عشق بن زيد والفهر يقلعون 38 من خيل عتيبه
بسم الله الرحمن الرحيم
كانوا الفهر نازلين في نجد وكانوا متقاصرين هم وابن لبده ومن معه من ال سعد ويوم انتهى الربيع قيضوا ابن لبده ونزلوا البطين وقد سبقوهم على البطين ال سعيدان وال سفران ومن معهم من جمايعهم ال عاطف والخنافر لكن ابن شفلوت والفهر قالوا بناخذ لنا اسبوعين ولا ثلاثه ويوم درا عزيز بن جامع هو والروسان تشاوروا بينهم قالوا نغير على الفهر ماغير هم لحالهم قحطان قيضوا الا هم نقوا لهم 46 خيال على راسهم عزيز بن جامع وغاروا على الفهر كانوا الفهر متجهزين لانهم عارفين انهم مطرفين والقوم مايعدون الا على القبيله المطرفه ولا البل المطرفه ولا البيت المطرف ويوم صبحوهم الروسان فنطحوهم الفهر صف واحد كانهم كانوا متواعدين تفاجى ابن جامع بجاهزيه عشق وربعه ولا امدى خيل الروسان ترايع الا يوم جفلوا الروسان الخيل والخياله من شده المواجهه وسدوا ظهورهم عيال ابن مفلح يقلعون ومن قلعوه منعوه واولهم شيخهم عشق ويوم لحق عشق عزيز بن جامع فقلعه من ظهر فرسه ومنعه فقال ابن جامع لاعاد تلحق ياعشق فرسك ماعاد لها حيل عاين في ذنيها عود فعود عشق ويوم رجع هو وابن جامع قد ابن جامع منيع فقامت فرس عشق وقلعي لها نصيه وكليها لقمه وحده قال عشق غشيتني ياعزيز فضحك ابن جامع يقول عشق ابن زيد ابن شفلوت الخيل ســـــت وربعين -------------------------- ماراح منها الا ثمـــان علم بها راعي البطين ---------------------------- الي تحضرا من زمان علم بها راعي البطين يقصد ابن لبده قام عشق واكرم ابن جامع والي معه من ربعه ووصلهم الى حدود عتيبه ثم قيضوا الفهر ولحقوا قحطان على البطين وقد غنموا غنيمه لاتقدر بثمن 38 من الخيل الاصايل دمتم بخير |
رد : عشق بن زيد والفهر يقلعون 38 من خيل عتيبه
اررررحب يالظور
لله درك !!! بيض الله وجهك على هذا الموضوع الجزل يا وافي ونعم بك وبالفهر وبالمذكورين في الموضوع أنت كاتب مبدع وتستحق الثناء والشكر يا كحيلان هناك رواية اخرى للابيات يقول الشيخ الفارس عشق بن زيد بن شفلوت : [poem=font="Arial,5,darkred,bold,normal" bkcolor="transparent" bkimage="backgrounds/1.gif" border="solid,thin,gray" type=2 line=0 align=center use=ex num="0,black"] يامن يبشر اهل البطين = بالعز هو والامان الخيل سبع واربعين = ما راح منها إلا ثمان[/poem] لدي سؤال لك اخي العزيز الظور : ## اين يقع البطين ؟؟؟ هل المقصود منه البطين الموجود في ضرماء في نجد اللي يحده من جهة الغرب نفود الغزيز ام هو مكان آخر ؟؟ تقبل فائق الاحترام |
رد : عشق بن زيد والفهر يقلعون 38 من خيل عتيبه
ارحب يالظور وديما مواضيع دسمة وجزلة ومليارنعم ببن شفلوت وقبايله وتقبل مروري
|
رد : عشق بن زيد والفهر يقلعون 38 من خيل عتيبه
اقتباس:
اشكرك اخوي الغالي ابا الذموم على مرورك الي يشرفني ويسعدني تقريبآ ان البيت الاول عندك مذكوره فيه اسامي خيل ان صدق ظني لكن البيتين الي وردتها سمعتها من الشيخ مناحي بن ذيب هي والقصه اما البطين فهو الي ذكرته يقيضون فيه قحطان على شان الما القراح لان الماء العذب ينضب ويغور في معظم الاماكن في القيض بيض الله وجهك ياابا الذموم على مرورك |
رد : عشق بن زيد والفهر يقلعون 38 من خيل عتيبه
بيض الله وجهك يا بن كدم عز الله انك اثريت المنتدى بمواضيع تجمل في الانساب والفرسان
وونعم بمشايخنا الوافين آل شفلوت |
رد : عشق بن زيد والفهر يقلعون 38 من خيل عتيبه
بيّض الله وجهك يا بو محمد ..
ما تجيب إلا السمان دايم .. ومليون نعم بصبيان الشفاليت والفهر .. لاهنت أخي الغالي .. |
رد : عشق بن زيد والفهر يقلعون 38 من خيل عتيبه
اقتباس:
مرحآ باقي يابو عبدالله لاهنت ولاعليك زود اشكرك على مرورك تحاتي لك ياغالي |
رد : عشق بن زيد والفهر يقلعون 38 من خيل عتيبه
لاهنت يالظور ولا عدمناك وبيض الله وجيه الشفاليت عند ربعهم وعند قحطان.
تحياتي لك,,,,,,,, |
رد : عشق بن زيد والفهر يقلعون 38 من خيل عتيبه
جميل ان نرى هذه المواضيع
التي يكتبها اخينا الظور صاحب القلم المبدع المميز والكتابات التاريخيه الموثقه كذلك جميل ان نرى مشاركة الاخ اباالذموم :الذي نعده موسوعة مجالس قحطان فيمتزج هنا الابداع والتميز لمؤرخينا واساتذتنا الافاضل وفقكم الله لكل خير |
رد : عشق بن زيد والفهر يقلعون 38 من خيل عتيبه
اقتباس:
لاهنت ومشكور لاعدمتك |
رد : عشق بن زيد والفهر يقلعون 38 من خيل عتيبه
اقتباس:
وجهك ابيض ياخوي مشاري مرورك شرفني الله يطول عمرك على طاعة الله لاهنت يالقرم |
رد : عشق بن زيد والفهر يقلعون 38 من خيل عتيبه
اقتباس:
اشكرك اخوي مقدم الشفقان على مرورك العطر لاهنت وبيض الله وجهك |
رد : عشق بن زيد والفهر يقلعون 38 من خيل عتيبه
اقتباس:
ارحب ياراعي المصنه مرورك المييز والرائع اثرى مواضيعي الله يبض وجهك اشكرك على مرورك وانت استاذي لاهنت ولاعدمتك |
رد : عشق بن زيد والفهر يقلعون 38 من خيل عتيبه
الأخ الظور
مبدع ومؤرخ تقليدي بارك الله فيك ودمت سالما غانما معافا قصه جميله وليست الوحيده لعيال بن مفلح ..... |
رد : عشق بن زيد والفهر يقلعون 38 من خيل عتيبه
بيض الله وجهك با الظور علمك غانم وكفو ياابو محمد الشفاليت زعماء قبائل عبيدة ,,,,,,,,
|
رد : عشق بن زيد والفهر يقلعون 38 من خيل عتيبه
لاهنت
يعطيك العافيه مشكووووووووووور تحياتي |
رد : عشق بن زيد والفهر يقلعون 38 من خيل عتيبه
مشكور يبو محمد لاهنت علمك غانم ,,,,,,,,,,,,
|
رد : عشق بن زيد والفهر يقلعون 38 من خيل عتيبه
اقتباس:
ارحب يابو فيصل الله يبيض وجهك على المشاركه الرائعه واعذرني على التاخير لاعدمتك تقبل تحيات خوك |
رد : عشق بن زيد والفهر يقلعون 38 من خيل عتيبه
عتيبه
-------------------------------------------------------------------------------- اررررحب يالظور لله درك !!! بيض الله وجهك على هذا الموضوع الجزل يا وافي ونعم بك وبالفهر وبالمذكورين في الموضوع أنت كاتب مبدع وتستحق الثناء والشكر يا كحيلان |
الساعة الآن 10:31 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com