قصيدة (فراق) على البحر الهلالي
قصيدة تعبر عن نفسها مرسله لللأخ والشاعر/ سعيد الهباش بعد سفره .......وسوف تسمعون ردها قريبا ان شاء الله [poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="double,thick,darkblue" type=3 line=0 align=center use=ex num="0,black"] يالله يالمطلوب ياخير من دعي=يالّلي على خلقه جزال وهايبه اسالك الجنّة وغفران ما مضى=من ذنوب عبد(ن) كاثرات مصايبه إلى قلت زانت وانجلى الهم وانقضى=تداعت هموم داخل القلب سايبه ألا يازمان الغدر والذل والقهر=عدو الفتى يصبح من أقرب قرايبه وصديق(ن) تود رضاه وتريد رفعته=وعن الناس تخفي ما بدا من معايبه والا من نخيته صد عنّك وروّح=ولا ينفعك ليجاك من الوقت نايبه عسى عمره اليا طال تقصر حباله=وعلى قبره يرزّون ربعه نصايبه ولا اقول كلّ الناس فالطبع واحد=فلا شاب عكفان الاشانيب شايبه لكن الهموم اللي بقلبي عميقه=ولاني بداري ويش هي من سبايبه تخلّيني اجلس واكتب الشعر وانثر=على بيض صفحات الورق والكتايبه قلايل من بيوت(ن) بصدري اكنّها=توجّه لمن فعل المراجل كسايبه حكيم(ن) حليم(ن) من هل العرف والكرم=عديم الوصوف ومن عريب النسايبه وهو عزوتي ليجاء من الوقت غارة=وذرّت علينا مثل سفّ الهبايبه هذا خوي يالعذّال وشلك بعذلي=ابا امدحه وش بمدحه ما فيه خايبه ابا امدحه لنّه يستحق المديح له=وانا ابرى لربّي عن مديح بعايبه اخوي وخويّي وابن عمّي ومايلي=هو الناس في عيني بعاد وقرايبه علاج القلوب اللي من الوقت قاسيه=ولا فاد فيها الطب ولا الطبايبه تذكّرت انا ياسعيد وقت(ن) مضالنا=ياليتك تشوف الدمع والشمس غايبه اثر دمعة الفرقى فريدة من البكى=لك الله تونسها على الخد رايبه وانا ماشكيت البعد في حب مترفة=لها سجن والعشّاق منها نهايبه لكنّي شكيته فيك يالصّاحب الوفي=وشكواي في مثلك محقّه وصايبه [/poem] .................................وسلامة الجميع (واعذروني على التقصير فالممدوح اكبر من انني اكتب فيه قصيده) |
رد : قصيدة (فراق) على البحر الهلالي
اهنيك اخو الكريم >>>استمر
يعطيك العافيه |
رد : قصيدة (فراق) على البحر الهلالي
.................................................. .................................................. .................................................. ......................
|
رد : قصيدة (فراق) على البحر الهلالي
اقتباس:
|
رد : قصيدة (فراق) على البحر الهلالي
أرررحب يالهباش
ونعم فيك وفي أخوك وصح الله لسانك انت وإياه وبيض الله وجيهكم بياض الشحم على هذه المساجلة الجزلة وكم اطرب إذا سمعت هذا الطرق ...ولاهنت يالذيب |
رد : قصيدة (فراق) على البحر الهلالي
صح الله لسانك ولاهنت
طرق صعب ابدعت فيه دمت ودام ابداعك |
رد : قصيدة (فراق) على البحر الهلالي
اقتباس:
ارحب تراحيب المطر ياعامر... ماعليك زود يالقرم وبيض الله وجهك... مرورك أكبر شرف يابوسعيد... تسلم يالغالي على الاطراء الرائع كروعتك... |
رد : قصيدة (فراق) على البحر الهلالي
اقتباس:
ارحب تراحيب المطر يامحمد... صح بدنك وبيض الله وجهك.. مرور اللي مثلك وشرواك شرف يابو ناصر... |
رد : قصيدة (فراق) على البحر الهلالي
صح لسانك يافهد صح لسان اخوك سعيد في الرد عليك وونعم بكم جميعا
لا تحرموننا جديدكم وشكرا |
رد : قصيدة (فراق) على البحر الهلالي
اقتباس:
|
الساعة الآن 12:15 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com