عامر بن راضي بن ربعه ال حامد الكدادي الهاجري
دائماا ابحث عن قصيده فهو شاعر فحل وقصيده جزل
ولكنه لا يبحث عن الاعلام... من قصائده يا نفس كانك للشكاله ترومين = عليك يا نفسي بقو العزايم قال المثل اضرب على الكايد ايلين = والرزق عند اللي ينشي الغمايم لاشك هون النفس ما يقضي الدين = ساعة بعز ولا خلود الهلايم هذا وعندي للحقايق براهين = علم يخبره طيبين الذمايم زاد الحمل والعاق ممشى بليهين = سار ايتخثع بين عايق و هايم لا هم مجانينٍ ولا حن مجانين = فينا نعاره بس فيهم ظلايم نعرف نفوس الناس من نظرة العين = ونغظي عن اللي صار خوف النمايم اذا اسفهونا حن سمحنا وسنعين = واذا دعونا راسي القرم ايشايم قال العرب في مقبل الوقت بيتين = احفظ حلالك لا بدا لك لزايم شحت موارد حضنا والقهر شين = شيب بروس مقطعين الخرايم انروم للعليا ولاحن بشرهين = اليا عرضت منها عيال الهلايم شبنا نردد قولت منين ومنين = يا الله برزق منك يابا العظايم رزقي على اللي خالق ادم من الطين = تفرج لقلبٍ حطمته الحطايم ا تمنى انها نالت على اعجابكم واوعدكم بنشر قصائده الاخرى اخووكم سيف الكدادي |
رد : عامر بن راضي بن ربعه ال حامد الكدادي الهاجري
أرحب ملايين يا بو شايع ..
اشحالك واشحال شيبانك .. عساكم طيبين يا الغالي .. وبيض الله وجهك على إيراد القصة .. وصح الله لسان شاعرها .. ونطمع منك في الكثير من قصائد الكدادات .. لاهنت يا ذيبان .. أخوك/ مشاري آل نملان |
رد : عامر بن راضي بن ربعه ال حامد الكدادي الهاجري
اررررحب يابو علي
اشكرك على مرورك الطيب وبالنسبه للقصائد نزلت قصيدة (حنا بدو) في مجلس عذب الكلام اخوك |
رد : عامر بن راضي بن ربعه ال حامد الكدادي الهاجري
ارحب يا سيف
ويعطيك العافية على إيراد قصيدة الشاعر الجزل عامر بن ربعه وتستاهل سمعة |
رد : عامر بن راضي بن ربعه ال حامد الكدادي الهاجري
اقتباس:
اتمنى ان القصيده نالت على اعجابك والله لايهينك على السمعه اخوووك |
رد : عامر بن راضي بن ربعه ال حامد الكدادي الهاجري
صح لسانك والله لايهنك
تحياتي |
الساعة الآن 04:15 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com