&&& الصيف جا كلن يبي سجت البال&&&
 

بسم الله الرحمن الرحيم

السلام عليكم ورحمة الله وبركاته

مسااااااااء / صباااااااااح الخير للجميع

أضع بين يديكم هذه المتواضعه


[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,medium,gray" type=1 line=0 align=center use=ex num="0,black"]
الصيف جا كلٍ يبي سجت البال=وكلٍ يدور له مكانٍ يجيله
والعرس قرب مابقى عشرة ليال=عفسه على بيتين من سب ليله
البيت الأول رابطوا فيه عمال=وبيتن على راسي لزومن أشيله
يالله ياربي عسى ترحم الحال=الشغل واجد مالنا فيه حيله
أحب أكون مسافر ودوم رحال=وعندي خوين ما أدور بديله
والموتر اللي يامنه كل رجال=في شنطته عزبه وعودن وهيله
ياوجد حالي لاظهر عرق وجبال=ولا طمر في وسط وادي بسيله
والله ودي ياعرب بالتجًوال=لكن ظروف الوقت ماهي قليله
ودي أزور ديار ربعي والأخوال=اللي لفعل الجود يدن طويله
ودي اشوف ديار خلي والأطلال=بس المسافه تمنع أني أجيله
ودي بأشياءٍ كثيره ولا أحتال=والشغل واجد مالنا فيه حيله[/poem]

وسلاااااااااااااااامتكم

أخوكم / محمد بن زميع البشري

صادق

الشغل واجد ما لنا فيه حيله


صح لسانك وما قصرت

الأخ الغالي / عمر السخني

صح بدنك يالغالي ومرورك يشرفني انا بعد لاهنت على المرور.

الأخ الغالي / سعد المهداني

صح بدنك يالغالي والف شكر على المرور .... وانا احمد الله كل شي طيب بس الواحد اذا من عادته انه مايكون مربوط في شغله مهمه وبعدين فجاه يرتبط مشكله ,,, على العموم الله لايهينك على المرور وتقبل تحياتي

الاخ الغالي / الوهابي

صح بدنك ولاهنت على المرور واشكرك جزيل الشكر ,,, تقبل تحياتي

مشكور ابن زميع شاعر مبدع


والبر والجيب والهيل جاهز

تحت الطلب والوبران في الضيقه

مـــــــــــــــــــــــــــــــــــــــــــــــــ ـــــــــــــــــــــــــــــــــــــشكور

صح لسانك
 

عاشق الليل

صح بدنك يالغالي لاهنت نفداك على المرور وتقبل تحياتي وسلم لي على الربع اللي عندك

شامخ الناب

صح بدنك يالوافي ولاهنت على المرور واشكرك جزيل الشكر تقبل تحياتي

صح السانك يابن زميع

الأخ عبد المحسن

صح بدنك من كل باس ولاهنت على المرور
تحياتي