلها

ارحب يا ابن سفران ملايييييييييين
ولاهنت يا الذيب ولاعدمناك
وصح لسان الشاعر دراج ويعطيه العافيه..

طريقة النسخ اعتقد تسوي اقتباس بالرد وثم تنسخ ....

اررحب ارررحب وهم اررررحب يا شيخ الخنااافر وصح لسااانك

وكفوووووو وكفووووووو يا شيخنا وتراني خنفري يا بن سفراان

وكفيت ووفيت ويعطيك العاافيه ومشكوووور وما قصرت


مع تحيااات ابن عمك

ونعم وستين نعم



صح لسانك وما قصرت

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
خيالة البلها على من تجنا = لاسمعها شيخ ٍ تذله عزاويه [/poem]