نجمة الهودان نسبه الى الهودان بني هاجر وبغض المسميات لديهم وقد تغنا الشيخ زيد بن عشق
 

اطرح بين يديكم بعض المسميات لدي قبيلة الهودان بني هاجر
1- ( نجمة الهودان )


نجمة الهودان لها وقتين في السنه. الوقت الاول: انها تطلع اول النجوم من
جهة الغرب الى حوالي بعد صلاة العشاء
وبعدها تغيب وهي في ثلث السماء وتبدء بالنزول الى ان تغيب . وكان عندما تغيب النجمه يهدفون بالابل الى المراح وبعدها
يقومون يثورون الابل وعلى هذا الحال بوقت الصيف والخريف لمدة سته شهور
الوقت الثاني : وهي تخرج وقت الاسحار الى ان ينباج الصبح. فتخرج من الشرق 6 اشهور
وهي عند طلوع النجمة وقت الاسحار يقومون يدكون بالابل ويغبشون بها على الرعي فكانوا اذا اسرحوا اهل الابل الي حولهم من القبايل
المجاوره الا هم قدهم قدامهم في مراتع الرعي
والافاده وهو( 6 شهور يثورون بها و 6 شهور يغبشون بها)
فكانت بمثابة توقيت للبدو تساعدهم على انجاز اعمالهم
ومعروفه على مستوى الجنوب ونجد على هالمسمى


وقد تمثل الشيخ زيد بن عشق بن شفلوت ال فهر بهذه القصيده وذلك لوجود الهودان بالميثب وكان يناظر نجمة الهودان
وتذكر صاحبه الشيخ ذيب بن عبود ال مسعود ال جحادر فقال هذه القصيده يسأل عنه لأنه كان مريض :


قصيدة زيد بن عشق بن شفلوت ال فهر


الله علــــــــم يانجمة الهــــــودان @ @ ياوين منزل ذيب بن عبود
إن كـان هو وجعان فأناوجعان @ @وان كـان هو بزود فانا بزود
خبريبه ليلة تفرقنا مع الخلجان @@ والعين تسهر كن فيها عود
يــــاركب من عندنا شقران @@ حر اصيل ن بالرسن مشدود
لمن اركــــــا يسرح مع الاذان@@ والعصر مع خشم القويد يحود
تلقا طوارفهم من وراء كتمان @@ مابين شوك وطلعت النفود
سلم على شيخ مع السلفان @@ اعداد ماهل المطر بــــرعود
حمايت الشرفاء من العدوان @@ ونعم بهم لزعزعو مسعود
ثم علمه انا بخشم بذقان @@ في روضة منها العدو مطرود
ذيدانا نسع لها الميدان @@ ومن دونها نسقي قناة الـــــعود
نبت الوسامي زايفن ثم زان @@ عشب جديد ومشربن قرهود


2-( ظبي الهويدي)
( ظبي الهويدي والله مايعودها من رقده )



وهذ المثل للهودان
السالفه وسبب القصه والمثل الشايع
هو كان واحد من الهودان يرعى ابله واذا به ظبي يجفل على ابله كل يوم وفي احد الايام ترصد لظبي واذا هو مرخط تحت الشجره
وقد أقترب منه الهويدي ولما قرب منه إهبده بالمشعاب هبدتن والا هو متفرقع الظبي من محله وعقب هالضربه معاد
شافه للابد ويوم رجع الى ربعه علمهم بالسالفه ولهو يقول لهم والله يالظبي مايعودها من رقده ولا عاد يجفل على ابلي
وسموه الربع اللي عنده" ظبي الهويدي والله مايعودها من رقده" وشاع هذا المثل.
وللاهميه ان هذا المثل قديم جداا قبل اكثر من 350 سنه






3-( مديد الهودان )
وهو ان الهودان يمدون اي يأخذون ماينقصهم من بر وتمر وغيرها من المناطق المجاوره لهم, فكانوا اذا عزموا على المديد
يتواعدون فالليل انهم سوف يمدون بكره انشاء الله, وينتهون على الوعد واذا أهدفت عليهم الابل في الليل وثوروها وامتلت
المواني والقدور اللي عندهم وعينو من الله كل خير, نسوا المديد وكلن غبش بابله واذا رجعوا من الرعي تذكروا المديد
قالو بكره بنمد ولا مدو وجلسوا على هالحال وقت من الزمن وهم يريدون المديد ولا مدو لانهم فالليل تهدف عليهم الابل
ويثورونها وتكفيهم عن الزاد ا او المديد فينسون المديد وأخذوا شهور وهم على هذا الحال
وهذا سبب التسميه فكانت القبايل المجاوره تردده
لوالله الا جانا مديد الهودان فسار مثل عند اهل الباديه.
أخوكم / فيصل بن فهاد

رد : نجمة الهودان نسبه الى الهودان بني هاجر وبغض المسميات لديهم وقد تغنا الشيخ زيد بن
 

ونعم وعلومكم تنومس وتسلم على ما طرحت يمناك يابن فهاد


تحياتي




تحياتي

رد : نجمة الهودان نسبه الى الهودان بني هاجر وبغض المسميات لديهم وقد تغنا الشيخ زيد بن
 

ارحب يالهاجري


وبيض الله وجهك على هالعلوم والسوالف

رد : نجمة الهودان نسبه الى الهودان بني هاجر وبغض المسميات لديهم وقد تغنا الشيخ زيد بن
 

تسلم ولاقصرت

ونعم بالهودان وبالهيازع جميع

رد : نجمة الهودان نسبه الى الهودان بني هاجر وبغض المسميات لديهم وقد تغنا الشيخ زيد بن
 

بيض الله وجهك على الطرح ..

ومليون نعم بصبيان بني هاجر ..

رد : نجمة الهودان نسبه الى الهودان بني هاجر وبغض المسميات لديهم وقد تغنا الشيخ زيد بن
 

ماعليكم زووووووود ..

وبيض الله وجييهكم وجه الناقل ..

ارررررررررررحب يافيصل تراحيب المطر ..

والله يحييك بين ربعك وبني عمك ..

بدايه طيبه من وجهٍ طيب ..

فجعل يمنآك ماتعطب على هذا الموضوع والمعلومات الطيبه ..

تقبل مروري يا القرم ..

اخوك /فلاح

رد : نجمة الهودان نسبه الى الهودان بني هاجر وبغض المسميات لديهم وقد تغنا الشيخ زيد بن
 

ارحب اخوي فيصل

والنعم فيك وفي الهودان وحسب علمي انهم من ال عميره ال محمد فياليت تذكر لنا او احد الاخوه تسلسل نسب واكون شاكر

كلام جميل ومفيد واول مره ينشر واشكرك عليه وبيض الله وجهك

والهودان لهم امثله كثيره ومنها

( حلوا عليه الهودان )

حيث يطلق هذا المثل على نازل القفر اذا نزلوا عليه الهودان

اما نجمه الهودان فهو منتشر هذا المسمى لدى بوادي قحطان وقبايل بيشه لكنه في الوقت هذا لم يعد شائع

اما القصيده فهي لعشق بن زيد بن شفلوت وليست لابيه

الله علــــــــم يانجمة الهــــــودان --------- الله علم من ذيب بن عبود
إن كـان هو وجعان فأناوجعان ------------- وان كانه بخير فنا في زود

اشكرك واعذرني على المداخله

تحياتي وتقديري

رد : نجمة الهودان نسبه الى الهودان بني هاجر وبغض المسميات لديهم وقد تغنا الشيخ زيد بن
 

ارررحب يا بومحمد ( الظور ) وبيض الله وجهك على الاظافه ..

في انتظار فيصل ليبًن لنا تسلسل نسب الهودان .. وجيه ال علي ..

تقبلوا مروري ..

رد : نجمة الهودان نسبه الى الهودان بني هاجر وبغض المسميات لديهم وقد تغنا الشيخ زيد بن
 

مانتعدى على اخوي فيصل في نسب ربعه الهودان

ولكن حسب علمي ان الهودان من ال ظمين من ال هيازع آل عميره

ومنهم الفارس المعروف سحمي ابن الكبيره رحمه الله عليه


يقول سحمي ابن الكبيره في قصيدة موجها الى ابن عمه الفارس العقيد سحمي القصاب رحمه الله عليهم جميع


يا الله يا علام نفسي ومـا بهـا -- تغفر لها لاجـا نهـار مقامهـا
في الحفـره اللـي كاتـب الهـا -- الحفـرة اللـي طايـل مقامهـا
قال الهويدي يومهيـض مثايلـه -- ما هوب عمس في بنـا ليامهـا
حلوالنشـاد الـدر مـن عريبـه -- ترعى المرابخ يوم زان قصامها
ولا يشادي حمل خاطـي جـازي -- حل الصفاري يوم زان طعامهـا
خله فيه راكب من عندنا عيد هيه -- يعجبك في فج الخـلا روجامهـا
تنصا بنا زبن المجنـي سحمـي -- بمزروج يفضا صليب عضا مها
ألا يا سمي بهدي عليك نصيحـه -- حيثك من اللـي دايـم يستامهـا
خلايكـم أيانـا يكثـر همـكـم -- وخلاينـا إياكـم زود ملامـهـا
لا تحسبـون الدائـرة عليـنـا -- لابـد يجيكـم ليلـة بغيامـهـا
عليـك ياللـي قاعـد وتخـيـل -- تغديبك الجرفـات فـي زلامهـا
فقولهـا وانــا مــن لابــه -- هـيـازع للعـصـاه كعامـهـا
لا شفت سربتهم تروج عرفتهـم -- دول نظـام والعـرب خدمـهـا
ترثت ضمين وسطهم مثل الفحل -- فد الركابا ليـن طـاح مسامهـا
نضرس بنياب واقتفـاه بهـدره -- معاد قست الشلايـلات عظامهـا

رد : نجمة الهودان نسبه الى الهودان بني هاجر وبغض المسميات لديهم وقد تغنا الشيخ زيد بن
 

ارحب يابن سراع تراحيب الامطار والله يحيك ويمناك يالقرم